13-ma’ruza. Mustaqil ta’lim va uni tashkil etish metodikasi. Mustaqil ta’lim mavzularini tanlashning o’ziga xosligi Reja

₁₃-ma’ruza. Mustaqil ta’lim va uni tashkil etish metodikasi. Mustaqil ta’lim mavzularini tanlashning o’ziga xosligi
Reja:

1. 
   Mustaqil ta’lim va uni tashkil etish
   
2. 
   Mustaqil ta’limning turlari
   
3. 
   O`quv jarayonida o`quvchi-talabalar mustaqil ishlarining tutgan o`rni. Mustaqil ta`limga alohida diqqat qaratilishi
   

Mustaqil ta’lim va uni tashkil etish
Mustaqil Respublikamizda ta’lim-tarbiya tizimini isloh qilish, uni rivojlantirish, “Kadrlar tayyorlash milliy Dasturi”ni amalga oshirish, yoshlarga zamonaviy talablar darajasida bilim va tarbiya berish, talaba-yoshlar ongida yuksak ma’naviy-axloqiy fazilatlarni kamol toptirish xalqimizning bilim salohiyatini yuksaltirish hozirgi kunning eng dolzarb vazifalaridan biridir. Bu vazifalarni bajarish esa, oliy ta’lim tizimida va ishlab chiqarishda yangi texnika va texnologiyalardan foydalana oladigan, siyosiy ongi va siyosiy madaniyati yuksak bо‘lgan malakali, raqobatbardosh kadrlarni tayyorlash demakdir. О‘zbekiston respublikasining “Kadrlar tayyorlash miliy Dasturi” talabadan mustaqil fiklashni, eshitgan о‘quv axborotlarni ijodiy umumlashtirishni, muxim qismlarini ajrata bilishni, adabiyotlar ustida mustaqil ishlashni va doimiy asosiy ma’lumotlarni yozib borishni talab etadi.” Bugungi kunda talabalarga ta’lim-tarbiya berish о‘quv ishlarining ajralmas qismi bо‘lib, u uslubiy ishlari mustaqil bilim olish usullarini, va vositalarini takomillashtirishga qaratilishi zarurligi haqidagi talab yanada dolzarb masala bо‘lib qolmoqda”.¹ Talabalarning mustaqil intellektual mehnatini faollashtirish uning forma va metodlarini oliy о‘quv yurtlarida о‘qitilayotgan har bir fanning xususiyatiga qarab tashkil etish talab sifatida qо‘yilgan.
Mustaqil ish-ta’limni tashkil etish shakllaridan biri bо‘lib, bunda talabalar о‘z oldilariga u yoki bu vazifalarni, maqsadlarni ongli ravishda qо‘yib, faoliyatni rejalashtiradi va uni amalga oshiradi.