13. Инженер геологик кидирув ишлари

13. ИНЖЕНЕР ГЕОЛОГИК КИДИРУВ ИШЛАРИ.

Режа:
13.1. Муҳандислик геологик қидирув ишларининг мақсад ва вазифалари;

13.2. Муҳандислик геологик қидирув ишларининг ҳажми ва турлари;
13.3. Муҳандислик геологик қидирув ишларида қўлланиладиган геофизикавий текшириш усуллари;
13.4. Муҳандислик геологик қидирув ишлари бўйича ҳисобот тузиш.


13.1. Муҳандислик геологик қидирув ишларининг мақсад ва вазифалари.
Муҳандислик геологик кидирув ишлари ҳар хил қурилишларни муҳандислик геологик нуктаи назардан асослаш учун олиб борилади. Қурилиш майдонларида муҳандислик геологик кидирув ишларини олиб бориш учун даставвал лойиха тузилади. Лойиха дастурида муҳандислик геологик кидирув ишларидан кўзда тутилган асосий максад геологик, геоморфологик, гидрогеологик шароитларда, табиий геологик, муҳандислик-геологик жараёнларини, тоғ жинсларининг хоссаларини ва уларнинг бино ва иншоотлар эксплуатация давомида ўзгаришини ўрганишдан иборатдир.
Муҳандислик геологик хулоса қурилишни асослашда асосий роль уйнайди. Бунда пойдеворнинг жойлашиш чукурлиги аникланади ва грунтларнинг ҳар бир см² юзаси канча юк кутара олиши, иншоотларнинг мустахкамлиги, грунтнинг канча микдорда зичланиши мумкинлиги олдиндан айтилади.
Муҳандислик геологик кидирув ишлари учта боскичга:
1) тайёргарлик ишлари, 2) дала ишлари, ва 3) камерал ишлари боскичларига булинади.
Тайёргарлик ишларига архив, фонд ва адабиёт материалларини район микёсида ўрганиш, дала ишларига тайёргарлик ишлари киради.
Дала шароитида бажариладиган ишлар: 1) инженерлик геологик съёмкалар, 2) кидирув ишлари ва геофизик текширишлар: 3) тажриба – тадкикот ишлари: 4) ер ости сувларини ўрганиш: 5) районда утказилган қурилиш ишлари тажрибасининг анализи.
Камерал ишлари боскичида дала материалларини, лаборатория текширишлари натижаларини умумлаштириш утказилади ва инженерлик-геологик ҳисобот ҳариталари, киркимлар тўзилади.
Муҳандислик геологик ҳисобот ҳаритаси бу муҳим муҳандислик геологик маълумотлардир. Бу ҳариталарда тоғ жинсларининг литологик таркиби ва хоссалари, уларнинг тарқалиши, ётиш шароитлари, ёши ва келиб чиқишлари, ер ости сувлари ҳақида маълумотлар, табиий геологик ва муҳандислик геологик жараёнлар ҳақидаги маълумотлар ўз аксини топади.