12-mavzu. Foreks platformalarida ishlash Reja

Xalqaro valyuta bozorlari bir qancha mamlakat valyuta bozorlarini qamrab oladi. Xalqaro valyuta bozorlari, kabel va sun’iy yo’ldosh aloqalari bilan bir – birlari bilan chambarchas bog’liq jahon valyuta bozorlarining zanjirini hosil qiladi. Ular o’rtasida mablag’lar harakati amalga oshiriladi.
Ichki valyuta bozori deb mamlakat doirasida faoliyat yuritayotgan valyuta bozoriga aytiladi.

2. 
   Valyuta cheklovlarining qo’llanishiga qarab, erkin va erkin bo’lmagan valyuta bozorlariga ajratish mumkin. Valyuta cheklovlari amal qilgan bozor erkin bo’lmagan deyilsa, ularning mavjud bo’lmasligi valyuta bozori erkinligini belgilab beradi.
   
3. 
   Amal qiladigan valyuta kurslariga qarab:
   

Bitta valyuta kursi rejimiga ega bozor – bu birja savdolarida aniqlanadigan erkin suzib yuruvchi kursga ega valyuta bozori bo’lib, ichki valyuta bozorida bitta kurs shakllanadi.
Ikki yoki ko’p pog’onali valyuta kursi rejimining amal qilishini o’zi erkin bo’lmagan valyuta bozorini anglatadi. Bunda valyuta operatsiyalarinig bir turi alohida kurs bo’yicha o’tkazilib, boshqa turdagi operatsiyalarga nisbatan undan farqli bo’lgan ikkinchi kurs qo’llaniladi. Ko’p pog’onali valyuta kursi rejimini kapital harakati bo’yicha cheklovlarga ega rivojlanayotgan mamlakat qo’llashi mumkin.

4. 
   Tashkiliy jihatiga ko’ra:
   

Valyuta birja bozori – rasmiy tashkil etilgan, valyuta qimmatliklari bo’yicha savdo sessiyasi o’tkaziladigan birjadir. Birja tijorat korxonasi hisoblanmaydi. Uning asosiy vazifasi yuqori daromad olish emas, balki vaqtincha bo’sh pul mablag’larini valyuta qimmatliklarini sotish orqali zarur yo’nalishga qaratish va valyuta kursining bozor qiymatini aniqlashdan iborat.
Birjadan tashqari valyuta bozori valyuta birjasiga a’zo bo’lgan yoki bo’lmagan diller tomonidan tashkil etilib, savdolar telefon, telefaks, kompyuter tarmog’i orqali olib boriladi.

5. 
   Valyuta bozorlarini turkumlashda evrovalyuta, evroobligatsiya, evrodepozit, evrokredit bozorlarni ko’rsatib o’tish mumkin.