12-Mavzu: Argumentlash va bilimlar taraqqiyotining mantiqiy shakllati. Reja

Mavzuning tayanch tushunchalari
Muammoli vaziyat, muammo, gipoteza, umumiy gipoteza, juz’iy gipoteza, ishchi gipoteza, nazariya, empirik asos, nazariy asos, nazariyaning boshlanғich tushunchalari, nazariyani qurish prinsiplari, tajribaga tayanuvchi fanlarning mazmundor nazariyalari, gipotetik-deduktiv nazariya, aksiomatik nazariya, formallashgan nazariya.
1.Bilishning maqsadi qayd qilingan hodisalarning mohiyatini tushuntirishdan iborat. Buni hamma vaqt ham mavjud tasavvurlar, prinsiplar yordamida amalga oshirib bo’lmaydi. Bilish jarayonida ma’lum bir ziddiyatlar, birinchi navbatda, mavjud bilimlarimizning erishgan darajasi bilan yangi bilish vazifalarini hal qilish zaruriyati o’rtasida ziddiyat kelib chiqadi, muammoli vaziyat paydo bo’ladi. Bunday ziddiyatlar, ayniqsa, kundalik hayotimizda murakkab vazifalarni hal qilishda, fanda esa, tub burilishlar davrida yaqqol namoyon bo’ladi. Mana shunday vaziyat, masalan, tabiyotshunoslikda XIX asrning oxiri va XX asrning boshlarida radioaktivlik hodisasining qayd qilinishi, elektronning kashf etilishi, nurlanishning kvant xarakterga egaligining asoslanishi va shu kabi kashfiyotlar natijasida vujudga kelgan. Uning mohiyatini tabiyotshunoslikning, birinchi navbatda, fizikaning mavjud qonunlari va prinsiplarining yangi qayd qilingan hodisalarni tushuntirish uchun etarli emasligida, deb bilmoq zarur.
Shuni ham aytish kerakki, ilmiy bilishda muammoli vaziyatni fan taraqqiyotining ichki ehtiyojlari ham keltirib chiqarishi mumkin. Masalan, hozirgi paytda fanda sinergetika ғoyalari va metodlarini tushuntirish, matematikada aksiomatikaning imkoniyatlari va qo’llanish sohalarini aniqlash bilan boғliq bo’lgan vazifalarni hal qilish zaruriyati yangi vaziyatni yaratadi.
Demak, muammoli vaziyat mavjud ilmiy tasavvurlar bilan qayd qilingan yangi faktlar o’rtasidagi ziddiyatning paydo bo’lishi yoki ana shu ilmiy tasavvurlarning o’zining etarli darajada sistemaga solinmaganligi, yaxlit bir ta’limot sifatida asoslanmaganligi natijasidir.
Mana shundan kelib chiqib, muammoli vaziyat bilish taraqqiyotining turli bosqichlari va bo’ғinlarida olam va uni bilish haqidagi mavjud tasavvurlarni, bilish metodi va vositalarini o’zgartirishning ob’ektiv zaruriyatidan iborat, deyish mumkin.