111- боб чорвачилик ва паррандачилик асослари

Sigir sutining tarkibi %
1-jadval

Yog‘	Oqsil	Shakar	Mineral moddla r	Suv
3,7	3.3	1,9	0,7	87,4

Sigirning mahsuldorligini bilish uchun laktasiya dav­rida undan sog‘ib olingan sut miqdorini va sutda qancha oqsil hamda yog‘ borligini aniqlash kerak. Fermerlarda sigirning maxsuldorligini hisobga olib borish uchun har 10 kunda kontrol sog‘ish o‘tkazilib, har bir sog‘ib olingan sut miqdori o‘lchanadi, shuningdek oyda bir marta sutdagi yog‘ va oqsil miqdori aniqlanadi.
Go‘sht mahsuldorligi deb - bitta moldan olinadigan go‘sht miqdoriga aytiladi. Molning go‘sht mahsuldorligini uning so‘yilgan vazni va go‘sht chiqishiga qarab aniqlanadi. So‘yilgan vazni molning terisi shilinib, kallasi, ichak-chavoqlari (charvisi qoladi), oyoqlarining pastki (sakrash) bo‘g‘imlari kesib tashlangandan keyingi vaznidir. So‘yilgan vaznning tirik vaznga foiz hisobidagi nisbati go‘sht chiqishi deyiladi. Masalan, tirik vazni 450 kg bo‘lgan buqacha (novvos)ning so‘yilgan vazni (nimtalanmagan go‘shtning og‘irligi) 207 kg bo‘lgan. Demak go‘sht chiqishi
ga teng bo‘ladi.
Qoramollarning emas, boshqa qishloq xo‘jalik hayvonlari va parrandalarning go‘sht mahsuldorligi ham shu tarzda hisoblab topiladi. Yosh mollar har oyda tarozida tortilib, o‘sishi va rivojlanishi tekshirib turiladi, oy boshidagi vazni bilan oy oxiridagi vaznidan mollarning o‘rtacha sutkalik qo‘shimcha semirishi hisoblab chiqiladi. Bo‘rdoqiga boqilayotgan mol oy boshida va oy oxirida tortib ko‘riladi.