11-mavzu: qurilish jarayonining atrof-muhitga ta’siri reja: Qurilish jarayonining atrof-muhitga ta’sirini

Qurilish chiqindilarini qurilish maydonida qayta ishlashning afzallik tomonlari quyidagilardan iborat:
Qurilish jarayonidagi chiqindilarni bir joydan ikkinchi joyga ortish, tushirish va tashish xarajatlari kamayadi.
Qurilish maydonidagi chiqindilar uchun maxsus joyga to’lanadigan xarajatlar bo’lmaydi.
Qurilish belgilangan maydonga donador (shag’al, chaqiq tosh va sh.k.) qurilish materiallarini keltirish kamayadi. Chunki buzilgan inshootning o’zidan chiqadigan materiallarining yetarliligi sababli, ularni sotib olishga, biror joydan keltirishga mablag’ talab etilmaydi.
Qulay va kam xarajat yo’l bilan qurilish materiallariga ega bo’linadi.
Qurilish jarayonining atrof-muhitga salbiy ta’sirini va chiqindilarning miqdorini kamaytirish uchun ularni yig’ib, tarkibi bo’yicha taqsimlab, qayta ishlashga jo’natish eng samarali yo’l hisoblanadi. Chiqindilarni qayta ishlash jarayoni ishlab chiqarishning o’sishiga, shu bilan birga uning tabiatga, ekologiyaga bo’lgan ta’sirini kamaytirishga yordam beradi. Bunday qayta ishlangan materiallardan foydalanish qurilish materiallarini tejashga va chiqindilar miqdorining kamayishiga imkon yaratadi.
Qurilish chiqindilarini qurilish maydonida qayta ishlashning kamchiligi materiallar tarkibi bo’yicha taqsimlanmaydi. Bunda qo’shimcha elektr energiyasi, tashish ishlari va shu kabilar uchun mablag’ talab etiladi. Chiqindilarni qayta ishlash jarayonida ba’zi hollarda ulardan sezilarli zararli moddalar ajralib chiqish ehtimoli mavjud.