11-mavzu O’zbekistonda davlat mustaqilligining qo’lga kiritilishi. Huquqiy demokratik davlat qurish va fuqarolik jamiyat asoslarini shakllantirish

O’zbekiston mustaqillik arafasida

• I.A.Karimov 1989 yil iyunda O’zbekistonning birinchi rahbari lavozimiga saylandi;
• 1989 yil 21 oktyabrda O’zbekiston SSR Oliy Kengashining 11-chaqiriq 11-sessiyasida «Davlat tili haqida»gi Qonun qabul qilindi;
• «O’zbekistonning iqtisodiy mustaqilligini shakllantirish konsepsiyasi»ni tayyorlashga kirishildi. Unga ko’ra, «O’zbekiston xalq xo’jaligini sog’lomlashtirish va bozor iqtisodiga o’tishning asosiy prinsiplari» ishlab chiqildi va u 1990 yil 17 oktyabrda umumxalq muhokamasi uchun e’lon qilindi;
• O’zbekiston Oliy Kengashi 1989 yil 25 noyabrda bo’lgan «O’zbekiston SSRni iqtisodiy va sosial rivojlantirishning 1990 yilgi Davlat plani to’g’risida»gi masalani muhokama qilar ekan, Respublikaning iqtisodiy mustaqilligiga oid muhim tadbirlarni belgiladi;
• 1990 yil 24 martda bo’lib o’tgan O’zbekiston SSR Oliy Kengashining 12 chaqiriq 1-sessiyasi O’zbekiston tarixida birinchi marta Prezidentlik lavozimini ta’sis etish to’g’risida qaror qabul qildi. Sessiya I.A.Karimovni O’zbekiston sovet sosialistik Respublikasi Prezidenti etib sayladi;
• 1990 yil 20 iyunda O’zbekiston SSR Oliy Kengashining 12-chaqiriq 2-sessiyasida «O’zbekistonning Mustaqillik Deklarasiyasi» qabul qilindi;

O’tgan asrning 80-yillari oxirida respublikamizda yuzaga kelgan og’ir ijtimoiy-iqtisodiy vaziyat

• yalpi ijtimoiy mahsulot ishlab chiqarish bo’yicha sobiq ittifoqning 15 ta respublikalari ichida 12-o’rinda;
• aholi jon boshiga milliy daromad sobiq ittifoqning o’rtacha ko’rsatkichidan 2 barobar kam bo’lgan;
• aholining xalq iste’moli mollari bilan ta’minlanishi bor-yo’g’i 40 foizni tashkil etgan;
• aholi daromad darajasi va asosiy turdagi oziq-ovqat mahsulotlarini iste’mol qilish jihatidan ittifoqdosh respublikalar orasida oxirgi o’rinlardan birida turgan.

Jonajon mamlakatimiz sarhadlarini va ozodligini himoya qilish uchun mard o’g’lonlar, hattoki ularni dunyoga keltirgan onalar ham o’zlarining shirin jonini fido qilishdan qochmaydi va shu aziz Vatan uchun fidokorlikni o’ziga sharaf deb biladi. O’zbekiston – asli mard va fidoyi insonlar yurti. Shuning uchun ham davlatimiz rahbari Sh.Mirziyoyev tomonidan bu yilgi mustaqillik ayyomining bosh g’oyasi “Fidoying bo’lgaymiz seni, O’zbekiston!” deb belgilandi.