11-mavzu nazorat savollari. Tashkilotning axborot ta'minoti deganda nimani tushunasiz?

3. Aloqa jarayonining elementlari va bosqichlari qanday?

Kommunikatsiya ahamiyatini koʻrsatish maqsadida “Dyu-Pont” kompaniyasi xodimlarining aloqaga sarflaydigan vaqti taqsimotini kuzatish joiz: shaxsan majlislardagi aloqalar umumiy vaqtning 53% ni, yozma ravishdagi muloqotning 16% ni, oʻqib olish orqali 15% ni, telefon suhbatlari 8% ni, boshqa tur aloqalar 8% ni tashkil qiladi. Rahbarlarning umumiy vaqtining 50 % i dan 90% gacha qismi aloqaga sarflanadi (bular bevosita boshqaruv borasidagi qarorlarga bogʻliq aloqalar). Rahbarlardan “tashkilotda eng murakkab jarayon qaysi?”- degan savolga 73% amerikalik, 63% ingliz, va 85% yapon menejerlari- aloqa jarayoni deb javob berganlar hamda tashkilot samaradorligini taʼminlashdagi asosiy to‘siqlari qatorida aloqani keltirganlar. Yana bir izlanishlar natijasi: 2000 turli kompaniyalarning 250 ming xodimlari soʻralib, ular tashkilotda aloqani amalga oshirish eng murakkab muammolardan biri deb taʼkidlaganlar.

Korxonalarda axborot hajmi va u bilan bogʻliq kishilar soni muntazam ortib bormoqda. Axborot hajmining ortishi unumdorlikni oshirishda aloqa jarayonini boshqarish ahamiyatining ortib borishiga sabab boʻlmoqda. Axborotni qayta ishlash jarayonida texnika taraqqiyoti, jumladan, kompyuterlardan foydalanish, aloqa sunʼiy yoʻldoshlari, xalqaro telefon va televideniye tarmogʻi, uzatuvchi axborot hajmi ortishi va uni uzatish vaqti qisqarishiga olib keldi. Axborot uzatish vaqti bu uni berishdan qabul qilib olishgacha boʻlgan vaqtni oʻz ichiga oladi. Axborot uzatish vaqti qisqarganligi sababli uni qayta ishlash va foydalanishga jadallik bilan uzatilishi jismoniy va huquqiy shaxslar faoliyatini koordinatsiya qilishga yordam beradi.