11-mavzu. Mahalliy moliya toshkent moliya instituti “Davlatiy moliya” kafedrasi dots V. b. B. Nurmuxamedova

Umumdavlat daromadlari va soliqlari har yili qonun bilan belgilangan tartibda o’rnatilgan me’yorlar asosida tegishli byudjetlar o’rtasida taqsimlanadi. Tegishli ma’muriy-hududiy bo’linmaning byudjeti uchun o’rnatiladigan mazkur me’yorlar asosan quyidagilarni e’tiborga olgan holda o’rnatiladi:

hududlarning moliyaviy ahvoli hamda ularning o’z daromad bazalarining holatiga ko’ra;

hududlardagi ijtimoiy-iqtisodiy, demografik va boshqa umumdavlat vazifalarining va dasturlarning mavjudligi va amal qilishiga ko’ra;

hududlar bo’yicha tovarlar va xizmatlar narhlaridagi farqlarning mavjudligiga ko’ra;

har bir hudud bo’yicha aholi soni, tarkibi va zichligi bo’yicha;

tegishli hududda joylashgan byudjet tashkilotlari va byudjet mablag’larini o’z tasarrufiga oluvchilarning byudjet mablag’lariga bo’lgan talabiga ko’ra.