11-Ma‘ruza Risklarni boshqarish sohasiga oid xalqaro va milliy standartlar

O‘z DSt ISO/IEC 27001 Axborot texnologiyalari. Xavfsizlikni ta’minlash metodlari. Axborot xavfsizligini boshqarish tizimlari. Talablar

Qo‘llash sohasi: Ushbu standart tashkilotning umumiy biznes- risklari kontekstida hujjatlashtirilgan AXBTni ishlab chiqish, joriy etish, uning ishlashi, monitoringini amalga oshirish, tahlil qilish va takomillashtirishga qo‘yiladigan talablarni belgilab beradi. Standart tashkilot yoki uning bo‘limlarining individual talablariga moslashgan xavfsizlikni boshqarish vositalarini joriy etishga qo‘yiladigan talablarni belgilaydi. Ushbu standart barcha turdagi tashkilotlarda qo‘llanadi (masalan, tijorat korxonalarida, notijorat tashkilotlarida va davlat muassasalarida).
Maqsad: AXBTni, shu jumladan tashkilot AXBT yordamida himoya qilishga urinadigan axborot aktivlari uchun risklarni boshqarish va ularni pasaytirishni amalga oshiradigan boshqarish vositalarining kompleksini ishlab chiqish va uning ishlashi bo‘yicha normativ talablarni belgilash. AXBTga ega tashkilotlar ularning auditini o‘tkazishlari va O‘z DSt ISO/IEC 27001 talablariga muvofiqligini sertifikatlashlari mumkin. AXBT O‘z DSt ISO/IEC 27001 standartidagi A ilovadagi muayyan talablarga javob berishi uchun boshqarish maqsadlari va vositalari muayyan shartlarga muvofiq AXBT jarayonining bir qismi sifatida tanlab olinishi kerak. O‘z DSt ISO/IEC 27001 - A.1-jadvalda sanab o‘tilgan boshqarish maqsadlari va elementlari O‘z DSt ISO/IEC 27002 standartining 5-15-bo‘limlaridan bevosita olingan.
O‘z DSt ISO/IEC 27002 Axborot texnologiyasi. Xavfsizlikni ta’minlash metodlari. Axborot xavfsizligini boshqarishning amaliy qoidalari
Qo‘llash sohasi: Ushbu standart boshqarish va zamonaviy boshqarish vositalarining hamma tan olgan maqsadlarining ro‘yxatini, shuningdek, axborot xavfsizligini ta’minlash uchun mo‘ljallangan boshqarish vositalarini tanlash va joriy etish bo‘yicha amal qilinadigan ko‘rsatmalarni o‘z ichiga oladi.
Maqsad: axborot xavfsizligini boshqarish vositalarini joriy etish bo‘yicha amal qilinadigan ko‘rsatmalarni taqdim etish.
Bunda 5–15-bo‘limlarda O‘z DSt ISO/IEC 27001 standartining A.5- bo‘limlarida belgilangan boshqarish vositalarini qo‘llab-quvvatlash usullari bo‘yicha aniq tavsiyalar va amal qilinadigan ko‘rsatmalar keltirilgan.