11-маъруза. Портландцементнинг махсус турлари Режа

Пластификацияланган ва гидрофоб портландцементлар клинкер цементини пластиклайдиган ёки гидрофоб (сувини ўзидан қочирувчи) қўшилма билан биргаликда майда қилиб туйишдан ҳосил бўладиган гидравлик боғловчи моддалардир.
Пластиклайдиган ва гидрофоб қўшилмалар цемент оғирлиги­нинг (қуруқ моддага нисбатан) 0,1–0,25 % микдорича қўши­лади. Пластиклайдиган сирти фаол қўшилмалар сифатида давлат стандартлари талабларига кўра сульфит спирт бардасининг кон­центрати ишлатилади. Цемент заррачаларининг устида гидро­фоб моддаларнинг адсорбцион пардалари борлиги бетон қориш­масининг бевақт ёпишиб қолишига (коагуляция) тўсқинлик қилади, шунингдек, цемент заррачаларининг ва тўлдиргич­ларнинг қатлам-қатлам бўлиб чўкишини камайтиради ҳамда қоришмадан сувнинг ажралиб чиқишини камайтиради, яъни сув, шағал, қум ва цемент қоришмасининг алоҳида-алоҳида қатламланишига йўл қўймайди. Пластикланган цементдан тайёрланган бетон зич, совуққа чидамли ва кам сув ўтказувчан бўлади. Улар ишлатилганда 10 % гача цемент тежалади. Пластикланган цемент 300, 400, 500 ва 600 маркаларда чиқарилади.
1-жадвал
Цемент майдалиги унинг мустаҳкамлигига таъсири

Солиштирма юзаси, см^2/г	Сиқилишдаги мустаҳкамлик, МПа кундан кейин
	1	3	28	180	360
1880	8,4	26,0	53,0	52,0	69,0
2100	14,5	28,0	47,0	60,0	72,0
3000	14,7	34,0	57,0	61,0	72,0
4000	21,5	46,0	59,0	61,0	69,0
5000	28,0	40,0	54,0	60,0	74,0