11-Ma’ruza: Oq qon tizimi patologiyasi Reja

11-Ma’ruza: Oq qon tizimi patologiyasi
Reja:

1. 
   Lеykotsitlarning miqdor va sifat jihatdan o’zgarishlari.
   
2. 
   Lеykotsitoz va lеykopеniyalar, turlari sabablari va klinik axamiyati.
   
3. 
   Lеykozlar: ular haqida umumiy tushunchalar, turlari ,tasnifi.
   
4. 
   Lеykozlar, etiologiyasi va patogеnеzi
   

Oq qon patologiyasi.

Oq qon tanachalari organizmda asosan himoya vazifasini o’taydi va tufayli leykotsitlarda ro’y beradigan o’zgarishlar qon yaratuvchi to’qima va a’zolar patologiyasidan tashqari juda ko’p turli kasalliklarda kuzatiladi. Shunga ko’ra leykotsitlarning patologik fiziologiyasini o’rganish amaliy tibbiyotda muhim o’rin tutadi.

Leykotsitlarni o’rganish 2 xil yo’nalishda olib boriladi:

1.Leykotsitlarni qondagi miqdorini aniqlash. Bu ko’rsatkichga qarab, mas., kasallik yallig’lanish jarayoni zaminida yoki boshqa o’zgarishlar oqibatida paydo bo’lganligini, uning o’tkir yoki surunkali kechishini va h.k ni aniqlash mumkin.

2.Qonning leykotsitar formulasini, ya’ni leykogrammani aniqlash va tahlil qilish. Leykotsitar formula kasallik to’g’risida to’liqroq ma’lumotlar (mas.,kasallikning mohiyati, harakteri,davri va h.k.)ni olishga hamda ayrim kasalliklar diagnozini qo’yishga imkon beradi.

Leykotsitar formula deb, turli leykotsitlarning bir-biriga bo’lgan nisbatining foizi(%)ga aytiladi. Leykotsitar formula bo’yalgan qon surtmasida sanaladi. Buning uchun turli leykotsitlarning o’ziga xos morfologiyasini bilish zarur.