11-Маъруза Насос электр жиҳозлари

4. Насос ротори тезлигини ростлаш схемалари

7.3-расм. Насос ротори тезлигини ростлаш схемалари:
1 ─ электромотор, 2 ─ насос, 3 ─ босим ростлагичи, 4 ─ ток ростлагичи,
5 ─ бошқарилувчи тўғрилагич ва автоном инверторларнинг бошқарув тизими, 6 ─ автоном инвертор, 7 ─ бошқарилувчи тўғрилагич, 8 ─ инвертор
7.3 ─ в-расмда асинхрон ─ вентилли каскад (АВК) схемаси келтирилган. Бу юритмада, фаза роторли асинхрон мотор роторидан берилаётган ЭЮКни ўзгартириш ҳисобига тезлик ростланади. Мотор синхрон тезликдан паст тезликда мотор режимида ишлаётганида ротор токи бошқарилувчи тўғрилагичда тўғриланади ва инвертор режимида ишлаётган бошқарилувчи тиристорларда тармоқ кучланиши частотасига тенг частотали ўзгарувчан ток

кучланишига ўзгартирилади. Мотор роторининг тўғриланган кучланиши таъсири натижасида, трансформаторнинг бирламчи чулғамида ўтаётган ток тармоқ кучланиши билан тескари фазали бўлгани учун тармоққа актив қувват узатилади. Турғун иш режимида ротор токининг қиймати ротор ва инвертор кучланишларининг айирмаси билан аниқланади. Инверторнинг тўғриланган кучланиши қийматини ростлаш, бошқарув тизими орқали бошқарувчи импульсларнинг фаза силжиш бурчагини силлиқ ўзгартириб, амалга оширилади. Инверторнинг тўғриланган кучланиши ўзгариши мотор ротори токининг ўзгаришига олиб келади ва бу эса мотор моментини ўзгартиради. Моментнинг ўзгариши ўз навбатида тезликни ўзгартиради. Қуввати 2000 кВтгача бўлган фаза роторли асинхрон моторли насос қурилмаларини бошқаришда ТДП2 русумли АВКлар қўлланилади.


Назорат саволлари:
1. Марказдан қочма насос, унинг тузилиши
2. Насос қурилмаларида кўп қўлланиладиган моторлар
3. Насос қурилмаси мотори занжиридаги электр кўрсаткичларни ўлчаш
4. Насос ротори тезлигини ростлаш схемалари