11-Laboratoriya ishi. Ishning nomi

---

11-Laboratoriya ishi.
Ishning nomi: 
Uzluksiz ta’lim tizimida Informatika va axborot 
texnologiyalari fani bо‘yicha ma’ruza mashg‘ulotlari uchun didaktik materiallar 
tayyorlash.
 
Ishning maqsadi: 
Uzluksiz ta’lim tizimida Informatika va axborot 
texnologiyalari fani bо‘yicha ma’ruza mashg‘ulotlari uchun didaktik materiallar 
tayyorlashni o‘rganish.
Ish uchun kerakli jihozlar:
Kompyuter, proyektor, internet, mikrafon 
Ish haqida nazariy ma’lumot
Ma’ruza mashg’ulotlari ko’pincha akademik litsey KHK, texnikumlarning 
o’quv jarayonida amalga oshiriladi. Vaqtdan unumli foydalanish, mavzuni 
ko’rgazmali bayon etish, darsni qiziqarli bo’lishi uchun didaktik materiallardan 
foydalaniladi.
Didaktika(yunoncha didaktikos-o‘rgatuvchi, ta’lim beruvchi)-o‘qitish va 
ta’lim, ularning maqsadi, mazmuni, vositalari hisoblanadi. Didaktik materiallarga 
tarqatma materiallar, plakatlar, taqdimotlar va boshqalar misol bo’ladi.
Darsda didaktik materiallar tayyorlovchi juda ko‘plab kompyuterning dasturiy 
vositalari mavjud bo‘lib Microsoft Office firmasining dastur ilovalari(amaliy 
dasturlar)dan foydalanish mumkin. Shulardan biri Power Point dasturi juda ko‘p 
sohalarda taqdimotlar tayyorlashda ishlatiladi. Xususan ta’lim tizimida ma’ruzalarni 
taqdimot ko‘rinishda tushuntirish samarali natija beradi. Dars uchun didaktik 
materiallarga sxema, jadval, tasvir ko‘rinishlardagi turli plakatlar kiradi. Bundan 
tashqari audiovizual materiallardan dars jarayonida foydalanish uning 
samaradorligini oshirishga xizmat qiladi. Kompyuterning dastur ta’minoti darsda 
foydalanish uchun zarur bo‘ladigan turli ko‘rinishdagi axborotlarni tushuntirishga 
yordam beradigan didaktik materiallarni tayyorlash imkonini beradi. Shunday 
dasturlardan biri Power Point dasturi Microsoft Office firmasining Windows 
operatsion sistemasi dasturi asosida yaratilgan bo‘lib, dastur prezentatsiyalar uchun 
qulay bo‘lgan dasturiy vositalardan biri hisoblanadi. Bu dastur orqali barcha 
ko‘rgazmali qurollarni yaratish va ayrim hollarrda ma`lumotlar bazasi sifatida 
foydalanish imkoniyati mavjud. Ushbu dasturdan multimedia vositalarini 
boshqarish va ularni qo‘llab, namoyish etuvchi qurilmalarga yuborish vazifalari
bajariladi.