101 ta tabiiy pardozbop tosh (marmar, granit, gabbro va h k.) konlari davlat zahirasiga kiritilgan

Navlarga ajratish va saqlash. Pechdan chiqarib olinganidan keyin keramik buyumlar navlarga ajratiladi. Buyumlar sifati – pishirish darajasi, tashqi koʼrinishi, shakli, oʼlchamlari va turli nuqsonlari bor-yoʼqligiga qarab aniqlanadi. Pishirish darajasi boʼyicha buyumlar normal, chala va oʼta pishgan buyumlarga boʼlinadi.
Qurilishda qoʼllaniladigan keramik materiallar va buyumlar:
Devorbop materiallar: gʼisht, kovakli gʼisht, kovakli bloklar, devor panellari.
Pardozlash materiallari: sirtqi gʼisht va toshlar, glazur bilan sirlangan gʼisht, keramika plitkalar, gilam nusxa keramika, pol plitkalari.
Sanitariya-texnikasi buyumlari: keramik quvurlar, drenaj quvurlar, vanna, radiator va boshqalar.
Mahsus keramik materiallar: issiqlik izolyatsiyasi, yoʼl gʼishti, olovbardosh keramika, kislotaga chidamli keramika.

2. 
   Tabiiy tosh va sunʼiy materiallar asosidagi pardozlash plitalari.
   

Tabiiy tosh yashash va jamoatchilik binolardagi har xil intererlar dizaynlarini yaratishda keng foydalaniladi. Tashqi effektiv koʼrinishi, boy fakturasi, ranglar palitrasi kengligi va amaliy jihatdan qulayligi uchun tabiiy tosh pollarni, zinapoyalarni, devorlarni, kaminlarni va stollarni yuzasini qoplashda eng samarali material sifatida tan olinadi.
Qattiqligi va oʼta mustahkamligiga qaramasdan tabiiy tosh yaxshi ishlovga beriladi. Uni qoʼllash soxalari nihoyatda keng. Bundan tashqari, tabiiy tosh takrorlanmas hususiyatga ega, tabiiy ranglari va teksturasi tufayli jozibali koʼrinish va chiroy kasb etadi. Toʼgʼri tanlangan tabiiy tosh oʼn yillab oʼz xossalarini va maftunkorligini yoʼqotmasdan xizmat qiladi.
2.1 Tabiiy tosh turlari
Bozorda tabiiy tosh har xil navlarda va oʼlchamlarda namoyon boʼladi. Ularni tanlashda toshning texnik xossalarini, xona nimaga moʼljallanganini, materialning rangi va fakturasi hamda ishlatish sharoiti hisobga olinishi katta ahamiyatga ega.
Har xil turdagi tabiiy toshlar orasida eng mashhurlari va isteʼmolchilarga tanish boʼlganlardan bu marmar, granit va oniksdir. Shu bilan bir qatorda pardozlash ishlarida baʼzan travertin, ohaktosh, gabrro, doloit va qumoqlar ham qoʼllaniladi.