10-мавзу: Табиий зич тош жинслари асосидаги тўлдирувчилар

10-МАВЗУ: Табиий зич тош жинслари асосидаги тўлдирувчилар.
РЕЖА:
1. Табиий тўлдирувчилар классификацияси.
2. Хомашё базаси.
3.Ишлаб чиқариш технологияси.
Табиий тўлдирувчилар классификацияси.
Биз шу пайтгача тўлдирувчиларга табиатда учрайдиган материал сифатида қарадик. Бироқ тўлдирувчилар саноат маҳсулотлари асосида ҳам олиниши мумкин.
Петрографик нуқтаи назаридан тўлдирувчилар, майдалаш бўйича ҳамда табиий ҳолатда майдаланиши бўйича бир қанча тоғ жинслари гуруҳига ва умумий хусусиятларга эга бўлади. Энг мақбул классификация БС812:1:1975 бўйича аниқланади, бунда тоғ жинсининг турига боғлиқ ҳолда табиий тўлдирувчилар қўйидаги гурухларга бўлинади:
Табиий тўлдирувчиларнинг тоғ жинси турига (BS812: 1:1975) боғлиқ ҳолда классификацияси:
жадвал-4.1

Базальт гурухи - андезит, базальт, асосий порфиритлар, диабаз, барча турдаги флеритлар (тералит ва тешенит), эпидиорит, сланец лампрофир, кварцли флерит, спилит;	кремнийли гурухи- кремнийли сланец, кремень; гранит гурухи - гнейс, гранит, гранодиорит, гранулит, пегматит, кварцли диорит, сиенит;	габро гурухи - асосий диорит, асосий гнейс, габро, норит, роговая обманка, норит, перидотит, пикрит, серпентин;
йирик донадорли қум тош - агломерат, аркоз, брекчия, конгломерат, вакка, йирик донадорли қум тош, қумтош, туф;	роговик гурухи - кўринишини ўзгартирувчи барча турдаги тоғ жинслари, бунда мармар кирмайди;	охактош гурухи - доломит, охактош ва мармар;
порфир гурухи - аллит, дацит, фельсит, гранофир, кератофир, микрогранит, порфир, кварцпорфирит, риолит, трахит;	кварцит гурухи - ганистер, кварцитли қум тош, перекриссталлашган кварцит;	сланец гурухи - филлит, гилли сланец кремнийли сланец, барча метаморфик тоғ жинслари.

Гуруҳлар бўйича классификация бу исталган тўлдирувчининг бетон олишда яроқлилигини билдирмайди: мос келмайдиган тўлдирувчилар исталган гуруҳда бўлиши мумкин, бироқ бир қанча гуруҳдаги тоғ жинслари яхши кўрсаткичларга эга бўлади. Шуни таъкидлаш лозимки, тўлдирувчиларни бир қанча номланишлари петрографик классификацияга мос келмаслиги мумкин.
Тоғ жинслари асосан BS812: 102: 1989 и BS812: 104: 1994 (2000) да келтирилган тўлдирувчилар ишлаб чиқаришда ишлатилади, бунда петрографик усуллари экспертизасини қамраб олади. BS812 кейинчалик BSEN932 ва 933 га алмаштирилди.
ASTMC294-05 стандартида тўлдирувчиларда кўп учрайдиган бир қанча минераллар келтирилган. Минералогик таркибга кўра классификациялаш орқали тўлдирувчиларни дастлабки хусусиятларини баҳолаш имконини беради, бироқ у орқали бу турдаги тўлдирувчиларни бетонда қўллаш мумкин ёки йўқлигини аниқ айтиб бериб бўлмайди, чунки тўлдирувчиларда универсал минераллар мавжуд бўлмайди. Шу билан бир вақтда керакмас минераллар кўп ҳолатларда кўп учрайди. ASTM бўйича10 минераллар классификацияси кўриб чиқилади: кремнезёмли минераллар (кварц, опал, халцедон, тридимит, кристобалит), дала шпатлари, слюдали минераллар, карбонатли минераллар, сульфидлар, ферромагнезиал минераллар, цеолитлар, темир оксидлари, гилли минераллар.
Кўриб чиқилган петрографик ва минералогик усуллар ушбу китоб таркибига киритилган, бироқ шуни таъкидлаш лозимки геологик нуқтаи назаридан тўлдирувчиларни анализ этиш орқали уларнинг сифати баҳоланади, яна ишлатилаётган тўлдирувчиларнинг маълум эксплуатацион характеристикалари солиштирилади. Бунинг натижасида тўлдирувчи таркибида унинг сифатига ёмон таъсир кўрсатувчи кремнезём каби минералларни аниқлаш мумкин. Сунъий тўлдирувчиларни ишлатиш жараёнида ҳам тўлдирувчи сифатига таъсир этувчи ишлаб чиқариш технологияси тадқиқ этилади.