10-mavzu. G’aznachilikda to’lovlarni amalga oshirish reja

4- guruh xarajatlari to’lovlarini amalga oshirilishi

IV guruh xarajatlari bo’yicha moliyaviy majburiyatlar mahsulot etkazib beruvchilarning hisobvaraq-fakturalari yoki tovarlar etkazib berilganligini (ishlar bajarilganligini, xizmatlar ko’rsatilganligini) tasdiqlovchi boshqa hujjatlar, yoki byudjetdan mablag’ oluvchilarning mahsulot etkazib beruvchiga byudjet (byudjetdan tashqari) mablag’larini (shu jumladan, avans to’lovlarini) o’tkazishi lozimligini tasdiqlovchi boshqa hujjatlar asosida qabul qilinadi.

G’aznachilik bo’linmasi byudjetdan mablag’ oluvchilarning to’lov topshiriqnomalari asosida g’azna hisobvaraqlaridan IV guruh xarajatlari bo’yicha xarajatlarni byudjetdan mablag’ oluvchilarning xarajatlar smetalarining tegishli moddalarida nazarda tutilgan ajratilgan byudjet mablag’lari limitlari doirasida amalga oshiradi.

Byudjetdan mablag’ oluvchilarning xarajatlari to’lovi to’lov topshiriqnomalari bilan quyidagi talablarga rioya qilingan holda amalga oshiriladi:

byudjetdan mablag’ oluvchilarning IV guruh xarajatlarining tegishli moddalari bo’yicha byudjet mablag’lari qoldiqlari summalari doirasida;

agar to’lov topshiriqnomasida ko’rsatilgan summa g’aznachilik bo’linmasida ro’yxatga olingan shartnomaga muvofiq to’lanishi lozim bo’lgan pul mablag’lari summasidan oshmasa;

hisobvaraq-faktura yoki tovar (ish, xizmat)lar etkazib berilganligini tasdiqlovchi boshqa hujjatlar mavjud bo’lganda va byudjetdan mablag’ oluvchining mahsulot etkazib beruvchi oldidagi qarzdorligini, shuningdek byudjetdan mablag’ oluvchini mahsulot etkazib beruvchiga byudjet (byudjetdan tashqari) mablag’larini (shu jumladan, avans to’lovlarini) o’tkazishi lozimligini tasdiqlovchi hujjatlar mavjud bo’lganida;

to’lov topshiriqnomasida ko’rsatilgan mahsulot etkazib beruvchining, shuningdek byudjetdan mablag’ oluvchilarning nomi va rekvizitlari shartnoma va hisobvaraq-fakturada yoki tovar (ish, xizmat)lar etkazib berishni tasdiqlovchi boshqa hujjatlarda mahsulot etkazib beruvchining, shuningdek byudjetdan mablag’ oluvchilarning nomi va rekvizitlariga muvofiq bo’lganida.

Etkazib berilgan tovar (ish, xizmat)lar uchun xarajatlar to’lovi, shuningdek avans to’lovlarini amalga oshirish uchun byudjetdan mablag’ oluvchilar g’aznachilik bo’linmasiga o’rnatilgan tartibda rasmiylashtirilgan to’lov topshiriqnomalarini quyidagicha taqdim qiladilar:

a) besh nusxada, agar g’aznachilik bo’linmasi va mahsulot etkazib beruvchiga bitta bank filialida xizmat ko’rsatilsa. Byudjetdan mablag’ oluvchining tegishli mansabdor shaxslari tomonidan imzolangan va muhr izi bilan tasdiqlangan to’lov topshiriqnomasining birinchi nusxasi, byudjetdan mablag’ oluvchining g’aznachilik bo’linmasiga byudjetdan mablag’ oluvchining shaxsiy hisobvarag’idan kassa xarajatlarini amalga oshirish uchun so’rovnomasi bo’lib xizmat qiladi. To’lov topshiriqnomasining ikkinchi nusxasi g’aznachilik bo’linmasining rahbari va mas’ul shaxsi tomonidan imzolanadi, g’aznachilik bo’linmasining muhr izi bilan tasdiqlanadi va bank uchun g’azna hisobvarag’idan xarajatlar to’lovini amalga oshirish uchun asos bo’ladi. Bank filialining to’langanlik to’g’risidagi belgisi bilan to’lov topshiriqnomasining uchinchi nusxasi mahsulot etkazib beruvchiga beriladi. Bank filialining to’langanlik to’g’risidagi belgisi bilan to’lov topshiriqnomasining to’rtinchi nusxasi g’azna hisobvarag’idan ko’chirmaga ilova qilinadi va g’aznachilik bo’linmasiga byudjetdan mablag’ oluvchining shaxsiy hisobvarag’ida kassa xarajatlarini aks ettirish uchun asos bo’ladi. G’aznachilik bo’linmasining “TO’LANGAN” belgisi bilan va to’langan sana qo’yilgan to’lov topshiriqnomasining beshinchi nusxasi byudjetdan mablag’ oluvchining shaxsiy hisobvarag’idan ko’chirma bilan birgalikda byudjetdan mablag’ oluvchining vakolatli xodimiga beriladi.

b) to’rt nusxada, agar g’aznachilik bo’linmasi va mahsulot etkazib beruvchiga har xil bank filiallarida xizmat ko’rsatilsa. Byudjetdan mablag’ oluvchining tegishli mansabdor shaxslari tomonidan imzolangan va muhr izi bilan tasdiqlangan to’lov topshiriqnomasining birinchi nusxasi, byudjetdan mablag’ oluvchining g’aznachilik bo’linmasiga byudjetdan mablag’ oluvchining shaxsiy hisobvarag’idan kassa xarajatlarini amalga oshirish uchun so’rovnomasi bo’lib xizmat qiladi. To’lov topshiriqnomasining ikkinchi nusxasi g’aznachilik bo’linmasining rahbari va mas’ul shaxsi tomonidan imzolanadi, g’aznachilik bo’linmasining muhr izi bilan tasdiqlanadi va bank uchun g’azna hisobvarag’idan xarajatlar to’lovini amalga oshirish uchun asos bo’ladi. Bank filialining to’langanlik to’g’risidagi belgisi bilan to’lov topshiriqnomasining uchinchi nusxasi g’azna hisobvarag’idan ko’chirmaga ilova qilinadi va g’aznachilik bo’linmasiga byudjetdan mablag’ oluvchining shaxsiy hisobvarag’ida kassa xarajatlarini aks ettirish uchun asos bo’ladi. G’aznachilik bo’linmasining “TO’LANGAN” belgisi bilan va to’langan sana qo’yilgan to’lov topshiriqnomasining to’rtinchi nusxasi byudjetdan mablag’ oluvchining shaxsiy hisobvarag’idan ko’chirma bilan birgalikda byudjetdan mablag’ oluvchining vakolatli xodimiga beriladi.

v) uch nusxada agar g’aznachilik bo’linmasi hamda unga xizmat ko’rsatuvchi bank orasida “Bank-mijoz” dasturiy majmui yo’lga qo’yilgan bo’lsa. Byudjetdan mablag’ oluvchining tegishli mansabdor shaxslari tomonidan imzolangan va muhr izi bilan tasdiqlangan to’lov topshiriqnomasining birinchi nusxasi, byudjetdan mablag’ oluvchining g’aznachilik bo’linmasiga byudjetdan mablag’ oluvchining shaxsiy hisobvarag’idan kassa xarajatlarini amalga oshirish uchun so’rovnomasi bo’lib xizmat qiladi. To’lov topshiriqnomasining ikkinchi nusxasi g’aznachilik bo’linmasining rahbari va mas’ul shaxsi tomonidan imzolanadi, g’aznachilik bo’linmasining muhr izi bilan tasdiqlanadi va g’azna hisobvarag’idan xarajatlar to’lovini amalga oshirish uchun asos bo’ladi. G’aznachilik bo’linmasining “TO’LANGAN” belgisi bilan va to’langan sana qo’yilgan to’lov topshiriqnomasining uchinchi nusxasi byudjetdan mablag’ oluvchining shaxsiy hisobvarag’idan ko’chirma bilan birgalikda byudjetdan mablag’ oluvchining vakolatli xodimiga beriladi.

Bunda, to’lov topshiriqnomasining “To’lovchining nomi” ustunida g’aznachilik bo’linmasining nomi, “To’lovchining hisob raqami” ustunida – g’azna hisobvarag’i, “To’lov maqsadi” ustunida – byudjetdan mablag’ oluvchining shaxsiy hisobvaraq raqami va byudjetdan mablag’ oluvchining nomi, byudjet tasnifining tegishli kodi, to’lovni o’tkazishga asos bo’ladigan hujjatlar, shuningdek to’lov maqsadi ko’rsatiladi.

Byudjetdan mablag’ oluvchilar tomonidan taqdim qilingan hujjatlar mazkur Qoidalarning talablariga muvofiq bo’lganda, g’aznachilik bo’linmasining vakolatli xodimi “TEKShIRILDI” belgisini, to’lov topshiriqnomasini birinchi nusxasining orqa tomoniga to’lov topshiriqnomasi qabul qilingan sanani va o’zining imzosini qo’yadi. To’lov topshiriqnomasining ikkinchi nusxasini g’aznachilik bo’linmasi boshlig’i va mas’ul shaxsining imzolari va g’aznachilik bo’linmasining muhr izi bilan rasmiylashtirish tekshiruvlar tugaganidan so’ng amalga oshiriladi.

G’aznachilik bo’linmasiga g’aznachilik bo’linmasidagi mavjud imzo va muhr izi namunalarini byudjetdan mablag’ oluvchilar tomonidan taqdim qilingan, g’azna hisobvaraqlaridan hisobdan chiqarish uchun bankka taqdim qilinadigan hujjatlardagilar bilan solishtirish majburiyati yuklatiladi.

To’lov topshiriqnomalari bo’yicha g’azna hisobvarag’idan to’lovlar amalga oshirish uchun g’aznachilik bo’linmasi bankka to’lov topshiriqnomalarining ikkinchi va uchinchi (g’aznachilik bo’linmasi va mahsulot etkazib beruvchiga bitta bank filialida xizmat ko’rsatilgan hollarda, to’rtinchi) nusxalarini (Bank-mijoz dasturi ishlatilgandan tashqari holatlarda) taqdim qiladi.

Xizmat ko’rsatuvchi bank tomonidan to’lov o’tkazilgandan so’ng, to’lov topshiriqnomasining ikkinchi (g’aznachilik bo’linmasi va mahsulot etkazib beruvchiga bitta bank filialida xizmat ko’rsatilgan hollarda, uchinchi) nusxasi bankda qoladi, uchinchi (g’aznachilik bo’linmasi va mahsulot etkazib beruvchiga bitta bank filialida xizmat ko’rsatilgan hollarda, to’rtinchi) nusxasi bankning shtampi va mas’ul xodimining imzosi bilan va g’azna hisobvarag’idan ko’chirma g’aznachilik bo’linmasiga beriladi.

G’aznachilik bo’linmasining tegishli xodimi byudjetdan mablag’ oluvchilarning tegishli shaxsiy hisobvaraqlariga belgi qo’ygandan so’ng, byudjetdan mablag’ oluvchining shaxsiy hisobvarag’idan ko’chirma va to’lov topshiriqnomasining to’rtinchi (g’aznachilik bo’linmasi va mahsulot etkazib beruvchiga bitta bank filialida xizmat ko’rsatilgan hollarda, beshinchi) nusxasi g’aznachilik bo’linmasi mas’ul xodimining belgisi bilan byudjetdan mablag’ oluvchiga qaytariladi.