10-mavzu: dastlabki ilmiy tadqiqot yozish

Sitatalardan foydalanish. Sitatalardan foydalanish deganda, biror bir shaxsning ma’lum mavzu doirasidagi fikrlarini aynan keltirish tushuniladi. Sitatalardan me’yorida foydalanish ishingiz qadrini oshiradi. Sitatalardan quyidagi hollarda foydalanish maqsadga muvofiqdir:

• 
  Sitata muallifining aynan gapi o‘zgacha ma’noni anglatsa;
  
• 
  Muallifning aynan gapi siznikiga qaraganda qisqa va lo‘nda bo‘lsa;
  
• 
  Muallifning aynan gapi barchaga ma’lum va mashhur bo‘lsa.
  

Barcha sitatalar manbaga ishora qiluvchi qisqa frazachalar bilan berilishi va sizning fikringizga mos bo‘lishi kerak.

Ishora qiluvchi fraza	Sitata muallifi	Ishora fe’li	Sitata	Havola
Bu fikr ko‘pchilikka	Fridman	aytganidek	“Inflatsiya – bu soliq solishni	(1994:93)
ayondir.			qonuniylashtirish
			talab
			qilinmaydigan
			shakli hisoblanadi”

1. 
   Qisqa sitatalar bittalik qo‘shtirnoq ichiga, sitata ichidagi sitatalar esa ikkitalik qo‘shtirnoq ichiga olib yoziladi:
   

Jeyms aytib o‘tganidek: ‘Martinning “ichki makon” to‘g‘risidagi konsepsiyasi chuqur tahlilni talab qiladi.”

2. 
   Uzunroq sitatalar satr boshidan boshlanadi yoki kichikroq qilib yoziladi. Bu holatda, hech qanday qo‘shtirnoq qo‘llanilmaydi.
   
3. 
   Sanadan so‘ng, bet raqamining berilishi zarurdir.
   
4. 
   Sitatalar asl manbadagiday bo‘lishiga alohida e’tibor qaratish zarur. Agar ma’lum bir qismlar keraksiz bo‘lsa, shu joyda (...) belgisidan foydalanishingiz mumkin:
   

“Tarixda juda kam ixtirolar ... mobil telefoniday ahamiyatga ega bo‘lgan”

5. 
   Ba’zi bir so‘zlar izoh talab qilishi mumkin va bunday hollarda to‘rtburchak qavslardan foydalanish maqsadga muvofiqdir:
   

‘Yangi g‘oyalar [ozodlik haqidagi] qadimgi dunyo g‘oyalaridan butunlay farq qiladi’.