Каналларда ва каналсиз тарзда ер остида ётқизилган сув қувурларини синаш 2 марта ўтказилади. яъни у дастлабки ва якуний синовдан иборат бўлади. Дастлабки синов-сальникли компенсаторларни ўрнатгунга қадар айрим участкаларда ўтказилади. якуний синов-монтаж якунланланидан кейин ўтказилади. Босим –1,25Ришчи. Аммо 16кг/см2 дан кам бўлмаслиги керак. Агар 10 дақиқа мобайнида босим камаймаса қувур синовдан ўтган ҳисобланади. Қишки пайтларда синов айрим участкаларда бўлинган тарзда5С ҳарорадан паст бўлмаган ҳолда ўтказиш зарур. Тармоқларни ювиш икки босқичда бажарилади:қора ва тоза. Қора ювишда енгил ифлосликлар ювиб чиқарилади, бунинг учун қувурлар 0,4 МПа босимли водопроводга уланади. Ушбу босим остида мустахкамлик синовларидан сўнг қолган ифлосликлар лойқаланади ва сувни тўкиш зулфинларидан сиқиб чиқарилади. Тоза ювиш шаҳар водопроводидан тармоқ насослари ёрдамида қувурларга 3-7м/с тезлиги билан босим остида сувни бериш орқали бажарилади. Бунда сувнинг якуний тозалиги лаборатория таҳлили билан назорат қилинади. Тоза ювишдан сўнг тармоқлар кимёвий тозаланган сув билан тўлдирилади. Очиқ тизимли тармоқларга тармоқ суви билан тўлдиришдан олдин бактериал ифлосланишга қарши қўшимча санитар ишлов берилади. Тармоқнинг дезинфекцияси сувга 20-40мг/л миқдорда фаол хлор қўшиш ва 24 соат давомида ушлаб туриш йўли билан бажарилади. Сўнгра сув тўкилиб, тармоқ 700С гача иситилган ичимлик суви билан қўшимча ювилади.
Иссиқлик таъминоти тизимларини созлашдан мақсад унинг барча бўғинларини бир маромда юкланиши ишлаб чиқилган ва истеъмол қилинган иссиқлик сарфларини бир-бирига мос келиши ва тизимнинг барча ишлаш режимларини меъёрда ушлаб турилишини таъминлашдан иборатдир. Иссиқлик бериш режими суткалик ва йиллик юкланиш графиклари асосида режалаштирилади. Суткалик графикларини иссиқлик тармоғининг диспетчерлик хизмати об-ҳаво шароитига кўра бажаришдан бир сутка олдин иссиқлик манбаига беради. Суткалик график буюртмали хужжат бўлиб, унда туман бўйича иссиқлик ташувчисини сарфи ва ҳарорати, шунингдек иссиқлик жиҳозларнинг юкланиш меъёрлари кўрсатилади. Об-ҳаво шароитлари ўзгариши билан бу кўрсаткичлар тезкор равишда ўзгартирилади. Иссиқлик тармоқларини синаш. Иссиқлик тармоқларининг синовлари ишга тушириш ва фойдаланиш (ишлатиш) турларига бўлинади. Ҳамма синовлар маҳсус тузилган синов дастурлари бўйича бажарилади. Синовлар қуйидагиларга бўлинади: катта босим бериб синаш (опрессовка)-қувурлар ва арматуралар зичлиги ва механиқ мустаҳкамлигини аниқлаш учун; гидравлик синовлар - қувурларнинг гидравлик тафсилотини аниқлаш учун; иссиқлик синовлар-иссиқлик тармоғининг амалдаги иссиқлик йўқотишини аниқлаш учун; ҳисобий ҳароратга синаш-тармоқнинг компенсацияловчи қурилмаларини текшириш ва уларнинг нормал ҳолатини аниқлаш учун.