10-боб. Геодезик таянч тўрлари 10. 1-§. Давлат геодезик таянч тўрлари ва зичлаштириш тўрлари тўғрисида тушунча

10.4-§. Давлат баландлик тўрлари

Давлат баландлик тўри I, II, III, IV класс нивелирлаш тўрла­ридан иборат бўлади. I ва II - класс нивелирлаш тўри мамлакат ҳуду­дида асосий ҳисобланиб ягона баландлик тизимини ҳосил қилади.

10.8-шакл. Нивелирлаш тармоқлари:
1-класс нивелирлаш пунктлари; 2-класс нивелирлаш йўллар;
3-4-класс нивелирлаш йўллари.
III ва IV класс нивелирлаш тармоқлари топографик планга олиш ва турли инженерлик масалаларини ечиш учун хизмат қилади. I класс нивелирлаш йўллари асосан мамлакат ҳудудидаги океан ва денгиз сатҳини туташтириши зарур.
I класс нивелирлаш тармоқлари бир-бири билан кесишиб, ёпиқ полигон ҳосил қилади (10.8-шакл), 1 км йўлда ±0.5 мм ўртача квадратик хатоликка йўл қўйиш мумкин, II класс нивелирлаш йўллари I класс нивелирлаш пунктларидан бошланиб шу класс пунктлари билан тугайди, периметри 500 ÷600 км ни ташкил этади, 1 км йўлда ± 2.5 мм ўртача квадратик хатоликка йўл қўйиш мумкин. III класс нивелирлаш йўллари II класс нивелирлаш полигонлари ичида қурилади ва уни периметри 150 ÷ 200 км бўлган 6 ÷ 9 бўлакка бўлади. 1 км йўлда ± 5 мм ўртача квадратик хатоликка йўл қўйиш мумкин. IV класс нивелирлаш йўли III класс нивелирлаш йўл­ларини тўлдиради ва ўзидан юқори класс пунктларга таянади, 1 км йўлда ±10 мм ўртача квадратик хатога йўл қўйиш мумкин. III ва IV класс нивелирлаш йўлларини лойиҳалашда улар 1, 2, 3, 4-класс триангуляция (трилатерация, полигонометрия) пунктларининг ба­ланд­лигини аниқлайдиган қилиб жойлаштирилади. Давлат баланд­лик тўрларининг пунктлари грунтли реперлар, деворий маркалар ва деворий реперлар билан маҳкамланади (10.9 - шакл) [5].
Гурунтли репер темир бетон пилотдан ёки асбестцемент труба­дан иборат. Пилотнинг юқори қисмига марка цементланади. Белги қазилган қудуқ ёки чуқурга ўрнатилади. Деворий реперлар фунда­ментал биноларнинг пойдеворига ва маркалар кўприк устунларига ўрнатилади.
Нивелирлашда чекли хатолик I, II, III, IV классларда мос равишда қуйидагиларга тенг:








L– нивелирлаш йўлининг узунлиги километр бирлигида.