10-боб. Геодезик таянч тўрлари 10. 1-§. Давлат геодезик таянч тўрлари ва зичлаштириш тўрлари тўғрисида тушунча

10.1 – шакл. 1 ва 2 – разрядли маркази (а); планли ва баландлик тармоғини махкамлаш белгиси (б)
Агарда ҳудудда ДГТ пунктлари бўлмаса унда зарур бўлган ҳолларда мустақил тўрлар барпо этилади, кейинчалик ДГТга уланиши мумкин. Зичлаштириш тўри пунктларини маҳкамлаш белгилари (10.1-шакл)да келтирилган.


10.2-§. Планли давлат геодезик тўрлари (ПДГТ).Триангуляция, трилатарация ва полигонометрия усуллари

Планли давлат геодезик тўрлари (ПДГТ) триангуляция, трила­терация, полигонометрия ва уларнинг комбинациялари усулида барпо этилади. Триангуляция (10.2-шакл) учбурчаклар қатори ёки тўри шаклида барпо этилади. Учбурчакларнинг барча бурчаклари ва учбурчак қаторининг боши ва охиридаги томон узунликлари аниқланади (10-шаклда АВ ва PQ). Бу томонлар узунлиги икки хил усулда аниқланиши мумкин: базис тўридан ёки бевосита ўлчаш билан. Базис тўри Аа Bb румб шаклида бўлиб унинг қисқа диагонали аb базиси ва барча бурчаклари ўлчанади. Ўлчаш натижаларидан фойдаланиб АВ диагонали ҳисоблаб топилади, бу томонга триангуляциянинг чиқиш томонидейилади. Чиқиш томонидан ва ўлчанган бурчаклардан фойдаланиб (синуслар теоремасини қўллаб) қолган томонларнинг узунликлари ҳисоблаб топилади[6]. Астро­номик кузатишлар орқали А пунктнинг географик координаталари АВ томоннинг азимути аниқланган бўлса, қолган пунктларнинг координаталарини ҳисоблаб топиш мумкин.

10.2-шакл. Триангуляция қатори.

Астрономик кузатишлар орқали чиқиш томонларнинг учларида кенглик ва узоқлиги аниқланган пунктларга Лаплас пункт­ларидейилади. Учбурчаклар қатори ёки тўрида учбурчакларнинг барча томонларининг узунликлари ўлчанган бўлса, бундай тўрга трилатерация дейилади. Учбурчакларнинг бурчаклари косинуслар теоремаси ёки тангенс ярим бурчаклар формулаларидан фойдаланиб ҳисоблаб топилади.

Трилатерация усули. Масофа ўлчаш учун радиоэлектроника воситалари қўлланилмоқда, бу эса геодезик таянч шахобчаларини ҳосил этишнинг янги трилатерация методини келтириб чиқаради.