|
Командирлар ва бошқа тўғридан тўғри бошлиқларга мурожаат этиш қоидалари
Бўйсунувчи ва кичиклар бошлиқ (катта)ларга мурожаат этиш чоғида, уларнинг ҳарбий унвони олдига «ўртоқ» сўзини қўшиб айтадилар. Масалан, «Ўртоқ майор, мурожаат этишга рухсат беринг». Бошлиқ (катта) олдида турган ҳарбий хизматчига мурожаат этиш учун бошлиқ (катта)дан рухсат сўралади. Масалан, «Ўртоқ катта сержант, оддий аскар Норматовга мурожаат қилишга рухсат беринг». Бошлиқлар ва катталар хизмат тақозоси бўйича бўйсунувчилар (кичиклар)га мурожаат қилганда, уларнинг унвони ва фамилиясини ёки фақат унвони олдига «ўртоқ» сўзини қўшиб айтади. Масалан, «Оддий аскар Тўйчиев», «Ўртоқ оддий аскар».
Ҳарбийча салом бериш
Ҳарбийча саломлашиш ҳарбий хизматчиларнинг биродарларча жипслигининг ифодаси, ўзаро ҳурмат ва муштарак маданиятнинг намоён бўлиши белгиси саналади. Барча ҳарбий хизматчилар бир-бирига дуч келганда (қувиб ўтишда) Ўзбекистон Республикаси Қуролли Кучларининг Саф Низоми билан белгиланган қоидаларига қатъий риоя қилган ҳолда бир-бирига салом беришга мажбурдир.
Ҳарбий унвонга кўра, бўйсунувчилар ва кичиклар биринчи бўлиб салом берадилар. Мақомлари тенг бўлган пайтда эса, ким ўзини кўпроқ хушмуомала, тарбия кўрган, деб ҳисобласа, ўша биринчи бўлиб салом беради. Ҳарбий хизматчилар бундан ташқари, номаълум аскар қабрига; Ватан озодлиги ва мустақиллиги учун жангларда шаҳид бўлган жангчи-ларнинг биродарлик қабристонига; ҳарбий қисмнинг Жанговар Байроғига, шунингдек, ҳарбий кемага келганда ва ундан жўнаб кетаётганда Ҳарбий Денгиз байроғига; ҳарбий бўлинмалар кузатиб бораётган дафн маросимларига салом беришга мажбурдирлар.
Ўзбекистон Республикаси Давлат Мадҳияси ижро этилаётганда, сафда турган аскарлар буйруқ берилмасдан «Ростлан» ҳолатига ўтадилар. Взвод командири ва ундан юқори бўлганлар бундан ташқари, қўлларини бош кийимларига қадайдилар. Сафдан ташқари бўлган ҳарбий хизматчи Давлат Мадҳияси ижро этилаётган пайтда «Ростлан» ҳолатига киради, агар бош кийими бўлса, қўлини унга қадайди.
Назорат саволлари:
Бўйсунувчи бошлиқ ёки каттанинг берган саволига қандай иборани қўллаган ҳолда тасдиқ жавобини беради?
Бўйсунувчи бошлиқ ёки каттанинг савол кўринишидаги фикрини тасдиқламоқчи бўлмаса қандай иборани қўллайди?
Сафдан ташқари пайтларда бир-бирларига мурожаат этишда, ҳарбий хизматчи қандай ҳаракатларни бажаради?
Жамоат жойларида, шунингдек, трамвайда, троллейбусда, автобусда, метро ва шаҳаролди поездларининг вагонларида ҳарбий хизматчи бошлиққа қай тарзда ҳурмат кўрсатади?
Агар бошлиққа (каттага) дуч келганда, бемалол ўтиб кетиш мумкин бўлмаса, унда бўйсунувчи қандай йўл тутади?
Буйруқ деб нимага айтилади?
Катта бошлиқ, бўйсунувчининг бевосита бошлиғини четлаб ўтган ҳолатда буйруқ ва фармойишлар бериши мумкинми?
Буйруқ ёки фармойиш олган бўйсунувчи қандай ҳаракатларни амалга оширади?
Ҳарбий хизматчи берилган буйруқнинг бажарилганлиги тўғрисида кимларга билдирув бкришга мажбурдир?
Агар буйруқни бажараётган ҳарбий хизматчи хизмат мақомига кўра, бошқа катта бошлиқдан биринчисини бажаришга халақит берадиган янги буйруқ олса қандай ҳаракатни амалга оширади?
Янги буйруқни берган бошлиқ биринчи бўлиб буйруқ берган бошлиқни огоҳлантирадими?
Бўйсунувчи ва кичиклар бошлиқ (катта)ларга қандай мурожаат қиладилар?
Бошлиқлар ва катталар хизмат тақозоси бўйича бўйсунувчиларга қандай мурожаат қилишади?
Ҳарбийча саломлашиш ҳарбий хизматчилар учун қандай ҳурмат белгиси саналади?
Барча ҳарбий хизматчилар бир-бирига дуч келганда ёки қувиб ўтаётганда қандай ҳужжатга асосан саломлашишга мажбур?
Иккита ҳарбий хизматчи бири-бирига дуч келганда қайси бири ҳарбийча салом беради?
Агарда иккита ҳарбий хизматчининг мақомлари ва ҳарбий унвонлари бўйича тенг бўлса, уладан қайси бири биринчи бўлиб салом беради?
Ҳарбий хизматчилар яна қандай ҳолатларда салом беришга мажбурдир?
Ўзбекистон Республикаси Давлат Мадҳияси ижро этилаётганда, сафда турган аскарлар қандай ҳолатга ўтадилар?
Взвод командири ва ундан юқори бўлганлар Ўзбекистон Республикаси Давлат Мадҳияси ижро этилаётганда қандай ҳаракатни амалга оширадилар?
Сафдан ташқари бўлган ҳарбий хизматчи Давлат Мадҳияси ижро этилаётган пайтда қандай ҳаракатни амалга оширади?
Do'stlaringiz bilan baham: |
