10 – Tema: Jan’a sortlardı jaratıwda zamanagoy usıllar. Joba

Sanaat selektsiyasы. Xalıq sanının’ artıp barıwı o’simlik shiyki zatına bolg’an talabının’ ku’sheyiwi iri o’ndiris ku’shlerinin’ rawajlanıwı ha’m a’ste aqırın sol tiykarda sanaat selektsiyasının’ payda bolıwına sebep boladı. Selektsiya ha’m tuqımgershilik jumısları menen endi diyxanlar emes, arnawlı mekemelerge birlesken selektsionerler shug’ıllana basladı. A’sirese Batıs Evropa selektsionerleri Galet, Lekuter, ha’m Sherf jumısları u’lken a’hmiyetke iye boldı. Olar biydaydın’ bir neshshe jan’a sortların jaratıp, sort jaratıw usılın islep shıqtı. Evropa ha’m Amerika sanaat tiykarında quralg’an iri tuqımgershilik firmaları qurıldı. XVIII- a’sirdin’ ekinshi yarımında Angliya sharwa iyeleri ha’m o’simlikleri jasama tan’law usılında ko’plep jan’a sotlar ha’m haywan parodaların jarattı. Bul da’wirde o’simlikler sistematikası; botanika pa’ninde iri ashılıwlar, mikroskoptın’ jaratılıwı o’simliklerde tuqım payda bolıwında jınısıy ko’beyiw tiykarları ha’m jasalma shag’ılıstırıwdı u’yreniw jalpılamay shag’ılıstırıwdın’ payda bolıwı selektsiya jumısında ja’ne de za’ru’r a’hmiyetke iye boldı.