10- mavzu Ilmiy maqola. Taqriz, uning tuzilishi va xususiyatlari. Maqola va uning turlari Ilmiy maqolaning maqsadi

Mavzuni mustahkamlash uchun savollar:

1. Maqola va uning turlari haqida nimalar bilasiz?

2. Maqolalar qanday qismlardan iborat bo‘ladi?

3. Dissertatsiya va jurnal maqolalari qanday tuziladi ?

4. Ilmiy maqolaning maqsadi?

5. Esse nima? Uning xususiyatlarini bilasizmi?

6. Taqriz nima?

7. Taqriz yozishda nimalarga amal qilinadi?

8. Taqriz yоzish оdоbi deganda nimani tushunasiz? U qanday bo‘lishi kerak?

9. Ilmiy yozuvning maqsadi nimalardan iborat?

10. Jurnal maqolalariga taqriz qanday yoziladi?

Mavzu yuzasidan savol va topshiriqlar

1. 
   topshiriq Taqriz namunasini o‘qing. Soha nashrlarida berilgan birorta ilmiy maqolaga taqriz yozing.
   

Taqriz namunasi:

Тоshkent axborot texnologiyalari universiteti “O‘zbek va rus tillari” kafedrasi o‘qituvchilari К.А.Gayubova, N.D.Yulanovalar tomonidan tayyorlangan “O‘zbek tili fanidan uslubiy qo‘llanma”ga (Dasturiy injiniring talabalari uchun)

Т А Q R I Z

Ushbu qo‘llanma rus tilida so‘zlashuvchi guruhlar uchun mo‘ljallangan bo‘lib,Oliy va o‘rta maxsus ta’lim vazirligi tavsiya qilgan namunaviy dastur asosida tuzilgan. Qo‘llanma o‘quv yili davomida rejaga binoan olib boriladigan mavzularni o‘z ichiga qamrab olgan. Qo‘llanmada turli manbalardan foydalanilganligi, matnlarning mazmundor, o‘ziga xos qaytarilmasligi ko‘zga tashlanadi. Shuningdek, telekommunikatsiya, aloqa sohasi bilan bevosita bog‘liq matnlar ham o‘rin olgan.

Qo‘llanmada berilgan grammatik mavzular mashqlar va topshiriqlar bilan mustahkamlanadi. Leksik matnlar turli mavzularda yoritilgan. Qo‘llanmadan o‘rin olgan matnlar barchasi, bizningcha har tomonlama yondoshilgan holda tanlangan. Ularni o‘qigan kishi nafaqat yangilik oladi, balki undan o‘ziga tegishli xulosalar chiqarib, boshqacha fikrlay boshlaydi. Matnlarning ham ta’limiy, ham tarbiyaviy ahamiyati borligini alohida qayd qilish lozim Talabalar uchun mo‘ljallangan qo‘llanma ta’lim olishda, qo‘shimcha shug‘ullanishda talablarga bemalol javob beradi. Uni nashr qilish maqsadga muvofiq deb hisoblayman.

Xulosa qilib aytish mumkinki, qo‘llanma hozirgi talablarga to‘la javob beradi va o‘zbek tili mashg‘ulotlarida qo‘llanilishi mumkin.