1 Ўзбекистон республикаси олий ва ўрта махсус

 
77
 
 
 
орқали яхлит жараён (ишлаб чиқиш, лойиҳалаштириш, келишиш, 
товарлар, ишлар, хизматлар харид қилиш, шунингдек, уларни 
фойдаланишга топширишнинг ягона тизими) барпо этилади. Натижада 
мамлакатимизда давлат хизматлари кўрсатиш тизими изчиллик билан 
такомиллашиб боради, инвестиция иқлими ва ишчанлик муҳити 
яхшиланади. 
2019 йил 18 майда Ўзбекистон Республикаси Президентининг 
“Рақамли иқтисодиёт ва “Электрон ҳукумат” тизими инфратузилмаларини 
янада такомиллаштириш чора-тадбирлари тўғрисидаги ПҚ-4321-сонли 
Қарори эълон қилинди. Қарорда рақамли иқтисодиёт ва “Электрон 
ҳукумат” тизимини такомиллаштириш соҳасидаги ислоҳотларнинг асосий 
йўналишларини изчил амалга оширишнинг муҳим вазифалари белгилаб 
берилди. [6] 
Белгилаб олинган асосий вазифалар ижросини амалга ошириш, 
шунингдек, мамлакатимизда рақамли жамият ривожланиши, аҳоли ва 
тадбиркорлар учун қулай имкониятлар яратиш, бюрократик тўсиқлар ва 
коррупсиявий омилларлардан ҳоли самарали ва очиқ давлат бошқаруви 
тизимини ривожлантириш борасида кўзланган мақсадга эришиш учун 
бугунги кунда иқтисодиётнинг барча соҳаларини рақамли технологиялар 
асосида янгилашни назарда тутадиган “рақамли иқтисодиёт” миллий 
консепциясини ишлаб чиқилаётган бўлиб, айнан рақамли иқтисодиётни 
ривожлантириш орқали ялпи ички маҳсулот ҳажмини қўшимча 30 фоизга 
ўстириш имкони яратилиши кутилмоқда. 
Мамлакатимизда илм-фанни янада равнақ топтириш, ёшларимизни 
чуқур билим, юксак маънавият ва маданият эгаси этиб тарбиялаш, 
рақобатбардош 
иқтисодиётни 
шакллантириш 
борасида 
бошлаган 
ишларимизни жадал давом эттириш мақсадида Ўзбекистон Республикаси 
Президенти Шавкат Мирзиёевнинг 2020 йил 24 январдаги Олий Мажлисга 
йўллаган Мурожаатномасида 2020 йилга “Илм, маърифат ва рақамли 
иқтисодиётни ривожлантириш йили” деб ном бериш таклифи илгари 
сурилиши том маънода Ўзбекистон ҳаётида глобал тараққиётга ҳамоҳанг 
равишда тарихий бурилиш даври бошланганини тасдиқлади. 
Жаҳон иқтисодиётининг глобаллашуви ва технологик ривожланиш 
шароитида 
Ўзбекистоннинг 
иқтисодий 
ривожланишини 
рақамли 
иқтисодиётсиз тасаввур қилиш қийин. Тадқиқотлар натижаларига кўра, 
2022 йилга келиб глобал ЯИМнинг чорак қисми рақамли соҳада бўлишини 
тахмин 
қилинмоқда. 
Лекин, 
халқаро 
ахборот 
коммуникация 
технологиялари ривожлантириш индекси бўйича Ўзбекистон 170 дан 
ортиқ давлат ичида 103-ўринни эгаллаб туришининг ўзи мамлакатимизда 
бу соҳада ҳали ўз ечимини кутаётган масалалар ва қилиниши лозим бўлган 
ишлар кўплигидан далолат беради. 
“Халқимизнинг улуғвор қудрати жўш урган ҳозирги замонда 
Ўзбекистонда янги бир уйғониш – Учинчи Ренессанс даврига пойдевор 
яратилмоқда, десак, айни ҳақиқат бўлади”[2] деб таъкидлади 
Президентимиз Шавкат Мирзиёев. 

---

«ИННОВАЦИОН ИҚТИСОДИЁТ: МУАММО, ТАҲЛИЛ ВА РИВОЖЛАНИШ ИСТИҚБОЛЛАРИ» (1-қисм)