1 Ўзбекистон республикаси олий ва ўрта махсус таълими вазирлиги олий таълим тизими педагог ва раҳбар кадрларини

Талаффуз. 
Товуш яхши чиқиши учун талаффузнинг муҳим аҳамияти 
бор. Жамоа бўлиб куйлаш ишини ривожлантиришда талаффузнинг яхши 
ривожланиши муҳимдир. Бунда артиқўляцион органлари - лаб, тил, 
жағларнинг фаол ҳаракатидан ҳамжиҳатлиги, аниқ, оҳангдор, мазмунан 
ифодали талаффуз этилишига эришиш лозим. Болалар нутқида заифлик, 
ноаниқлилик, овоз аппаратини сиқиб гапириш каби нуқсонлар учрайди. 
Бундай болаларга эътиборни кучайтириш ва улар билан индивидуал иш олиб 
бориш лозим. Энг муҳими, болаларни машқ ва қўшиқлар матнларининг 
вокал талаффузига ўргата бориш лозим. Қўшиқ куйлашда унли товушларни 
тўғри шакллантира олиш муҳимдир. Бу иш вокал машқлари, машқ-қўшиқ, ва 
қўшиқларни ўрганиб куйлаш жараѐнида амалга оширилади. Нутқимизда 
унли товушдан кўра, ундош товушлар кўпроқ ишлатилади. Шунинг учун 
бизнинг вазифамиз кўпроқ унли товушларни куйчан, чўзиб куйлаш ҳисобига 

---

52 
ундош товушларни қисқа аниқ талаффуз этишга эришишдан иборатдир. 
Хусусан, «А» товушини очиқ кенг талаффуз қилиниб, кўйланганда лаблар 
бир-бирига яқин, ѐпиқли, бироз «о» товушига яқинлаштириш; «О» товушини 
талаффуз қилганда очикқ томоққа яқин, куйлаганда балларга яқин, ѐпиқли, 
юмшоқ кўйланади; «Е» товуши талаффузда очиқ, куйлаганда ѐпиқли «е» 
тарзида келадиган сўзларни «э» га яқинлаштириб кўйланади. «И» товуши тил 
олди, йиғиқ, баъзан сиқиқ ҳолда талаффуз этилади. Уни фақат овоз 
аппаратинниг эркинлиги ва енгил нафасда «у» га яқинлаштириб куйлаш 
лозим. Товушларни вокал машқларида «да, дэ, ди; ма, мэ, ми» каби буғинлар 
билан куйлаш фойдалидир. 
Ундош товушларни кескин, чаққон ва аниқ талаффуз этиб, уларни 
унли товушлар оралигида куйлашга ўргатиб бориш лозим. «К», «х» ва «г» 
товушлари нутқда томоққа яқин талаффуз этилади. Куйлашда талаффуз 
механизмини ўзгартирмай, уларни юмшоқ талаффуз қилишга эришиш лозим. 
1.Куйлашдан олдин қўшиқ матнини ифодали ўқиш. 
2. Қўшиқ ўргатиш жараѐнида ҳамма биргаликда шошмасдан сўзлаб 
секин куйлаш. 
3. Қўшиқни кўплетларга бўлиб, ифодали ўқиш куйлашга ѐрдам 
беради.