1. Za’monaviy ta’lim pradigmalari? Za’monaviy Ta’lim Masofaviy ta’lim berish uslub

Ta’lim jarayonini axborotlashtirish:

• 
  - shaxsning intellektual va ijodiy qobiliyatini rivojlantirishiga;
  - jamiyatning har bir a’zosini o’z malakasini oshirish va faoliyat sohasini o’zgartira olishiga;
  
• 
  - tezkor ta’lim uchun shart-sharoit yaratish va masofaviy ta’lim samarasini oshirishga imkon beradi.
  

Axborot texnologiyalari kursining sahifasi

• 
  Axborot texnologiyalarini ta’lim jarayoniga joriy etish bo’yicha jamiyatimizning tez sur’atlar bilan o’sib boruvchi ehtiyojlari oliy ta’lim muassasalarida auditoriya va auditoriyadan tashqari mashg’ulotlarda elektron qo’llanmalar, virtual stendlar, Internet tarmog’i imkoniyatlaridan foydalangan holda masofaviy o’qitish, shuningdek, masofaviy ta’limni joriy etish bilan bog’liq izchil nazariy hamda amaliy tadbirlar bajarilishini taqozo etadi. Axborot texnologiyalariga asoslangan holda masofaviy ta’lim bo’yicha mavjud ilmiy nashrlarning tahlili shuni ko’rsatadiki, ta’lim jarayonida bunday ta’lim usulidan foydalanish masalasiga asosan, jahon miqyosida yangi pedagogik texnologiyalarga o’tish bilan bog’liq muammo sifatida e’tibor qaratilgan va bu borada sezilarli natijalarga erishilgan.
  

O’zbekistonda masofaviy ta’lim tizimining rivojlanishi, xalqimizga faqat sifatli ta’lim berishnigina ta’minlab qolmasdan, u yana mamlakatimizning ta’lim xizmatlari xalqaro bozorida o’z o’rnini egallashiga ham imkon yaratadi. Axborot olamida o’zining muhim o’rniga ega bo’lib borayotgan iqtisodiy rivojlanishning yangi bosqichi inson hayotida tanlagan kasblarini qayta o’zgartirishlari va muntazam ravishda, malakalarini oshirib borishlarini talab etmoqda. Shu bois, ta’lim sohasi ham jamiyat hayotining iqtisodiy sohasida o’ziga xos ahamiyatga ega bo’lib, ta’lim faoliyati esa, jamiyat iqtisodiy rivojlanishining muhim bo’lagi bo’lib qolmoqda.

Mamlakatimizda ta’lim tizimida amalga oshirilayotgan keng ko’lamli islohotlar tufayli navqiron avlodning zamonaviy bilim olishi, kasb-hunar egallashi uchun beqiyos imkoniyatlar yaratilgan. Yurtimiz o’g’il-qizlarini barkamol insonlar etib tarbiyalashga xizmat qilayotgan bunday ezgu sa’y-harakatlar doirasida o’quvchilarni chuqurlashtirilgan tartibda va innovatsion texnologiyalar asosida bilim olishlariga alohida e’tibor qaratilmoqda. Respublikamiz Prezidenti Oliy Majlisning XIV-sessiyasida “yangi darsliklarni, zamonaviy pedagogik va axborot texnologiyalarini o‘z vaqtida ishlab chiqish va joriy etishni ta’minlashni nazorat ostiga olish zarur” ligini alohida ta’kidladilar. Bugun olimlar va o‘qituvchilar ilg‘or pedagogik texnologiyalarni ishlab chiqishga astoydil kirishishlari shart va ular bu ishga mas’uldirlar. Bu sohaga yaqin xorijiy davlatlarda ham e’tibor kuchaytirilmoqda.

Muhimi shundaki, Prezidentimiz I.Karimov tomonidan Milliy dasturni ro‘yobga chiqarish bosqichida “o‘quv-tarbiyaviy jarayonni ilg‘or pedagogik texnologiyalar bilan ta’minlash” muhim vazifalardan biri sifatida belgilandi.

Bugun O‘zbekiston demokratik huquqiy davlat va adolatli fuqarolik jamiyati qurish yo‘lidan izchil borayotganligi uchun kadrlar tayyorlash tizimi tubdan isloh qilindi, davlat ijtimoiy siyosatida shaxs manfaati va ta’lim ustuvorligi qaror topdi. O‘quv-tarbiyaviy jarayonni ilg‘or pedagogik texnologiyalar bilan ta’minlash zarurati Kadrlar tayyorlash milliy dasturini ro‘yobga chiqarish shartlaridan biridir. Respublikamizdagi o‘rta maxsus kasb-hunar ta’limi tizimida tahsil olayotgan talabalarni ilg‘or pedagogik va axborot texnologiyalari bo‘yicha yangi bilimlar tizimi bilan qurollantirishni uzluksiz tashkil etish davr talabidir.

Hozirgi zamon sharoitida, yuqori malakali kadrlarni tayyorlashda, o‘qitishning hozirgi zamon tizimlari va yangi pedagogik texnologiyalari asosida amalga oshirilishi maqsadga muvofiqdir. Yangi pedagogik texnologiyalarni hislati shundaki, unda qo‘yilgan maqsadlarga erishish kafolatini beruvchi o‘quv jarayoni rejalashtiriladi va amalga oshiriladi.

Darhaqiqat, mashg‘ulotlarning muvaffaqiyatli o‘tishining 80% i ta’lim jarayonini to‘g‘ri loyihalashtirish, tashkil etish va uni amalga oshirishga bog‘liqdir.

O‘quv jarayonlarini loyihalashtirishda ta’lim mazmunini, ta’lim maqsadi, kutilayotgan natijani to‘g‘ri belgilash, ta’lim metodlari, shakllari va vositalarini to‘g‘ri tanlash, talabalarning bilim, ko‘nikma va malakalarini baholashni aniq mezonlarini oldindan ishlab chiqish, mashg‘ulotga ajratilgan vaqt ichida ularni to‘g‘ri amalga oshirish va bir-biri bilan uyg‘unlashuviga e’tiborni qaratish maqsadga muvofiqdir.

Yuqoridagilardan ko’rinib turibdiki mazkur ish ayni hozirgi kundagi dolizarb masalalar qatoriga kiradi.