1. Xo‘jalik yurituvchi sub’ektlarda hisob-kitoblarning tasnifi, tafsifi hamda hisobining vazifalari

Kelib tushish ehtimoliga
ko‘ra olinadigan schyotlar kelib tushushi dargumon va 
kelib tushishi shubhasiz bo‘lgan debitorlik qarzlar (olinadigan schyotlar) bo‘linadi.
Dargumon debitorlik qarzlar
deganda, odatda, inqirozga uchragan, faoliyatini
to‘xtatib qo‘ygan yoki umuman yopilib ketgan, katta miqdorda kreditorlik qarzlarga ega 
bo‘lgan, to‘lov qobiliyatiga ega bo‘lmagan, faoliyati uchun sud va prokuratura organlari 
oldida javob berayotgan yuridik va jismoniy shaxslarning turistik korxona oldidagi 
qarzlari tushuniladi. Dargumon qarzlar sud organlari orqali undiriladi, undirish imkoniyati 
bo‘lmaganda turistik korxona ning zarariga olib boriladi.
Xo‘jaliksub’ektlarida debitorlik qarzlar (olinadigan schyotlar)ning va majburiyatlar 
(to‘lanadigan schyotlar) hisobining asosiy vazifalari bo‘lib quyidagilar hisoblanadi: 

debitorlik qarzlar (olinadigan schyotlar) va majburiyatlar (to‘lanadigan schyotlar)ni 
asosli tan olish va real baholash;

debitorlik qarzlar (olinadigan schyotlar)ning va majburiyatlar (to‘lanadigan 
schyotlar)ning vujudga kelishi va qoplanishini o‘z vaqtida tegishli hujjatlar bilan to‘g‘ri 
rasmiylashtirish; 

debitorlik qarzlar (olinadigan schyotlar) va majburiyatlar (to‘lanadigan schyotlar)ni 
mazmuni, xarakteri va boshqa belgilari bo‘yicha ular uchun ko‘zda tutilgan schyotlarda 
aks ettirish; 

debitorlik qarzlar (olinadigan schyotlar)ning va majburiyatlar (to‘lanadigan 
schyotlar) holati va harakati ustidan doimiy nazoratni olib borish; 

debitorlik qarzlar (olinadigan schyotlar)ning o‘z vaqtida o‘ndirish va majburiyatlar 
(to‘lanadigan schyotlar)ni o‘z vaqtida uzish, to‘lov muddatini o‘tib ketmasligi ustidan 
doimiy nazorat qilish; 

Voz kechilgan va da’vo muddatlari o‘tib ketgan debitorlik qarzlar (olinadigan 
schyotlar)ni o‘z vaqtida va to‘g‘ri korxona xarajatlariga hamda majburiyatlar(to‘lanadigan 
schyotlar)ni o‘z vaqtida va to‘g‘ri korxona daromadlariga olinishini nazorat qilish; 

debitorlik qarzlar (olinadigan schyotlar) va majburiyatlar (to‘lanadigan schyotlar) 
bo‘yicha foizlarni to‘g‘ri hisoblash va korxona daromadlari yoki xarajatlariga o‘z vaqtida 
kiritib borish; 

debitorlik qarzlar (olinadigan schyotlar) va majburiyatlar (to‘lanadigan schyotlar) 
bo‘yicha hisobotlarni to‘g‘ri va o‘z vaqtida tegishli organlarga yetqazish va boshqalar.