1-variant Temir-beton karkasli bir qavatli sanoat binolari montaji

4-bilet

1.Qurilish sikllarini birgalikda bajarish usullari.

Qurilish ishlari, konstruksiyalar montaji va texnologik uskunalarni montaj qilishni birgalikda bajarish imkoniyati va maqsadga muvofiqlik darajasiga qarab, sanoat binolari ochiq, yopiq, birlashtirilgan yoki kombinatsiyalashgan usullarda barpo etiladi. Bu usullar ishlarni birgalikda olib borish darajasi va ketma-ketligini aks ettiradi, va buni qurilish konstruksiyalarini montaji va binolarni barpo etishda hamma vaqt e’tiborga olish kerak.

Qurilish sikllarini birgalikda bajarish usullari:

I. – ochiq: 1 – erosti qismini barpo etish; 2 – karkasni montaj qilish; 3 – texnologik uskunalarni montaji; 4 – pardozlash ishlari. II. – yopiq: 1 – karkas uchun er osti qismi; 2 – binoni karkasini montaji; 3 – texnologik uskunalar va kommunikatsiyalar uchun erostki qismi; 4 – texnologik uskunalar montaji; 5–pardozlash ishlari. ІІІ. – birgalikda bajarish: 1 – inshootning umumiy kotlovanini qazish; 2 – texnologik

uskunalar poydevorlarini betonlash; 3 – bino karkasini montaji; 4 – texnologik uskunalar montaji; 5 –pardozlash ishlari. ІV. – kombinatsiyalashgan: І – ochiq usulda va ІІ – yopiq usulda ishlarni bajarish.

Bir qavatli sanoat binolarini asosiy qurilish sikllariga binoning er osti va er ustki qismlarini barpo etish kiradi va bularga qo’yidagilar kiradi: binoning poydevorlari va texnologik uskunalarni o’rnatish uchun kotlovan va transheya qazish ishlari, binoni poydevorlarini montaji va uskunalarni tagidagi poydevorlarni betonlash; erusti qismlarni montaji va ichiga o’rnatiladigan etajerka−javonlarni barpo etish, texnologik uskunalarni va quvurlarni montaji, pardozlash ishlarini bajarish.