1. умумий қоидалар

1. УМУМИЙ ҚОИДАЛАР
Ўқув режасига мувофиқ турли фанлардан талаба ўқиш давомида курс ишларини бажаради.
Курс ишида маълум фанни ўрганиш натижасида олинган билимларни бозор иқтисодиётининг бирон соҳаси иш тажрибасида қўллаш кўникмаларини талаба кўрсатиб бериши зарур. Курс иши талабанинг мустақил иқтисодий иши тусида бўлиши керак. Курс иши қайси соҳага тегишли бўлишидан қатъий назар, бошқа махсус фанлар соҳасида ҳам ўз тайёргарлик .даражасини, эгаллаган билимларини хаётга тадбиқ эта олиш, асосланган таклифлар киритиш куникмасини намойиш этишлари керак.
Кафедра курс ишини бажаришни юқори малакали мутахассислар тайёрлаш тизимида ўқув жараёнининг асосий жиҳатларидан бири, деб қараши лозим.
Курс иши амалда талабалар илмий-тадқиқот иши шаклларидан бири бўлиб, у мустақил тадқиқотлар жиҳатларининг иқтисодий таҳлилни, режа кўрсаткичларининг асосланган ҳисоб-китобларини. пухта хулосалар ва таклифларни ўз ичига олиши керак.
Курс иши устида ишлаш талабани якуний малака ишини бажаришга тайёрлайди.
Юксак назарий ва амалий даражада бажарилган курс иши илмий анжуманда, талабалар илмий жамиятида маъруза билан чиқиш, илмий ишлар тўпламида эълон қилишга асос бўлади.
Университет профессор ўқитувчилари раҳбарлигида талабалар курс ишини бажарадилар.
2. Курс иши мавзуси, уни танлаш ва режасини тузши.
Курс иши ёзиладиган фанлардан кафедра етакчи олимлари, тажрибали ўқитувчилар курс иши мавзуларини тайёрлайдилар ва кафедра муҳокамасига қўядилар; кафедра муҳокамасидан тўлиқ ижобий баҳога эга ҳолда ўтган мавзулар факультет илмий Кенгашида тасдиқлашга тавсия этилади.
Курс иши мавзусини танлаш талабанинг қизиқиши, иш жойи, мутахассислигига қараб мустақил равишда амалга оширилади. Айрим ҳолларда талаба кафедра билан келишилган ҳолда тасдиқланган мавзулардан ташқари кўзда тутилган, якка тартибда белгиланган мавзуда курс ишини бажариши мумкин. Мавзу аниқ амалий материал, илмий қизиқишлар, шахсий майллар ва бўлажак якуний малака иши масалалари билан боғланган бўлиши керак.
Курс ишининг режаси мавзуга дойир адабиётлар билан танишганидан кейин кафедра томонидан тавсия этилган тахминий режани ҳисобга олиб тузилади. Режа мавзунинг асосий вазифасини қўйган мақсадини ва асосий масалаларини очиб бериши керак. Режани раҳбар тасдиқлайди.