1. трикотаж ҳАҚҚында түсиник

Қалқаны пайда етиў ағзалары
Трикотаж тоқымасын пайда етиў ушын машинаның жумысшы ағзаларында қалқаны пайда етиў зәрүр.
Машинада қалқа пайда етиў ушын, зәрүр болған ағзалар қалқаны пайда етиў ағзалары деп аталады.
Машинаның жумысшы ағзаларына төмендегилер киреди:
1. Ийнелер (илгекли, тилшели, ойықша (пазовне), таяқша тесикли (ушковме) ҳәм т.б..

2. 
   Платиналар;
   
3. 
   Жип жүриткишлер;
   
4. 
   Қысыўшы (пресс);
   
5. 
   Қалқа пайда етиўши замоклар.
   

ҚАЛҚА ПАЙДА ЕТИЎ ПРОЦЕССЛЕРИ
Илгеги бар ийнели машиналарда пайда етиў процесси
Илгеги бар ийнели трикотаж тоқыў машиналарында қалқа пайда етиўдиң зәрүрли шәртлеринен бири — ҳәр бир ийне ямаса бир ийне оралап басланғыш қалқаға ийне болыўы. Басланғыш қалқасыз жаңа қалқаны пайда етип болмайды.
Бунда ески (басланғыш) қалқа ийне бойлап жылжыйды, жаңа жип болса ийнеге қойылады ҳәм ийиледи, соңынан ески қалқа арасынан тартып алынады. Булардың барлығын қалқа пайда етиўши жумысшы ағзалары орынланады. Қалқа пайда етиўдиң барлық процесси 10 операцияға бөлинеди:
1. Қалқа пайда етиўди тамамлаў.
Тамамлаў операциясы орынланыўы процессинде ески қалқа илгек астынан ийне өзегин бойлап төменге ысырылады. Ысырылған аралық ийне илгеги ушы менен ески қалқа аралығына жаңа жипти қойыў имканын бериўи керек (2.1-сүўрет). Жаңа қалқа пайда етиў ушын ески қалқаны бир жағдайдан 2-жағдайға жылжытыў зәрүр.


2. Жиптиң ийнеге қойылыўы
Бунда жип жүргизгиш (нитевод) тың ийнелерге анық ысырылыўы нәтийжесинде жаңа жип ийнелериниң өзегине избе-из қойылады. 2.2- сүўретте жипти туўры сызық көринисте ийне өзегинде қойылғаны көрсетилген.




3. Жипти ийиў..
Бунда ийнеге қойылған жип ийне өзегинде ийиледи (2.3- сүўрет). Қалқа пайда етиў процессиниң трикотаж усылында қалқаның үлкен кишиси усы операцияға байланыслы болады.




4. Жаңа жипти ийне илгели астына киритиў.
Бунда жаңа ийилген жип ийнениң илгеги астына киритиледи (2.4-сүўрет).







5. Ийне илгегин сығыў.
Ийне илгегин сығыў операциясының тийкарғы әҳмийети соннан ибарат, бунда сығыўшы аппарат жәрдеминде илгектиң ушы ийне ойығына толық киретуғын етип сығылады (2.5-сүўрет).
6. Ески қалқаны илгек үстине сүриў.
Ески қалқаны илгек үстине сүриў операциясын орынлаў ушын ески қалқа алдыңғы ийне өзеги бойлап, соңынан сығылған илгек бойлап сүриледи (2.5-сүўрет).

7. Қалқалардың биригиўи.

Бунда ески калқа илгек бойлап ҳәрекетленип, жаңа қалқа менен ушырасады ҳәм бирлесиў операциясы орынланады (2.6-сүўрет).