1-Tema: Normativ-huqıqıy hújjetler haqqında tusinik Reje

2. Normativ-huqıqıy hújjetler tusinigi hám olardıń túrleri.
Bilim insandı joqarı dárejege kóterip ǵana qoymastan, ol jasap atırǵan mámlekettide rawajlandıradı. Dunya juzi tájriybesinde tek bilim arqalı ǵana kóplegen máselelerdi sheshiw mumkinligin kórsetedi. Bilimli insanlardıń qábiliyeti hám jemisleri menen kóp mámleketler rawajlanbaqta. Sonıń ushın hár bir uzaqtı kózlegen mámleket óz puqaralarınıń bilimli bolıwına mápdar hám sol jolda háreket etedi. Al bul óz náwbetinde puqaralardıń bilimli bolıwına, bilimlendiriwdiń basqarıw sistemasınıń qanday jolǵa qoyılǵanlaǵı, oǵan qanday sharayatlar jaratıp bergenligi menen tásir etedi.
“Hár qanday nızam hújjetin qabıl etiwden tiykarǵı maqset xalqımızdıń turmıs sharayatın jaqsılaw ekenligin hesh qaysımız umıtpawımız kerek. Bul protsesstegi tiykarǵı másele – nızam hújjetleriniń mazmun mánisin orınlawshılar hám xalıqqa óz waqtında jetkerip beriw, olardı ámelge asırıwdı qatań támiyinlewden ibarat²” dep orınlı pikir bildirdi mámleket basshısı. Álbette hámmemizdiń turmısımızdı normativ-huqıqıy hújjetler tártipke salıp turadı. Insan jámiyiette jasar eken onıń tártip qaǵıydalarına boysınıw, milliy qádiriyatlardı hurmet etiw menen qatnasıqta bolıw zárur bolıp tabıladı.
Bugingi kunde tálim-tárbiya tarawında xızmet kórsetip atırǵan pedagoglarda óz iskerliklerin normativ-huqıqıy hújjetler tiykarında shólkemlestiredi.
Normativ-huqıqıy hújjet tusiniginiń tariypi usı haqqında qabıllanǵan Ózbekstan Respublikasınıń nizamında berilgen. 2012 jıl 24 dekabrde qabıl etilgen Ózbekstan Respublikasınıń ÓRQ-342-sanlı Nizamı tiykarında ameldegi (2000 jıl 14 dekabrde qabıl etilgen) «Normativ-huqıqıy hújjetlar haqqında »ǵı Ózbekstan Respublikasinıń Nizamına ózgertis hám qosımshalar kiritildi. Usı jańa redakciyadaǵı Nizam rasmiy daǵazalanǵan kúnnen baslap kúshke kirgen³.
Normativ-huqıqıy hújjet bul - «Normativ-huqıqıy hújjetlar haqqında »ǵı Ózbekstan Respublikasınıń Nizamına muwapıq qabıl etilgen, ulıwma májburiy mámleketlik kórsetpeler sıpatında huqıqıy normalardı belgilewge, ózgertiwge yaki biykar etiwge qaratılǵan rásmiy hújjet bolıp tabıladı.
Ózbekstanda Oliy Majlistiń palataları, Ózbekstan Respublikasınıń Prezidenti, Ministrler Kabineti, mámleketlik komiteteler hám vedomstvolar, jergilikli mámleketlik hákimiyat uyımları normativ-huqıqıy hújjetler qabıl etiw huqıqına iye uyımlar yaki lawazımlı shaxslar bolıp esaplanadı.
Qaraqalpaqtan Respublikasında normativ-huqıqıy hújjetlerdi qabıl etiw huqıqına iye bolǵan uyımlar - bul Qaraqalpaqstan Respublikası Joqarǵı Keńesi, Ministrler Keńesi, ministrlikler, mámleketlik komitetler hám vedomstvolar, jergilikli mámleketlik hákimiyat uyımları bolıp tabıladı.