1-Tema. Kirisiw Qaraqalpaq tili mámleketlik til. Qaraqalpaq jazıwı hám onıń tariyxı Tayanısh sózler

Tákirarlaw ushın sorawlar
1. Feyildiń máhál kategoriyaları?

2. Qıymıl-qozǵalıs feyillerine mısallar keltiriń?

3. Feyildiń dáreje kategoriyaları neshege bólinedi?
22-Tema. Ráwish
Tayanısh sózler-ráwish, ráwishtiń mánisine qaray túrleri, ráwishtiń dárejeleri.
Ráwish is-hárekettiń hám belginiń belgisin bildiretuǵın mánili sóz shaqabı. Ol feyil menen dizbeklesip kelip, is-hárekettiń hár qıylı belgisin bildiredi. Ráwish óz aldına jeke sóz shaqabı sıpatında ózine tán ózgesheliklerge iye. Onıń ózine tán semantikası, morfologiyalıq belgileri hám sintaksislik xızmetleri bar. Ráwishke tek ráwish mánisin ańlatıp, sintaksislik jaqtan pısıqlawısh xızmetin atqarıp keletuǵın bir qansha túbir sózler kiredi bárha, mudam, jańa, házir, kóp, az, áste hám t.b.

Ráwishtiń tiykarǵı morfologiyalıq ózgesheligi, ol sóz ózgertiwshi affikslerge iye emes, basqa sózler menen baylanısqanda sóz ózgertiwshi qosımtalardı qabıllamaydı. Ráwish sonday-aq dáreje kategoriyasına iye.