1. Tashqi siyosat va xalqaro munosabatlar / Umumiy masalalar]

II. Budjetdan tashqari jamg‘armalar va badallar to‘lovchilarning o‘z mablag‘lari hisobidan moliyalashtirish

40.	Konstitutsiyaviy sud	Osiyo Konstitutsiyaviy sudlari va ekvivalent institutlari assotsiatsiyasi
		Yevroosiyo konstitutsiyaviy nazorat organlari assotsiatsiyasi
41.	Mudofaa vazirligi	Xalqaro harbiy sport kengashi
42.	Ichki ishlar vazirligi	Mustaqil Davlatlar Hamdo‘stligi hududida Uyushgan jinoyatchilik va boshqa xavfli turdagi jinoyatchilikka qarshi kurashishni muvofiqlashtirish byurosi
		Davlatlararo axborot banki
43.	Bosh prokuratura	Mustaqil Davlatlar Hamdo‘stligiga a’zo davlatlarning bosh prokurorlari muvofiqlashtiruvchi kengashi kotibiyati
		Xalqaro prokurorlar assotsiatsiyasi
44.	Axborot texnologiyalari va kommunikatsiyalarini rivojlantirish vazirligi	Xalqaro elektr aloqasi ittifoqi
		Butunjahon pochta ittifoqi
		Aloqa sohasida hududiy hamdo‘stlik
		Yevropa telekommunikatsiya standartlari instituti
45.	Energetika vazirligi	Energetika xartiyasi kotibiyati
46.	Innovatsion rivojlanish vazirligi	Osiyo-Tinch okeani texnologiyalar transferi markazi
47.	Markaziy bank	Moliyaviy ommaboplik alyansi
48.	Turizmni rivojlantirish davlat qo‘mitasi	Butunjahon turizm tashkiloti
49.	Ekologiya va atrof-muhitni muhofaza qilish davlat qo‘mitasi	Yo‘q bo‘lib ketish xavfi ostidagi yovvoyi fauna va flora turlarining xalqaro savdosi to‘g‘risidagi Konv�nsiyaning trast jamg‘armasi
		Yovvoyi hayvonlarning ko‘chib yuruvchi turlarini saqlab qolishga doir konvensiyaning trast jamg‘armasi
		Xavfli chiqindilarni chegaralararo tashish va yo‘q qilib yuborish ustidan nazorat qilish to‘g‘risidagi Bazel Konvensiyasining trast jamg‘armasi
		Afrika, Yevropa va Osiyodagi ko‘chib yuruvchi suv-botqoq qushlarini muhofaza qilish bo‘yicha bitim
50.	Davlat bojxona qo‘mitasi	Butunjahon bojxona tashkiloti
51.	“O‘zstandart” agentligi	Xalqaro tarozi va o‘lchovlar byurosi
		Xalqaro standartlashtirish tashkiloti
		Standartlash, metrologiya va sertifikatlash bo‘yicha davlatlararo kengash
		Qonunchilik metrologiyasi xalqaro tashkiloti
		Islom mamlakatlarining standartlar va metrologiya instituti
53.	Intellektual mulk agentligi	Butunjahon intellektual mulk tashkiloti
		O‘simliklarning yangi navlarini muhofaza qilish bo‘yicha xalqaro ittifoq
54.	Qishloq xo‘jaligi vazirligi huzuridagi Uzumchilik va vinochilikni rivojlantirish agentligi	Xalqaro uzumchilik va vinochilik tashkiloti
55.	“O‘zarxiv” agentligi	Xalqaro arxivlar kengashi
56.	Vazirlar Mahkamasi huzuridagi O‘simliklar karantini davlat inspeksiyasi	Yevropa va O‘rta yer dengizi o‘simliklar karantini va himoyasi tashkiloti
		O‘simliklar karantini va himoyasi bo‘yicha xalqaro konvensiya
57.	Fanlar akademiyasi, Energetika vazirligi huzuridagi Atom energetikasini rivojlantirish agentligi	“Yadro tadqiqotlari birlashgan instituti” xalqaro hukumatlararo ilmiy-�adqiqot tashkiloti
58.	“O‘zbekiston milliy elektr tarmoqlari” AJ	Mustaqil Davlatlar Hamdo‘stligining Elektr energetika kengashi
59.	“O‘zbekiston temir yo‘llari” AJ	Mustaqil Davlatlar Hamdo‘stligiga a’zo davlatlarning temir yo‘l transporti bo‘yicha kengashi
		Temir yo‘l hamkorlik tashkiloti
60.	“Toshkent metropoliteni” UK	Xalqaro jamoat transporti ittifoqi
		“Metro” xalqaro assotsiatsiyasi
61.	A. Navoiy nomidagi Milliy kutubxona	elFL.net xalqaro konsorsiumi
		Davriy nashrlarni ro‘yxatdan o‘tkazish xalqaro markazi
		Xalqaro standart kitob raqami
		Kutubxona uyushmalari va muassasalarining xalqaro federatsiyasi
		Yevroosiyo kutubxona assambleyasi
62.	“O‘zekspomarkaz” MKK AJ	Xalqaro ko‘rgazmalar byurosi
63.	O‘zbekiston mudofaasiga ko‘maklashuvchi “Vatanparvar” tashkiloti markaziy kengashi	Xalqaro triatlon uyushmasi
		Osiyo triatlon konfederatsiyasi
		Xalqaro biatlon ittifoqi
		Xalqaro aeronavtika federatsiyasi

(1-ilova O‘zbekiston Respublikasi Prezidentining 2020-yil 30-dekabrdagi PQ-4938-sonli qarori tahririda — Qonun hujjatlari ma’lumotlari milliy bazasi, 31.12.2020-y., 07/20/4938/1680-son)

O‘zbekiston Respublikasi Prezidentining 2020-yil 22-iyundagi PQ-4756-son qaroriga

2-ILOVA

O‘zbekiston Respublikasining xalqaro shartnomalari va xalqaro tashkilotlarga a’zolik bo‘yicha majburiyatlaridan kelib chiqadigan badallarni to‘lash tartibi to‘g‘risida

NIZOM

1-bob. Umumiy qoidalar

1. Mazkur Nizom O‘zbekiston Respublikasining xalqaro shartnomalari va xalqaro tashkilotlarga a’zolik bo‘yicha majburiyatlaridan kelib chiqadigan badallarni (keyingi o‘rinlarda — badallar) to‘lash tartibini belgilaydi.

2. Davlatlararo, hukumatlararo va idoralararo darajalarda xalqaro shartnomalarga qo‘shilish bo‘yicha qarorlar qabul qilish “O‘zbekiston Respublikasining xalqaro shartnomalari to‘g‘risida”gi O‘zbekiston Respublikasi Qonuni bilan tartibga solinadi.

3. Badallar mazkur qarorning 1-ilovasi bilan tasdiqlangan O‘zbekiston Respublikasining xalqaro shartnomalar va xalqaro tashkilotlarga a’zolik bo‘yicha majburiyatlaridan kelib chiqadigan badallarni to‘lovchi davlat organlari va boshqa tashkilotlar ro‘yxatida (keyingi o‘rinlarda — Ro‘yxat) ko‘rsatilgan xalqaro tashkilotlarga ushbu nizom talablariga muvofiq to‘lanadi.

4. Badallar va ular bo‘yicha qarzdorliklar bevosita Ro‘yxatda ko‘rsatilgan davlat organlari va boshqa tashkilotlar tomonidan to‘lanadi.

5. Badallar O‘zbekiston Respublikasi Davlat budjeti, Ro‘yxatda ko‘rsatilgan davlat organlari va boshqa tashkilotlarning (keyingi o‘rinlarda — to‘lovchilar) budjetdan tashqari jamg‘armalari va o‘z mablag‘lari hisobidan mazkur Nizomga ilovaga muvofiq sxema bo‘yicha to‘lanadi.

2-bob. Badallarni to‘lash uchun zarur bo‘lgan budjet mablag‘larini rejalashtirish

6. Ro‘yxatning 1-bo‘limida ko‘rsatilgan to‘lovchilar yillik asosda to‘lov hujjatlarini (invoys) yoki xalqaro tashkilotning keyingi yil uchun rejalashtirilgan badal summasi to‘g‘risidagi rasmiy xabarnomasini olish yuzasidan tegishli choralar ko‘radi hamda buning asosida keyingi yil uchun rejalashtirilgan badallar summasi to‘g‘risidagi ma’lumotni 1-iyungacha bo‘lgan muddatda O‘zbekiston Respublikasi Moliya vazirligiga taqdim etadi.

To‘lov hujjatlari (invoys) yoki xalqaro tashkilotning rasmiy xabarnomasi mavjud bo‘lmagan taqdirda, oldingi yillarda haqiqatda to‘langan badallar summasidan kelib chiqqan holda, keyingi yil uchun badallarning prognoz miqdorlari to‘g‘risida ma’lumot taqdim etiladi.

Kelgusi yil badallarini to‘lash maqsadida to‘lov summasini milliy valyutada hisoblash uchun to‘lovchilar keyingi yil uchun xorijiy valyutaning o‘rtacha yillik prognoz kursini, shuningdek, to‘lovlarni amalga oshirish uchun zarur bo‘lgan xarajatlarni (mablag‘larni o‘tkazish uchun vositachilik haqi va boshqalar) hisobga olgan holda, xorijiy valyutadagi mablag‘larni milliy valyutaga qayta hisoblaydi.

Bunda keyingi yil uchun o‘rtacha yillik prognoz kursi to‘lovchilar tomonidan xorijiy valyutaning milliy valyutaga nisbatan kursining o‘zgarish tendensiyasini hisobga olgan holda hisoblab aniqlanadi.

7. O‘zbekiston Respublikasi Moliya vazirligi to‘lovchilar tomonidan taqdim etilgan ma’lumotlar asosida badallar miqdorining kelgusi yilda oshish ehtimolini hisobga olgan holda, badallarni to‘lash uchun zarur bo‘lgan mablag‘larni har yili O‘zbekiston Respublikasi Davlat budjetining prognoz parametrlarida nazarda tutadi.

8. Agar o‘tgan yilda rejalashtirilgan badal miqdori bilan joriy yilda haqiqatda to‘lanishi lozim bo‘lgan miqdor o‘rtasida farq (defitsit) yuzaga kelsa, yetishmagan qism O‘zbekiston Respublikasi Davlat budjetida xalqaro tashkilotlarga badallarni to‘lash uchun nazarda tutilgan iqtisod qilingan budjet mablag‘lari, ular mavjud bo‘lmagan taqdirda esa, O‘zbekiston Respublikasi Vazirlar Mahkamasining zaxira jamg‘armasi hisobidan qoplanadi.

Joriy yilda to‘lanishi lozim bo‘lgan badal miqdorining yetishmagan qismining keyingi yilga o‘tkazilishiga, agar bu O‘zbekiston Respublikasining xalqaro tashkilot faoliyati doirasidagi huquqlarini cheklamasa, jiddiy siyosiy-iqtisodiy oqibatlarni keltirib chiqarmasa, mamlakat nufuziga putur yetkazmasa hamda qarzdorlik, shu jumladan badallarni to‘lamaganlik yoki to‘liq to‘lamaganlik uchun jarima sanksiyalari hisoblanishi hisobidan shakllanishini keltirib chiqarmasa yo‘l qo‘yiladi.

3-bob. Badallarni to‘lash tartibi

9. Badallar to‘lovchilar tomonidan to‘lov hujjatlariga (invoys) yoki joriy yil uchun badal miqdorini tasdiqlovchi xalqaro tashkilotning (yoki tegishli xalqaro shartnomani ma’murlashtirish uchun mas’ul bo‘lgan tashkilotning (organning)) xabarnomalariga muvofiq to‘lanadi.

10. Ro‘yxatning 1-bo‘limida ko‘rsatilgan to‘lovchilar 10-martgacha bo‘lgan muddatda badallarni inobatga olgan holda xarajatlar smetasini tasdiqlab, belgilangan tartibda ro‘yxatdan o‘tkazish uchun O‘zbekiston Respublikasi Moliya vazirligiga taqdim etadi.

11. Badallar va ular bo‘yicha qarzdorlikni to‘lash uchun nazarda tutilgan pul mablag‘larining konvertatsiyasi to‘lovchining o‘rnatilgan tartibda taqdim etilgan buyurtmanomasi asosida O‘zbekiston Respublikasi Moliya vazirligining G‘aznachiligi tomonidan 5 ish kuni mobaynida amalga oshiriladi.

12. G‘azna ijrosi bilan qamrab olinmagan to‘lovchilar badallar va ular bo‘yicha qarzdorlikni to‘lash uchun mo‘ljallangan pul mablag‘larini qonunchilikda belgilangan tartibda o‘tkazadi.

13. Agar badallarni to‘lash bo‘yicha majburiyatlarning o‘z vaqtida bajarilmagani O‘zbekiston Respublikasining xalqaro tashkilot faoliyati doirasidagi huquqlari cheklanishiga, jiddiy siyosiy-iqtisodiy oqibatlarga olib kelgan, mamlakat nufuziga putur yetkazgan bo‘lsa, shuningdek, qarzdorlik, shu jumladan badallarni to‘lamaganlik yoki to‘liq to‘lamaganlik uchun jarima sanksiyalari hisoblanishi hisobidan shakllanishiga olib kelgan taqdirda, shaxsiy javobgarlik tegishliligi bo‘yicha:

Ro‘yxatning 1-bo‘limida ko‘rsatilgan to‘lovchilarga budjet mablag‘lari o‘z vaqtida va to‘liq miqdorda ajratilishini ta’minlash bo‘yicha — O‘zbekiston Respublikasi Moliya vazirligi;

Ro‘yxatda ko‘rsatilgan to‘lovchilarga, g‘azna ijrosi bilan qamrab olinmagan to‘lovchilardan tashqari, ajratilgan mablag‘larni konvertatsiya qilib, o‘z vaqtida o‘tkazilishini ta’minlash bo‘yicha — O‘zbekiston Respublikasi Moliya vazirligining G‘aznachiligi;

g‘azna ijrosi bilan qamrab olinmagan to‘lovchilar topshiriqnomasi bo‘yicha to‘lovlar o‘z vaqtida va to‘liq miqdorda to‘lanishini ta’minlash bo‘yicha — tijorat banklari;

badallarni to‘lash va ular bo‘yicha qarzdorlik yuzaga kelmasligi yuzasidan O‘zbekiston Respublikasi majburiyatlarining o‘z vaqtida va to‘liq bajarilishini kafolatli ta’minlash bo‘yicha — to‘lovchilar rahbarlari zimmasiga yuklanadi.

14. Badallarni o‘z mablag‘lari hisobidan to‘laydigan to‘lovchilar har chorakda O‘zbekiston Respublikasi Moliya vazirligi va Tashqi ishlar vazirligiga xalqaro tashkilot nomi, to‘lov miqdori va sanasini ko‘rsatgan holda ma’lumot taqdim etadi.

4-bob. Hisobdorlik va badallarni to‘lashning maqsadga muvofiqligi to‘g‘risidagi xulosalarni ko‘rib chiqish tartibi

15. O‘zbekiston Respublikasi Moliya vazirligi har chorakda O‘zbekiston Respublikasi Vazirlar Mahkamasiga va Tashqi ishlar vazirligiga xalqaro tashkilotlarga badallar to‘lashning bajarilishi to‘g‘risida to‘liq ma’lumot taqdim etadi.

16. O‘zbekiston Respublikasi Moliya vazirligi joriy yilning 1-dekabr holati bo‘yicha badallarni to‘lamagan to‘lovchilarni aniqlash yuzasidan ma’lumotni shakllantiradi hamda 10-dekabrgacha bo‘lgan muddatda joriy yil uchun badallarni to‘lamagan to‘lovchilarga badal to‘lovini zudlik bilan to‘lash zarurligi to‘g‘risida xabarnoma yuboradi.

17. To‘lovchilar mazkur Nizomning 16-bandida ko‘rsatilgan xabarnomani olgandan keyin 10 kun muddatda badallarni to‘lashi va O‘zbekiston Respublikasi Moliya vazirligi hamda Tashqi ishlar vazirligiga badal to‘langani haqida axborot berishi shart.

Agar biron-bir sababga ko‘ra tegishli xalqaro shartnomani yoki xalqaro tashkilot faoliyatini moliyalashtirishda O‘zbekiston Respublikasining kelgusida ishtirok etishi maqsadga muvofiq bo‘lmagan taqdirda, to‘lovchi mazkur Nizomning 16-bandida ko‘rsatilgan xabarnomani olgandan keyin 10 kun muddatda O‘zbekiston Respublikasi Vazirlar Mahkamasiga kelgusi xatti-harakatlar bo‘yicha asosli takliflar bilan xulosa kiritadi hamda bir vaqtning o‘zida O‘zbekiston Respublikasi Tashqi ishlar vazirligini xabardor qiladi.

18. O‘zbekiston Respublikasi Vazirlar Mahkamasi belgilangan tartibda mazkur Nizomning 17-bandiga muvofiq kiritilgan taklif bo‘yicha qaror qabul qiladi yoki masalani ko‘rib chiqish uchun O‘zbekiston Respublikasi Oliy Majlisi va (yoki) Prezidentiga axborot beradi.

5-bob. O‘zbekiston Respublikasining badallarni to‘lash bo‘yicha xalqaro tashkilotlar oldidagi qarzdorligining so‘ndirilishi

19. O‘zbekiston Respublikasining badallarni to‘lash bo‘yicha qarzdorligi (keyingi o‘rinlarda — qarzdorlik) budjet mablag‘lari hisobidan O‘zbekiston Respublikasi Vazirlar Mahkamasining alohida qarori asosida so‘ndiriladi, mazkur Nizomning 20 va 21-bandlarida nazarga tutilgan holatlar bundan mustasno.

20. Qarzdorlikni budjetdan tashqari jamg‘armalar hamda shaxsiy mablag‘lar hisobidan so‘ndirish to‘lovchi tomonidan mustaqil amalga oshiriladi.

21. Agar o‘tgan yilgi badal bo‘yicha qarzdorlik yoki dastlabki hisoblangan badal miqdori bilan haqiqatda to‘lanishi lozim bo‘lgan badal miqdori o‘rtasidagi farq natijasida qarzdorlik yuzaga kelganda, ushbu qarzdorlikni so‘ndirish uchun budjet mablag‘lari to‘lovchiga navbatdagi moliya yilida badallar to‘lovi uchun ajratiladigan budjet mablag‘lariga qo‘shimcha ajratiladi.

6-bob. Yakunlovchi qoidalar

22. Ishtirok etish uchun badallar to‘lash nazarda tutilgan xalqaro tashkilotga O‘zbekiston Respublikasi qo‘shilganda yoki xalqaro shartnoma tuzilganda, tegishli mas’ul organ O‘zbekiston Respublikasi Vazirlar Mahkamasiga Ro‘yxatga qo‘shimchalar kiritish to‘g‘risida taklif kiritadi.

O‘zbekiston Respublikasi Vazirlar Mahkamasiga Ro‘yxatga o‘zgartirish va qo‘shimchalar kiritish huquqiga ega.

23. Mazkur Nizom talablari buzilishida aybdor bo‘lgan shaxslar qonun hujjatlarida belgilangan tartibda javobgar bo‘ladi.

O‘zbekiston Respublikasining xalqaro shartnomalari va xalqaro tashkilotlarga a’zolik bo‘yicha majburiyatlaridan kelib chiqadigan badallarni to‘lash tartibi to‘g‘risidagi nizomga

ILOVA

Budjet va budjetdan tashqari mablag‘lar hisobidan to‘lovchi tashkilot tomonidan badallarni to‘lash

SXEMASI