1-Тажриба иши. Matlab интерфейси билан танишув. Матрицаларни шакллантириш ва улар устида амаллар

1.3. Тизим ўзгарувчилари ва константалари
Барча математик тизимлар каби MATLABнинг ҳам марказий тушунчаси математик ифодалардир. Маълумки, улар устида амаллар бажарилаётганда асосан уларнинг сонли қийматларидан фойдаланилади (кам холатларда белги кўринишларидан ҳам фойдаланилади).
MATLABда ифодалар бир қатор кўринишида ифодаланиб, сонларни бутун қисмларини ажратиш учун вергулдан эмас, балки нуқтадан фойдаланилади. Қуйида баъзи бир ифодаларни MATLAB ва оддий математикадаги ифодаланишини 1-жадвалда кўриб чиқамиз:
1-жадвал.

MATLABда	Математикада
2+3;	2+3
2^3*sqrt(y)/2;
2.301*sin(x);	2,301sin(x)
4+exp(3)/5

Математик ифодалар сонлар, константалар, ўзгарувчилар, операторлар, функциялар ва турли ҳил махсус белгилар устига қурилади.

1.4.Ҳақиқий ва комплекс сонлар
Сон - MATLAB тилининг энг оддий объектларидан бири бўлиб, у миқдорий маълумотларни ифодалаб беради. Сонлар бутун, каср, фиксирланган ва сузувчи нуқтали бўлиши мумкин. Уларни яхши маълум бўлган илмий шаклда, яъни мантисса ва сон тартибини кўрсатган ҳолда ифодалаш мумкин:

0
-3

2.301
123.456е-24
-234.456е10

Сон тартибини мантиссадан ажратиш учун улар орасига е белгиси қўйилади. “+” ишора сонлар олдига қўйилмайди, “-” ишора эса қўйилади ва у унар минус деб номланади. Сонларда белгилар орасига пробел (бўш жой) қўйиш рухсат этилмайди.

Бундан ташқари сонлар комплекс бўлиши мумкин: z=Re(z)+Im(z)*i. Бундай сонлар Re(z) ҳақиқий ва Im(z) мавхум қисмга эга бўладилар. Мавҳум қисм квадрати -1 га тенг бўлган, i ёки j кўпайтувчига эга бўлади:

3i
2+3j

-3.141i
-123.456+2.7e-3i

real(z) функция комплекс соннинг бутун қисмини, imag(z) эса мавхум қисмини ажратиб беради. Комплекс соннинг модулини abs(z) функция, бурчагини(фазасини) angle(z) функция ҳисоблаб беради. Масалан:

>> i
Ans=0+1.000i
>>z=2+3i
Z=2.000+3.000i
>>abs(z)
Ans=3.6056
>>real(z)
Ans=2
>>Imag(z)
Ans=3
>>angle(z)
Ans=0.9828