1. Tahrirlovchi uskunalar paneli. Vaqt diagrammasi

Rasm. 19.22. Duplicate Set tugmasi bosilganda chiqadigan muloqot oynasi

Demak, yangi tezkor tugmalar kombinatsiyasini yaratish uchun quyidagi amallarni bajariladi:

1. 
   Current Set ro’yhatidan biror avvaldan aniqlangan tezkor tugmalar to’plami konfiguratsiyasi tanlanadi.
   
2. 
   Uni Duplicate Set tugmasi yordamida yangi faylga ko’chirib olinadi.
   
3. 
   Buyruqlar ro’yhatidan siz tezkor tugmaga bog’lash kerak bo’lgan biror buyruqni tanlaysiz.
   
4. 
   “+” tugmasin bosasiz, natijada pastda qatori hosil bo’ladi.
   
5. 
   Press Key maydoniga klaviatura yordamida tugmalar kombinatsiyasini kiritasiz va Change tugmasini bosasiz
   

Agar siz kiritgan kombinatsiya boshqa bir buyruq bilan bog’liq bo’lsa, Press Key maydoning pastki qismida ogohlantirish chiqadi. Bunday holda siz o’zingiz hohlagan variantni tanlashingiz mumkin.
Flash MX parametrlarini sozlash. Flash MX muharriri parametrlarini sozlash uchun Edit menyusidan Preferences (Parametrlarni o’rnatish) menyu bandi tanlanadi. Natijada Preferences muloqot oynasi ochiladi.
Preferences oynasida beshta bo’lim mavjud: General(Umumiy parametrlar), Editing(Tahrirlash parametrlari), Clipboard(Bufer yordamida ma’lumot almashtirish parametrlari), Warnings(Ogohlantirish) va ActionScript(ActionScript muharriri parametrlari).
General bo’limida qoyidagi elementlar mavjud(19.23-rasm):

• 
  Undo Levels matnli maydoni; bu maydonga Undo(bekor qilish) buyrug’i yordamida nechta amalni bekor qilish mumkinligini aniqlovchi 0 dan 200 gacha oraliqdagi son kiritiladi;
  
• 
  Printing Options:Disable PortScript belgilash(tanlash) maydonchasi; Agar siz foydalanayotgan printer PortScript formatidagi faylani chop etishda hatolik chiqarsa, ushbu maydonni belgilab qo’yiladi(belgilash uchun sichqoncha ko’rsatkichini shu maydoncha ustiga olib kelib uning o’ng tugmasini bir marta bosish etarli).
  
• 
  Selection Options: Shift Select belgilash maydonchasi. Agar maydoncha belgilab qo’yilgan bo’lsa, bir nechta obyektlarni tanlash Windows usuli bo’yicha amalga oshiriladi: Shift bilan bosilganda yangi obyekt oldin tanlanganlari soniga qo’shiladi.