1. Табиий ресурслар / Атроф табиий муҳитни муҳофаза қилиш]

VI. Ер ости сувларининг ифлосланиш мониторинги

23.	Ўзбекистон Республикаси ҳудудида жойлашган ер ости сувларининг гидродинамик ва гидрокимёвий ҳолати мониторингини юритиш.	1. Республикадаги 97 та ер ости сув конлари бўйича ер ости сувларининг гидродинамик ва гидрокимёвий ўзгариши, ер ости сув ресурси, захиралари, сув истеъмолчилари, сув олиш иншоотлари ҳисоби ва кадастрини ўз ичига олган ер ости сувлари давлат мониторингининг вилоятлар кесимида лойиҳа-смета ҳужжатларини ишлаб чиқиш ва белгиланган тартибда тасдиқлаш. 2. Ер ости сувлари давлат мониторингини юритиш. 3. Аниқланган салбий ҳолатларни бартараф этиш бўйича тавсиялар ишлаб чиқиш ва маҳаллий давлат ҳокимияти органлари, манфаатдор вазирлик ва идораларга тақдим этиш.	Ҳар йиллик минерал хом ашё базасини ривожлантириш ва қайта тўлдириш давлат дастури билан белгиланган муддатларда	Табиий ва бузилган шароитларда ер ости сувларининг гидрокимёвий ва гидродинамик режимининг мавсумий ва кўп йиллик шаклланиш хусусиятлари ва прогноз кўрсаткичлари аниқланади. Салбий жараёнларнинг ривожланишидан огоҳлантириш учун маҳаллий давлат ҳокимияти органлари ер ости сувлари гидросферасининг ҳозирги ҳолати тўғрисидаги маълумотлар билан таъминланади. Гидрогеологик хулосалар берилади.	Ҳар йили бюджетдан ажратиладиган маблағлар доирасида	Давлат геология қўмитаси
24.	Ер ости сизот сувлари сифати ва ҳолатини назорат қилиш учун суғориладиган ерларда кузатув тизимини қуриш, реконструкция қилиш, таъмирлаш ва қайта тиклаш ишларини амалга ошириш.	1. Лойиҳа-смета ҳужжатларини тузиш. 2. Ишларни бажариш учун пудратчиларни аниқлаш. 3. Қурилиш ва қайта тиклаш ишларини амалга ошириш. 4. Кузатув тизимини ишга тушириш.	2021 — 2025 йиллар	Замонавий технологияларни жорий этган ҳолда, суғориладиган ерлардаги ер ости сизот сувларининг ҳолати ва сифати бўйича назорат яхшиланади ва иш унумдорлиги оширилади.	Ҳар йили бюджетдан ажратиладиган маблағлар доирасида	Сув хўжалиги вазирлиги