1-sinf matematika darsida tayyorgarlik davrini tashkil etish metodikasi ”

Darsni yakunlash. Darsda faol qatnashgan o'quvchilarni rag'­batlantirish.
Uyga vazifa. Darslikning 12-betida berilgan shaklni yozib
kelish.
Ikkinchi bob bo`yicha xulosa
Ikkinchi bobda 1-sinfda matematika bilan shug`ullanishning asosiy o`quv tarbiyaviy vazifalari , sonlarni nomerlash va ular bilan amallar bajarishni o`rganishga tayyorlash darslari ishlanmalari, matematikadan tayyorgarlik davri darslarini tashkil etish va uni o`tkazishning samaradorligi, bayon etildi.Tajriba sinov ishlari faslida 1-sinfda o’tkazilgan darslardan namunalar keltirildi.
Maktabning boshlang’ich sinflarida 1-sinfda tayyorgarlik davrida tushunchalarni o’rgatishda asosiy amaliy maqsadlar ko’zda tutiladi, chunki son xossalarini o’rgatish, kerakli tasavvurlarni barpo etish, o’quvchilarni misollarni hisoblashga doir amaliy masalalarni yechish uchun zarur bo’lgan amaliy o’quv va malakalar bilan qurollantirishga qaratilgan bo’lishi lozim. Ko’p uchrab turadigan algebraik atamalar bilan tanishtirish yuqori sinflarda o’qishni muvaffaqiyatli davom ettirish uchun zarurdir.


XULOSA
“Ta’lim to’g’risida”gi Qonun hamda “Kadrlar tayyorlash milliy dasturi” talablariga binoan boshlang’ich ta’limda o’quvchilarga bilim berish va tarbiyalashga alohida e’tibor berilishi hammaga ma’lum. Boshlang’ich sinfga endigina qadam qo’ygan bola nimalarni biladiyu, nimalarni o’rganishi kerak? Bu savolga javob berishda matematika ta’limi ham o’z hissasini qo’shmay qolmaydi. Buning tadqiqot ishlarimiz birinchi sinflarda matematikadan tayyorgarlik darslarini tashkil etish va uni o’tkazish metodikasiga bag’ishlaydi. Kuzatish va tajribalarimizdan kelib chiqib quyidagi xulosalarga kelindi.
1. Boshlang’ich sinflarda o’tkaziladigan matematika dars tiplari, har bir dars tiplari tarkiblari mazmun mohiyatlari oydinlashtirildi. Matematikadan yangi bilim berish; bilim, malaka va ko’nikmalarni mustahkamlash; takrorlash, umumlashtirish va tizimlashtirish; bilim, malaka va ko’nikmalarni tekshirish va nazorat qilish darslari va ularning tarkibi to’g’risidagi nazariy materiallar yoritildi. Matematikadan noan’anaviy darslarni tashkil etishning o’ziga xos jihatlari ko’rsatildi.
2. Birinchi sinfda matematika bilan shug’ullanishning asosiy o’quv tarbiyaviy vazifalari asoslandi. Bu bosqichda o’quv-tarbiya ishlarini olib borishning o’ziga xos jihatlari ko’rsatildi. Maktabga endi kelgan bolalarning matematik tasavvurlarini xilma-xilligi, o’quv malakasining shakllanmaganligi, ruhiy jihatdan bolalarning xilma-xilligi, ularni bir jamoada faoliyatni birga olib borishda yo’l qo’yilayotgan ayrim nomuttanosibliklar izohlandi.
3. 10 soatlik tayyorgarlik davri darslari ishlanmalari ishlab chiqildi. Har bir darsda o’qituvchi va o’quvchi o’quv faoliyatlari to’g’risida ma’lumotlar keltirildi. Birinchi darsdan boshlab o’quvchilarni o’qishga havas uyg’otish, maktabga, dars mashg’ulotlariga intiqlik bilan yondashishi uchun matematika darslari qiziqarli, o’yinlar asosida, qiziqarli mantiqiy topshiriqlar yordamida, o’tish usul va metodlari ko’rsatildi.
4. Matematikadan tayyorgarlik davri darslarini tashkil etish va uni o’tkazish yuzasidan 7 banddan iborat usuliy tavsiyalar berildi.
Umuman olganda bolalarning o’qishga havasining uyg’onishi, dastlabki matematik tasavvurlar (fazoviy, vaqtga oid, miqdoriy) ning shakllanishi, sanoq masalalari shakllanishi aynan tayyorgarlik davriga xos ekan, o’quvchining keyingi darsdagi bilim , malaka va ko’nikmalari shu davrga olgan bilim, malakalariga bog’liq bo’ladi.