1. Saylov huquqi fani predmeti, maqsad va vazifalarini batafsil muhokama qiling

IV bob. Saylovoldi tashviqotini saylovchilar bilan uchrashuvlar o‘tkazish orqali o‘tkazish
39. Deputatlikka nomzodlarga va ularning ishonchli vakillariga saylovoldi tashviqotini saylovchilar bilan uchrashuvlar o‘tkazish orqali o‘tkazish uchun teng sharoitlar beriladi.
40. Saylovchilar bilan uchrashuvlar nomzodlar va ularning ishonchli vakillari tomonidan mustaqil ravishda o‘tkaziladi.
Deputatlikka nomzodlar va ularning ishonchli vakillari boshqa deputatlikka nomzodlar yoki ularning ishonchli vakillari bilan birgalikda saylovchilar bilan uchrashuvlar o‘tkazishga yoxud boshqa deputatlikka nomzodlar tomonidan tashkil etilgan saylovchilar bilan uchrashuvlarda ishtirok etishga haqli.
41. Saylovchilar bilan uchrashuvlarni o‘tkazish joyi va vaqti haqida okrug yoki uchastka komissiyasiga ma’lum qilinadi, mazkur komissiyalar bu haqda saylovchilarni oldindan xabardor qiladi.
Deputatlikka nomzodning saylovchilar bilan uchrashuvlar o‘tkazishi to‘g‘risidagi e’lon uchastka saylov komissiyasi binosiga osib qo‘yiladi yoxud mahalliy OAVda chop etiladi.
42. Deputatlikka nomzodlar, ularning ishonchli vakillari saylovchilar bilan uchrashuvlarni tashkil etish va o‘tkazishda yordam ko‘rsatish iltimosi bilan okrug va uchastka saylov komisiyalariga murojaat qilishga haqli.
43. Saylovchilar bilan uchrashuvlar chog‘ida deputatlikka nomzod ma’ruza bilan so‘zga chiqishi mumkin. Ma’ruza yakunlari bo‘yicha deputatlikka nomzodning kelgusidagi faoliyati dasturi, siyosiy partiyaning dasturi va saylovoldi platformasi, mamlakat ijtimoiy-siyosiy va sotsial-iqtisodiy rivojiga doir turli masalalarga munosabati yuzasidan muhokama va munozaralar o‘tkaziladi.
44. Davlat va xo‘jalik boshqaruvi organlari, mahalliy davlat hokimiyati organlari, jamoat birlashmalari, shuningdek fuqarolarning o‘zini o‘zi boshqarish organlari:
deputatlikka nomzodlarga saylovchilar bilan uchrashuvlar o‘tkazish uchun jihozlangan xonalarni bepul taqdim etishi;
zarur ma’lumot va axborot materiallarini olishda deputatlikka nomzodlarga ko‘maklashishi;
saylovchilarni deputatlikka nomzodlar bilan uchrashuvlar o‘tkaziladigan vaqt va joy haqida xabardor qilish masalasida saylov komissiyalariga ko‘maklashishi kerak.
45. Deputatlikka nomzod saylovchilar bilan uchrashuv vaqtida, saylovoldi yig‘ilishlarida, televideniye va radioda nutq so‘zlash vaqtida o‘rtacha oylik ish haqi saqlanib qolgan holda ishlab chiqarish yoki xizmat majburiyatlarini bajarishdan ozod bo‘lish huquqiga ega.
46. Deputatlikka nomzod saylovoldi tashviqoti davrida deputatlikka nomzod etib ro‘yxatga olingan saylov okrugi joylashgan hududda barcha turdagi davlat yo‘lovchi transportida bepul yurish huquqiga ega (bundan shahar yo‘lovchi transporti, taksi va boshqa transport turlarining buyurtma qilinadigan reyslari mustasno).
47. Deputatlikka nomzodlarning saylovchilar bilan uchrashuvlari ochiq va oshkora tarzda o‘tkaziladi, xavfsizlikni ta’minlash maqsadida qo‘llaniladigan cheklovlar bundan mustasno.