1. Saylov huquqi fani predmeti, maqsad va vazifalarini batafsil muhokama qiling

936-son
I. Umumiy qoidalar
1. O‘zbekiston Respublikasi Prezidentligiga nomzod 15 nafargacha, O‘zbekiston Respublikasi Oliy Majlisi Qonunchilik palatasi deputatligiga nomzod 10 nafargacha, Xalq deputatlari viloyat va Toshkent shahar kengashi deputatligiga nomzod 5 nafargacha, Xalq deputatlari tuman va shahar kengashi deputatligiga nomzod 3 nafargacha ishonchli vakilga ega bo‘lishi mumkin.
2. Ishonchli vakil saylov komissiyasining a’zosi bo‘lishi mumkin emas.
3. Ishonchli vakillarning O‘zbekiston Respublikasi hududi doirasidagi saylov bilan bog‘liq safar xarajatlari saylovni o‘tkazish uchun ajratilgan mablag‘lar hisobidan to‘lanadi.
4. Ishonchli vakilga uning arizasiga binoan O‘zbekiston Respublikasi Mehnat kodeksining 150-moddasi talablariga muvofiq saylovoldi tashviqoti o‘tkazish davrida ish haqi saqlab qolinmagan holda ta’til berilishi mumkin.
II. Ishonchli vakillarni ro‘yxatga olish
5. O‘zbekiston Respublikasi Prezidentligiga nomzodlarning ishonchli vakillari uning taqdimnomasiga binoan Markaziy saylov komissiyasi tomonidan ro‘yxatga olinadi va mazkur Nizomning 1-ilovasida belgilangan shaklda ularga guvohnoma beriladi.
Oldingi tahrirga qarang.
6. Deputatlikka nomzod ro‘yxatga olinganidan keyin ishonchli vakillarini o‘z xohishiga ko‘ra belgilaydi va ularni ro‘yxatga olish uchun tegishli saylov komissiyasiga ariza bilan murojaat qiladi. Bunda ariza:
(6-bandning birinchi xatboshisi O‘zbekiston Respublikasi Markaziy saylov komissiyasining 2021-yil 16-iyundagi 1073-sonli qarori tahririda)
O‘zbekiston Respublikasi Oliy Majlisi Qonunchilik palatasi deputatligiga nomzod tomonidan Qonunchilik palatasiga saylov o‘tkazuvchi okrug saylov komissiyasiga;
Oldingi tahrirga qarang.
xalq deputatlari viloyatlar va Toshkent shahar Kengashlari deputatligiga nomzod tomonidan xalq deputatlari viloyatlar va Toshkent shahar Kengashlariga saylov o‘tkazuvchi okrug saylov komissiyasiga;
(6-bandning uchinchi xatboshisi O‘zbekiston Respublikasi Markaziy saylov komissiyasining 2021-yil 16-iyundagi 1073-sonli qarori tahririda)
Oldingi tahrirga qarang.
xalq deputatlari tuman, shahar (bundan Toshkent shahri mustasno) Kengashi deputatligiga nomzod tomonidan tuman, shahar (bundan Toshkent shahar saylov komissiyasi mustasno) saylov komissiyasiga taqdim etiladi.
(6-band O‘zbekiston Respublikasi Markaziy saylov komissiyasining 2021-yil 16-iyundagi 1073-sonli qaroriga asosan to‘rtinchi xatboshi bilan to‘ldirilgan)
Arizaga ishonchli vakillikka nomzodning pasport nusxasi, 2 dona 3 x 4 hajmdagi fotosurati ilova qilinadi.
Oldingi tahrirga qarang.
Tegishli saylov komissiyasi arizani qabul qilgan kundan boshlab, 3 kunlik muddatda ishonchli vakillarni ro‘yxatga oladi va ularga mazkur Nizomning 2 — 2v-ilovalarda belgilangan shaklda guvohnoma beradi.
(6-bandning oltinchi xatboshisi O‘zbekiston Respublikasi Markaziy saylov komissiyasining 2021-yil 16-iyundagi 1073-sonli qarori tahririda)
Guvohnomada nomzod ko‘rsatgan siyosiy partiyaning alohida farq belgilar (rangi yoki boshqa) aks ettirilishi mumkin.
7. Ishonchli vakilning guvohnomasi tegishli saylov komissiyasi raisining imzosi va muhri bilan tasdiqlanadi.
8. Nomzod saylovga qadar istalgan vaqtda o‘z ishonchli vakilini tegishli saylov komissiyasiga ma’lum qilgan holda vakolatidan mahrum qilishi va uni boshqasi bilan almashtirishi mumkin. Ishonchli vakil istalgan vaqtda o‘z vakolatlarini zimmasidan soqit qilishga haqli.