1. Saylov huquqi fani predmeti, maqsad va vazifalarini batafsil muhokama qiling

4-bob. Saylov kampaniyasida xayriya mablag‘larini ishlatish
33. Siyosiy partiyalar, boshqa jamoat birlashmalari, korxonalar, muassasalar, tashkilotlar va fuqarolarning saylovlarni o‘tkazish bilan bog‘liq tadbirlar uchun homiylik mablag‘lari (bundan buyon matnda xayriya mablag‘lari deb yuritiladi) MSKning shaxsiy g‘azna hisobvarag‘iga kirim qilinadi.
Xayriya mablag‘lari siyosiy partiyalar, shu jumladan muayyan siyosiy partiyadan ko‘rsatilgan nomzodning saylovoldi tashviqotini moliyalashtirish uchun MSKning shaxsiy g‘azna hisobvarag‘iga maqsadli kelib tushgan bo‘lsa, ushbu mablag‘lar uch kunlik muddatda xayriya subyektiga qaytarib beriladi.
34. MSKning shaxsiy g‘azna hisobvarag‘iga kelib tushgan xayriya mablag‘lari MSKning qarori asosida saylovga tayyorgarlik ko‘rish va uni o‘tkazish bilan bog‘liq tadbirlarga sarflanadi (siyosiy partiyalar va nomzodlarning saylovoldi tashviqotini moliyalashtirish bundan mustasno) va hisobi alohida yuritiladi.
Agarda xayriya mablag‘lari alohida hududiy saylov komissiyaning muayyan xarajatlarini moliyalashtirish maqsadida kelib tushgan bo‘lsa, MSK qaroriga muvofiq xayriya maqsadida ko‘rsatilgan xarajatlarga yo‘naltirilishi yoki xayriya egasi roziligi bilan saylovga tayyorgarlik ko‘rish va uni o‘tkazish bilan bog‘liq boshqa tadbirlarga sarflanishi mumkin.
Saylovoldi tashviqoti davrida ishlatilmagan xayriya mablag‘lari MSK ixtiyorida qoldiriladi va MSK ning tegishli qarorlari asosida tasarruf qilinadi.
35. Saylovoldi tashviqoti davrida saylov bilan bog‘liq harajatlarni moliyalashtirish uchun siyosiy partiyalar hisob raqamiga kelib tushgan xayriya mablag‘lari kirim qilingan kundan boshlab uch kunlik muddatda xayriya subyektiga qaytarilishi lozim.
5-bob. Saylov jarayonlaridagi moddiy qimmatliklar hisobi
36. Saylov komissiyalariga yetkazilgan tovar-moddiy qimmatliklarning qoldig‘i saylov komissiyasining qarori bilan saylov natijalari e’lon qilinganidan keyin tegishli hokimlik yoki komissiya joylashgan tashkilot yoki muassasa balansiga (5-ilovadagi taqsimot bo‘yicha) qabul qilish-topshirish dalolatnomalari bo‘yicha haq to‘lamaslik sharti bilan qabul qilinadi.
Tovar-moddiy qimmatliklarni qabul qilgan moddiy javobgar shaxslar ularning saylovdan keyingi saqlanishi uchun mas’ul hisoblanadi.
Qabul qilingan tovar-moddiy qimmatliklar va moddiy javobgar shaxslar ro‘yxatlari tuman va shaharlar kesimida jamlanib, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari tomonidan mazkur Yo‘riqnomaning 6-ilovasida keltirilgan shaklda saylov natijalari e’lon qilingandan keyingi o‘ttiz kundan kechikmasdan MSKga taqdim qilinadi.