1-Республика психологлар конференцияси учун тақдим этилган ишланма

Бажариладиган иш тартиби. Тренер: иштирокчилардан бири эшик ташқарисига чиқиб туриши кераклигини сўрайди. Хонада қолган иштирокчиларнинг 4 тасига ўйнайдиган роллари бўлиб берилади.1чи ўқувчи эшик ташқарисида турган иштирокчининг синфдош ўртоғи ролида, 2 чи ўқувчи онаси ролида, 3 чи ўқувчи маҳалла раиси, 4 чи ўқувчи эса синф раҳбари ролида иштирок этиши сўралади. Иштирокчилар томонидан гапириладиган гаплари келишиб олинади.
Тренер эшик ташқарисида турган иштирокчининг кўзини бойлаб ичкарига олиб киради. 4 та иштирокчилар бир варакайига бўлиб берилган гапларини айта бошлайди. Сўнгра иштирокчининг кўзи бўшатилади ва тренер томонидан сўралади, эшитган қайси фикрлар кўпроқ ёдингда қолди. Вазифа бажарилгандан сўнг саволлар асосида муҳокама бўлади.
4-машқ.“Фарқини ҳис қилинг”
Мақсад: “Девиант хулқ” ва “Делинквент ахлоқ” тушунчаларини ажратиш.
Машқни ўтказиш вақти: 10 дақиқа.
Бажариладиган иш тартиби.Тренер: аввало “Девиант хулқ” ва “Делинквент ахлоқ” тушунчаларига таъриф беради ҳамда мисоллар келтиради. Сўнгра иштирокчиларга тренер коптотокни отади. Коптокни ким тутиб олса, ўша “Девиант хулқ” ёки “Делинквент ахлоқ” га мисол келтиради. Кейин эса коптокни кейинги иштирокчига отади.....Ўйин шу тариқа давом этади.
Гуруҳ иштирокчилариниг ҳамма аъзолари қатнашиши мақсадга мувофиқ.


5-машқ. “Сеҳрли сайёра”
Машқни ўтказиш вақти: 20 дақиқа.
Мақсад:Жамият тамонидан қабул қилинмаслик, рад этилиш туйғусини ҳис қилиб кўришга имкон яратиш. Йўл қўйган хатоларини таҳлил қилишга ундаш.
Бажариладиган иш тартиби.Тренер: ўйин ўйнашни таклиф қилади. Сиз нима деб ўйлайсиз, биз ҳис-туйғу, эмоцияларсиз яшай олармидик? Агар сиз ўғриларни, безориларни, жиноятчиларни, зўравонларни, фоҳишабозларни, гиёҳванд моддаларни сотиш билан шуғилланадиган кимсаларни учратиб қолсангиз уларга қандай муносабатда бўласиз? Иштирокчилар бу саволларни муҳокама қиладилар.
Тренер:Учта командага бўлининг. Биринчи команда иштирокчилари: гиёҳванд моддаларни сотиш билан шуғилланадиган кишилар, иккинчи команда иштирокчилари: ўғрилик билан шуғилланадиган кишилар , учунчи команда иштирокчилари: зўравонлик билан шуғилланувчи кишилар ҳисобланасиз. Сизлар ер сайёрасида истиқомат қиладиган кишиларсиз. Сизлар ўғрилик,зўравонлик, гиёҳванд моддаларни сотиш билан шуғилланадиган кишилар бўлганлигингиз учун сизни ер сайёрасидан чиқариб юборишмоқчи. Ҳозир сизларда “Марс сайёрасида” қолиш имконияти бор. Мен эса “Марс сайёрасининг маликаси”бўламан. Ҳар бир гуруҳдан 1 кишидан вакил чиқиб. Марс сайёраси маликасининг олдига келади ҳамда агар сайёрангизга бизни қабул қилсангиз сизнинг сайёрангизда биз..... яхши ишларни қилар эдик деб ўзларининг таклифларини ва илтимосларини айтишади. Марс сайёрасининг маликаси 3 та команда аъзоларининг фикрларини эшитади ҳамда марс сайёраси маликаси команда аъзолари олдига келиб уларни сайёрасига қабул қила олмаслигини билдиради.
Шундан сўнг команда аъзоларининг фикрлари тингланади. Муҳокама қилинади, Қарор қабул қилинади.