1. Rejalash asboblaridan foydalanish

Qo‘l (elektr ѐki pnevmatik) parmalash mashinalar ѐrdamida parmalash

Eslatma. Parmalashga kirishishdan avval mexanizatsiyalashgan asboblar bilan ishlashga doir quyidagi xavfsizlik texnikasi qoidalarini esga oling.
Yengil tipdagi elektr mashinalar bilan 8 mm.gacha teshik parmalash.	1.Yengil tipdagi ochiq dastali parmalagich o‘ng qo‘lga olinadi. Parma uchi kern o‘yig‘iga o‘rnatiladi va ko‘rsatkich barmoq bilan tepkiga bosilib, yuritgich ishga tushiriladi. Parmalagich dastasiga bosilib, metallda teshik parmalanadi. Bu jaraѐnda parma o‘qi parmalanaѐtgan tekislikka nisbatan perpendikulyar holatda bo‘lishiga qarab turiladi. Ish vaqtida elektr yuritgichni bir joydan ikkinchi joyga ko‘chirish uchun uni to‘xtatish lozim bo‘ladi. Ish tugaѐtganida parmaning surilishi kamaytiriladi. Parmalagichni tarmoqdan uzmasdan, parma teshikdan chiqariladi, so‘ngra tepki qo‘yib yuborilib, yuritgich to‘xtatiladi. Parmalagich elektr (ѐki havo) tarmog‘idan uziladi.
O‘rtacha tipdagi parmalagichda 15 mm.gacha teshik parmalash.	2.O‘rtacha tipdagi berk dastali parmalagich dastasidan o‘ng qo‘l bilan, korpusidan chap qo‘l bilan ushlanadi, parma uchi kern o‘yig‘iga o‘rnatilgach, tepkiga o‘ng qo‘lning bosh barmog‘i bilan bosilib, yuritgich ishga tushiriladi. Teshikni parmalashda navbatma-navbat ishlash va dam olishga hamda sovitish uchun parmalagichni to‘xtatishga to‘g‘ri keladi. Parmalagichga ikki qo‘l bilan bosiladi, parmaning zagotovkadan chiqish chog‘ida mashinaga yengilroq bosiladi.