1. Rejalash asboblaridan foydalanish

Teshiklarni egovlab kengaytirish

To‘g‘ri chiziqlardan hosil bo‘lgan teshikni egovlab kengaytirish.

1.To‘g‘ri chiziqlardan teshik hosil qilish uchun chizmaga asosan to‘g‘ri chiziqli teshiklar shakli rejalanadi. Teshik to‘g‘ri chiziqning reja chiziqlariga tekkizmasdan parmalanadi. Teshikda keyingi ishlov berish uchun qo‘yim qoldirilib, hosil bo‘lgan teshiklar to‘g‘ri yo‘lli egov bilan egovlanadi. 1, 2, 3, 4-tomonlar reja chiziqlarigacha 0,3-0,5 mm yetkazmasdan egovlab kengaytiriladi. Teshik har tomonidan egov uchi bilan shunday egovlab kengaytiriladiki, uning ichiga butun egov kiradigan bo‘ladi. Teshik keyingi ishlovga har tomonidan 0,2-0,3 mm qo‘yim qoldirilib, xomaki egovlab kengaytiriladi. O‘lchamlar shtangensirkul bilan, burchaklar esa virabotkalar bilan tekshirilib, teshikning hamma tomoni tozalab egovlanadi. Juda aniq egovlab kengaytirishda teshik ichqo‘yma ѐrdamida ѐrug‘lik tirqishiga qarab tekshiriladi. Teshik burchaklari mayin egov bilan egovlanadi. Yoqlariga bo‘ylama chiziq tushiriladi. Qirralarida rax olinadi.

To‘g‘ri va egri chiziqlardan hosil bo‘lgan teshikni egovlab kengaytirish.

2.To‘g‘ri va egri chiziqlardan hosil bo‘lgan teshiklarni egovlab kengaytirish uchun uzil-kesil ishlov berishga 0,5 mm qo‘yim qoldirilib, teshik og‘zining ѐn tekisliklari yassi egov bilan va egri chiziqli yuzasi yarim doiraviy shakldagi egov bilan egovlanadi. Teshik konturini reja bo‘yicha xomaki egovlash yassi qismidan boshlanib, dumaloqlash bilan tugatiladi. Shu ketma-ketlikka amal qilib va teshik o‘lchamlari hamda shaklini tekshirish uchun shtangensirkul, andozaichqo‘yma va virabotkalarni qo‘llab, teshik tozalab egovlanadi. Teshik qirralari to‘mtoqlashtiriladi.