1. Quyosh radiatsiyasi Quyosh nurlanish (elektromagnit nurlanish) energiyasiga quyosh radiatsiyasi

Qaytgan radiasiya yig‘indi radiasiyaning tushama sirtdan qaytgan qismini tavsiflaydi. Radiasiyaning qaytgan qismini barcha o‘tgan yig‘indi radiasiyaga nisbatan tushama sirtning qaytarish qobiliyati yoki albedosi deb ataladi.
Albedo ma’lum bo‘lganda qaytgan radiasiya quyidagi formula bilan hisoblanadi:
R = Q A . (3.12)
Albedoning o‘zi esa quyidagi munosabatdan aniqlanadi
A = R / Q . (3.13)
Albedo odatda foizlarda ifodalanadi. Qaytgan radiasiya va albedo quyosh nurlarining tushish burchagiga bog‘liq, shuning uchun to‘g‘ri radiasiya mavjud bo‘lganda bu kattaliklar yaxshi namoyon bo‘ladigan kunlik o‘zgarishga ega. Sirtning albedosi uning rangiga, g‘adir-budurligiga, namligiga va bulutligiga bog‘liq.
Yig‘indi radiasiya asosiy radiasiyali tavsif bo‘lib hisoblanadi. U haqida ma’lumotlar iste’molchilarda eng ko‘p ishlatiladi. Yig‘indi radiasiya oqimi deb to‘g‘ri, sochilgan hamda qaytgan radiasiya oqimlarining
yig‘indisiga aytiladi:
Q_г = S_г + D_г + R_г ; Q_ = S_ + D_ + R_ . (3.14)
Qiya sirtlar uchun
Q_n = S_n + D_г cos² + R_г sin² . (3.15)
Yig‘indi radiasiya radiasiya tarqibidagi to‘g‘ri va sochilgan radiasiyalar orasidagi munosabat Quyoshning balandligiga, atmosferaning bulutligiga va ifloslanganligiga bog‘liq. Osmon bulutsiz paytlarda Quyosh balandligining ortishi bilan sochilgan radiyasiya ulushi kamayadi. Atmosfera qanchalik tiniq bo‘lsa, sochilgan radiasiya ulushi shunchalik kam bo‘ladi. Osmon yoppasiga bulut bilan qoplanganda yig‘indi radiasiya butunlay sochilgan radiasiyadan iborat. Bulutlik mavjud bo‘lgan yig‘indi radiasiya miqdorining tushishi katta oraliqda o‘zgarib turadi.