|
II. Agrosanoat majmuidagi ilmiy muassasalarning ilmiy va innovatsion faoliyatini yanada rivojlantirish
Yer va suv resurslaridan samarali foydalanish, qishloq xo‘jaligi ekinlari hosildorligini oshirish, yangi navlarni yaratish, seleksiya, urug‘chilik va ko‘chatchilikni rivojlantirish, ilm-fan yutuqlarini ishlab chiqarishga joriy etish, respublika hududlarini muayyan qishloq xo‘jaligi ekinlari va oziq-ovqat mahsulotlari yetishtirishga ixtisoslashtirish kabi konseptual yo‘nalishlarga asoslangan ilm-fanni rivojlantirish dolzarb vazifa hisoblanadi. Bunda:
Qishloq xo‘jaligi sohasida ta’lim, ilm-fan va ishlab chiqarishning uzviy integratsiyasini ta’minlash bo‘yicha Muvofiqlashtiruvchi kengash faoliyatini yo‘lga qo‘yish orqali qishloq xo‘jaligi sohasi hamda uning tarmoqlari bo‘yicha ilmiy izlanishlar olib borayotgan va kadrlar tayyorlayotgan barcha turdagi davlat ilmiy-tadqiqot va oliy ta’lim muassasalarining o‘zaro hamkorligini ta’minlash;
qishloq xo‘jaligi sohasida ilmiy tadqiqot natijalarini tijoratlashtirish, ilm-fan yutuqlarini ishlab chiqarishga joriy etish, ishlab chiqarish muammolariga ilm-fan orqali yechim topish maqsadida sohadagi ilmiy-tadqiqot muassasalari va klaster, kooperatsiyalar, fermer hamda dehqon xo‘jaliklarining uzviy hamkorligini yo‘lga qo‘yish;
Qishloq xo‘jaligi va unga xizmat ko‘rsatuvchi subyektlar, jumladan agrosanoat klasterlari, kooperatsiyalar, fermer va dehqon xo‘jaliklarining takliflari asosida Qishloq xo‘jaligining ustuvor yo‘nalishlari, global, mintaqaviy va hududiy muammolarning ilmiy yechimlarini tadqiq qilish bo‘yicha besh yilga mo‘ljallangan dasturni ishlab chiqish.
Milliy dastur asosida fundamental va amaliy tadqiqotlar, innovatsion va startap loyihalarni amalga oshirish tizimini moliyalashtirish, ilmiy tadqiqot natijalarini ishlab chiqarishga joriy etish va bevosita buyurtmalarga ko‘ra tijoratlashtirish ko‘lamini kengaytirish, Milliy markaz mutaxassislari hamda maslahatchilari malakasini oshirishning istiqbolli maqsadlari quyidagilardan iborat:
suv tanqisligi mavjud bo‘lgan hududlarda yer va suv resurslarini barqaror boshqarish bo‘yicha xalqaro sammit o‘tkazish, hukumatlararo bitim tuzish hamda xalqaro ilmiy hamkorlik bo‘yicha takliflar ishlab chiqish;
ta’lim va ilmiy faoliyat yo‘nalishidan kelib chiqqan holda tizimdagi oliy ta’lim muassasalari kafedralari va ilmiy-tadqiqot tashkilotlari rahbarlarining o‘zaro funksional vazifalarini bajarishdagi o‘rindoshlik faoliyati doirasidagi integratsion tizimni amalga oshirish mexanizmi bo‘yicha nizom ishlab chiqish va tasdiqlash;
qishloq xo‘jaligi ekinlarining dastlabki urug‘chiligini tashkil etish, yo‘qolib ketish xavfi ostida bo‘lgan navlarning urug‘chiligini qayta tiklash, yetishtirilgan original urug‘larni “Urug‘chilikni rivojlantirish markaziga” manfaatli shartnomalar orqali yetkazib berish tizimini yo‘lga qo‘yish;
qishloq xo‘jaligi mahsulotlari ishlab chiqaruvchilarining ilmiy ishlanmalarga bo‘lgan talabini inobatga olgan holda zamon talablariga javob beradigan, tijoratlashtirish darajasi yuqori bo‘lgan ilmiy tadqiqot natijalarini bevosita buyurtmalar asosida ishlab chiqish hamda amaliyotga tatbiq etish ishlari ko‘lamini kengaytirish;
resurs tejaydigan innovatsion texnika va texnologiyalar bo‘yicha ilg‘or xorijiy va mahalliy tajribalarga oid ma’lumotlar bazasini yaratish, qishloq xo‘jaligi subyektlari uchun qulay raqamli axborot almashinuvi tizimini shakllantirish;
ilmiy-tadqiqot tashkilotlari tomonidan yaratilgan intellektual mulkni xalqaro miqyosda himoya qilish va moliyaviy rag‘batlantirishning huquqiy asoslarini takomillashtirish;
ilmiy-tadqiqot tashkilotlarida zamonaviy ilmiy-tadqiqot yo‘nalishlarini, laboratoriya va tajriba uchastkalarini tashkil qilish, shuningdek, ilmiy tadqiqotlarning sifati va natijadorligini oshirish maqsadida noyob ilmiy obyektlardan samarali foydalanish;
qishloq xo‘jaligi ekinlarining hosildor, issiqqa va suvsizlikka chidamli, yaxshi ta’m, yuqori darajadagi tovar xususiyatlariga ega nav va duragaylarini yaratish maqsadida jahon kolleksiyalaridan seleksiya navlari va duragaylarni introduksiya qilish;
agrosanoat sohasini va qishloq hududlarini rivojlantirishning ustuvor yo‘nalishlari bo‘yicha faoliyat yuritadigan, xalqaro darajada e’tirof etiladigan ilmiy maktablarni yaratish;
qishloq xo‘jaligi sohasi bilan bog‘liq ilmiy tashkilotlar faoliyatini qamrab oluvchi yagona ilmiy tadqiqot tizimini shakllantirish;
qishloq xo‘jaligi sohasi rivojlangan xorijiy davlatlarning ilmiy kutubxonalari bilan shartnoma asosida ilmiy nashrlar fondini boyitish;
ilmiy tadqiqotchilar, oliy ta’lim muassasalari professor-o‘qituvchilari va talabalarining elektron ilmiy adabiyotlar kataloglaridan hamda jahon ta’lim resurslaridan foydalanish imkoniyatlarini kengaytirish;
jahon standartlari asosida sohaga doir noyob tarixiy kitoblar, ensiklopediyalar, monografiya va boshqa ilmiy nashrlarning elektron kataloglar bazasini bosqichma-bosqich shakllantirish.
Do'stlaringiz bilan baham: |
