1. psixologik trening haqida tushunchA. Uning maqsad va vazifalari. Trening xaqida tushuncha. Psixologik treningning maqsadi va vazifalari

Tanani yangi xatti – harakatlarga o‘rgatish uchun treninglar.

Ilmiylashtirish. Hayotda shunaqa odamlarni uchratish mumkinki, ularning odamlar orasida, hatto yaqinlari orasida ham kulishi qiyin. Bunday odamlar gapirayotganida ham yuzida juda kam mimikalarni kuzatish mumkin. Ularning atrofdagilar, ayniqsa ko‘pchilik oldida erkin harakat qilishga tortinayotganligini, hatto gapirishga ham botinmayotganligini sezish qiyin emas. Aytish mumkinki, bunday odamlar harakat qilishga ham qo‘rqadi, negaki ularda “Nojo‘ya harakat qilib, kulguga qolmay yoki ularda o‘zim haqimda salbiy fikr uyg‘otib qo‘ymay", degan o‘ziga nisbatan past baho berish ustunligi mavjud. Ular odamlar orasida o‘zini haddan tashqari qandaydir ramka ichida sezadi. Bunday muammoning asl sababi — ularning ichki dunyosida qandaydir muammo mavjud. M: baxtlilar ichida baxtsizligini (otasi, onasi, eri, farzandi yo‘qligini) o‘zi bilgani holda, bu holatini atrofdagilarnga bildirmaslikka harakat qilish. O‘zining muammosini boshqalardan yashirib yurishi – bunday treningga keluvchilarning asosiy muammosidir. Chunki yuqorida sanab o‘tilgan holat bilan bog‘liq muammolar shaxsning tana harakatlarida namoyon bo‘ladi. Va uning tanasi bilan ishlash natijasida ana shu muammoni gapirtirish va uning yechimini ko‘rsatish lozim.