1. O’zbekiston Respublikasi tashqi siyosatining asosiy tamoyillari

1. O’zbekiston Respublikasi tashqi siyosatining asosiy tamoyillari. 
Mustaqillik davrida O‟zbekiston jahon arenasida xalqaro munosabatlarning o‟z ovoziga 
ega bo‟lgan teng huquqli subyekti sifatida namoyon bo‟la boshladi. asrning so‟nggi o‟n yilligida 
dunyoda tub o‟zgarishlar yuz berdi. Turli qarama-qarshiliklar avj olib, xalqaro vaziyat alg‟ov-
dalg‟ov holatiga kelib qoldi. Tabiiyki, O‟zbekistonning boy tabiiy zahiralari, muhim geografik 
joylashuvi, buyuk merosi, bag‟rikeng, tanti hamda zahmatkash xalqi, mamlakatning boshqa 
qator o‟ziga xos jihatlari ham jahon hamjamiyatida katta qiziqish uyg‟otar, ayrim g‟arazli 
kuchlarning "ishtahasini" qo‟zg‟otar edi. Mamlakatimiz tevarak atrofida unga go‟yoki "beg‟araz 
yordam" qo‟lini cho‟zayotgan, nima qilsa "to‟g‟riyu", nima qilsa "noto‟g‟ri" bo‟lishini chetdan 
turib "o‟rgatishga, "yo‟riqnomalar berib turishga harakat qilayotgan davlatlar yo‟q emasdi. 
Bu davrda qo‟shni mamlakatlardagi ijtimoiy-iqtisodiy tanglik, siyosiy boshboshdoqlik, 
ayniqsa, ayrim davlat boshqaruv organlarining "falajlik" holatiga tushib qolishi O‟zbekistonning 
tinchligiga rahna soluvchi ichki va tashqi kuchlarga qulay sharoit yaratdi. Bularning hammasini 
tahlil qilgan xorijiy sharhlovchilar Bolqon yarim orolida yuz berayotgan fojialarning Markaziy 
Osiyoda takrorlanishi yoki Afg‟oniston mojarosi mintaqani o‟z domiga tortib olishini "bashorat 
qilardi. Bu hududning "bolqonlashuvi" yoki "afg‟onlashuvi haqida turli siyosiy sharhlar 
tayyorlab qo‟yilgan edi. 
Mustaqillikning ilk yillarida va undan keyin ham O‟zbekiston juda katga sinovlarga duch 
keldi, mamlakat atrofida turli murakkab vaziyatlar, qurolli mojarolar, fojiaviy voqealar 
to‟xtovsiz yuz berib turgan bir paytda davlat va jamiyatni taraqqiyotga yetaklash, xalqning 
tinchligi va barqarorligini ta„minlash mamlakat rahbaridan o‟ta donolik, mislsiz shijoat va metin 
irodani talab etardi. Prezident Islom Karimov O‟zbekiston aholisini ana shunday sinovlardan, 
bo‟hron va larzalardan eson-omon olib chiqish sharafiga muyassar bo‟ldi. 
Jahon tajribasi shuni ko‟rsatadiki, biron mustaqil davlatning jahon siyosat maydonidagi 
o‟rnini birov chetdan kelib, tayyorlab bermaydi. Davlat bu yo‟lda xorijiy hamkorlar tomonidan 
ko‟rsatiladigan do‟stona munosabat, qo‟llab-quvvatlash bilan birga, jiddiy muammolarga, 
kutilmagan vaziyatlar, shuningdek, ba„zi xalqaro kuchlar tomonidan bildirilayotgan 
ishonchsizlik, ochiqdan-ochiq tazyiq o‟tkazishga urinish holatlariga doimo tayyor turishi kerak. 
Bu fikrimizga mustaqil O‟zbekiston tarixi misol bo‟la oladi. 
Har bir davlat va uning rahbari, avvalo, o‟z xalqi kuchiga ishonib, beminnat tashqi 
hamkorlikka tayangan holda, Vatan ravnaqi, yurt tinchligi, xalq farovonligini ta„minlashga, 
mamlakatni turli qaltis vaziyatlardan talofatsiz olib chiqishga erishmog‟i darkor. Hozirgi kunda 
Yer yuzida 3,5 mingdan ortiq millat va elatlar yashab turib, ulardan faqat 200 ga yaqinigina o‟z 
davlagchiligiga ega ekanligi bunday vazifa naqadar murakkab va uni amalga oshirish qat„iyatli, 
eng sobitqadam xalq uchungina munosib bo‟lishini tasavvur qilish qiyin emas. 
O‟zbekiston Respublikasining Konstitusiyasiga davlat tashqi siyosatining bosh 
tamoyillarini o‟zida aniq va ochiq-oydin ifoda etgan alohida bob kiritildi. Qomusning "Tashqi 
siyosat" deb nomlangan 4-bobi "Uning tashqi siyosati davlatlarning suveren tengligi, kuch 
ishlatmaslik yoki kuch bilan tahdid qilmaslik, chegaralarning daxlsizlgi, nizolarni tinch yo‟l 
bilan hal etish, boshqa davlatlarning ichki ishlariga aralashmaslik qoidalariga va xalqaro 
huquqning umume„tirof etilgan boshqa qoidalari va normalariga asoslanadi", deya bayon etildi. 
17-moddada "Respublika davlatning, xalqning oliy manfaatlari, farovonligi va xavfsizligini 
ta„minlash maqsadida ittifoqlar tuzishi, hamdo‟stliklarga va boshqa davlatlararo tuzilmalarga 
kirishi va ulardan ajralib chiqishi mumkin", degan qoida muhrlab qo‟yildi.
Milliy manfaatlarni sobitqadamlik bilan ilgari surish, davlat mustaqilligi va suverenitetini 
mustahkamlash, Markaziy Osiyoda geosiyosiy muvozanatni saqlash; siyosiy, iqtisodiy, savdo-
sotiq, transport va boshqa sohalardagi xalqaro aloqalarni keng diversifikatsiya qilish O‟zbekiston 
tashqi siyosatining ustuvor yo‟nalishlari etib belgilandi.
Tashqi aloqalarning qonuniy asosini yaratish jarayoni bilan bir paytda xorijiy mamlakatlar 
bilan diplomatik munosabatlar o‟rnatish va izchil rivojlantirib borish mexanizmlarini zudlik 
bilan shakllantirishga kirishildi. Shu tariqa O‟zbekiston Respublikasining Tashqi ishlar vazirligi, 

---

chet ellardagi elchixonalari va konsullik xizmatlari tashkil etildi. Davlat uchun yangi bo‟lgan 
xalqaro munosabatlar sohasini milliy kadrlar bilan muntazam ta„minlab borish maqsadida 1992 
yil 23 sentabrda mamlakat tarixida va Markaziy Osiyoda birinchi bo‟lib, Toshkentda Jahon 
iqtisodiyoti va diplomatiya universiteti ochildi.
1991-2001 yillarda O‟zbekistonni dunyoning 165 ta davlati tan oldi, 120 dan ortiq 
davlatlar bilan diplomatik munosabatlar o‟rnatildi. Mamlakatimiz 100 dan ziyod xalqaro 
tashkilotlarning to‟laqonli a„zosi bo‟ldi. O‟zbekiston dunyoning 46 davlatida o‟zining diplomatik 
va konsullik vakolatxonalarini ochdi. Mamlakatimiz poytaxti Toshkentda 44 xorijiy 
davlatlarning elchixonalari, 9 konsullik vakillari, 15 xalqaro tashkilotlarning vakolatxonalari 
faoliyat ko‟rsata boshladi.
O‟zbekiston nafaqat siyosiy va iqtisodiy jihatdan barqaror mamlakat, xalqaro maydonda 
ishonchli hamkor sifatida, balki global va mintaqaviy xavfsizlikni, xalqaro barqarorlikni 
ta„minlashga bevosita daxldor davlat sifatida ham jahon hamjamiyatidan munosib o‟rin egalladi. 
Bu borada O‟zbekiston xalqaro "xavfsizlikning bo‟linmasligi tamoyiliga" amal qildi (Karimov
I.A. O‟zbekiston XXI asr bo‟sag‟asida: xavfsizlikka tahdid, barqarorlik shartlari va
taraqqiyot kafolatlari. -T.: O‟zbekiston, 1997. B. 167,325), globallashuv davrida har qaysi 
davlatning taraqqiyoti va ravnaqi nafaqat yaqin va uzoq qo‟shnilar, balki jahon miqyosida 
boshqa mintaqa va hududlar bilan chambarchas bog‟liq ekanligi, biron mamlakatning bu 
jarayondan chetda turishi ijobiy natijalarga olib kelmasligini yaxshi anglagan holda ish tutdi 
(Karimov I.A. Yuksak ma‟naviyat – yengilmas kuch. -T.: Ma‟naviyat, 2008. B.111.).
O‟zbekiston bir davlat bilan yaqinlashish hisobiga boshqasidan uzoqlashmaslik tamoyiliga 
amal qildi. O‟zi ilgari surgan ilk xalqaro tashabbuslardayoq O‟zbekiston Markaziy Osiyoda 
xavfsizlikni ta„minlashga va shu orqali global barqarorlikni mustahkamlashga hissa qo‟shish 
yo‟lidan borishi aniq namoyon bo‟ldi. Xususan, O‟zbekistonning birinchi Prezidenti Islom 
Karimovning mintaqaviy xavfsizlik tizimini yaratish va shu orqali jahonda tinchlik va 
barqarorlikni ta„minlashga qaratilgan muhim tashabbuslari qatorida BMT Bosh 
assambleyasining minbaridan turib, (1993 yil 28 sentabr) Markaziy Osiyoda yadro qurolidan xoli 
zona tuzish g‟oyasini aytib o‟tish o‟rinlidir. Ushbu tashabbusni amalga oshirish bo‟yicha olib 
borilgan xalqaro muzokaralar, tinimsiz say-harakatlar natijasida 2009 yili 21 martda mintaqadagi 
beshta davlat tomonidan imzolangan "Markaziy Osiyoda yadro qurolidan xoli hudud tuzish 
to‟g‟risidagi shartnoma kuchga kirdi. Bu xalqaro hujjatga binoan, mintaqa davlatlari yadroviy 
qurol ishlab chiqarmaslik va uni o‟z hududida joylashtirmaslik majburiyatini zimmalariga 
oldilar. Mazkur shartnomaning o‟ziga xos jihatlaridan biri shundaki, u Markaziy Osiyodagi 
beshta davlatni bir-biriga bog‟lab turuvchi xavfsizlik sohasidagi eng birinchi va shu kungacha 
yagona fundamental shartnomadir.
Mintaqada barqarorlik va tinchlikni saqlashga yo‟naltirilgan eng muhim tashabbuslardan biri 
sifatida Islom Karimovning qo‟shni Afg‟onistondagi qurolli mojaroga chek qo‟yish, mintaqa 
xavfsizligi va barqarorligiga xavf solayotgan terrorizm va aqidaparastlik, noqonuniy qurol va 
giyohvand moddalar savdosiga qarshi birgalikda kurashish bilan bog‟liq ham siyosiy, ham iqtisodiy, 
ham ijtimoiy masalalarni qamrab olgan qator amaliy takliflar majmuasini aytib o‟tish mumkin 
(Karimov I.A. Bunyodkorlik yo‟lidan. 4-j. -T.: O‟zbekiston. 1996. B. 30-38.).
Jumladan, 1997 yili Prezident Islom Karimov Afg‟oniston bilan qo‟shni olti mamlakat, 
shuningdek, AQSH va Rossiya davlatlari ishtrokida BMT shafeligi ostida afg‟on muammosini
muzokaralar yo‟li bilan yechishga qaratilgan "6+2" muloqot guruhini tuzish tashabbusi bilan 
chiqdi. Ushbu tashabbusni amalga oshirish maqsadida qator siyosiy-diplomatik chora-tadbirlar 
ko‟rildi. Toshkent, Nyu-York va Afg‟oniston hududida mazkur mamlakatda davom etayotgan 
qurolli to‟qnashuvlarning ishtirokchilari bilan maxsus muzokaralar olib borildi va 1999 yilga 
kelib, O‟zbekistonda BMT shafeligida "6+2" muloqot guruhining Afg‟oniston muammosi 
yechimiga bag‟ishlangan xalqaro anjumanini o‟tkazishga erishildi. Toshkent shahrida bo‟lib 
o‟tgan ushbu tadbirda birinchi bor Afg‟onistonda o‟zaro nifoqlashayotgan kuchlar vakillarini 
umumiy muzokaralar davrasida jamlashga muvaffaq bo‟lindi. Bu o‟zbek diplomatiyasining 
tarixiy yutuqlaridan biri edi.

---

Shuni alohida ta„kidlash joizki, mazkur yig‟ilishda qabul qilingan "Afg‟onistondagi 
ziddiyatni tinch yo‟l bilan hal etilishining asosiy tamoyillari" to‟g‟risidagi Toshkent 
deklaratsiyasi BMTning muhim hujjati sifatida e„tirof etilgan.
Mustaqillikning ilk davridanoq davlatimiz rahbariyati Afg‟onistonda yig‟ilib qolgan 
muammolarga o‟z vaqtida e„tibor qaratilmasa, tegishli xalqaro chora-tadbirlar amalga 
oshirilmasa, mazkur mamlakatda yuz berayotgan qonli voqealar avj olishi, oxir-oqibatda, nafaqat 
qo‟shni davlatlarga, balki, xalqaro barqarorlikni ta„minlashga ham salbiy ta„sir ko‟rsatishi haqida 
ogohlantirib keldi. Jahon hamjamiyatini afg‟on muammosini hal etishga chorlovchi chaqiriqlar 
BMT Bosh assambleyasi majlisi minbaridan turib aytilgan paytlarda, "bu muammo O‟zbekiston 
uchun juda dolzarbdir, lekin biz uchun juda yiroqda" degan fikrda befarq o‟tirgan siyosatdonlar 
qattiq yanglishdilar. Terrorchi kuchlar tomonidan 2001 yil 11 sentabrda aynan BMT qarorgohi 
joylashgan Nyu-York shahrini larzaga solgan dahshatli terroristik tajovuz natijasida minglab 
kishilarning qurbon bo‟lishigina ularni uyg‟ota oldi.
Ushbu voqeadan keyin Afg‟onistonda harbiy operatsiyalarni boshqarayotgan NATOning 
2008 yil 2 aprelda Buxarestda o‟tkazilgan yalpi yig‟ilishida Prezident I.A.Karimov "afg‟on 
muammosi"ni faqat harbiy kuch ishlatish yo‟li bilan bartaraf etib bo‟lmasligi, bu zaminda 
tinchlik va xotirjamlikka asosan muloqot yo‟li bilan erishish mumkinligini ta„kidladi. O‟z 
paytida ijobiy natija bergan "6+2" muloqot guruhini "6+3" shaklida, yani mavjud voqelikni 
inobatga olib, ushbu guruh tarkibiga Afg‟onistondagi vaziyatga bevosiga aloqador bo‟lgan 
NATOni qo‟shgan holda qaytadan ishga tushirish tashabbusini ilgari surdi.
Eng muhimi, O‟zbekiston o‟zining taklif va g‟oyalarini amaliy ishlar bilan mustahkamlab 
bordi. Chunonchi, mamlakatimiz Afg‟onistonda yo‟llar, temir yo‟llar, ko‟priklar qurilishida faol 
ishtirok etdi. Afg‟oniston tarixida eng birinchi zamonaviy temir yo‟l aynan O‟zbekiston 
tomonidan "Termiz-Hayraton-Mozori-Sharif" yo‟nalishida qurib bitkazildi va 2010 yili ishga 
tushirildi. Qo‟shni mamlakat poytaxti Qobul shahrini uzluksiz elektr energiyasi bilan ta„minlay 
boshlagan mamlakat ham aynan O‟zbekiston bo‟ldi. Hozirgi kunda ham O‟zbekiston mazkur 
qo‟shni mamlakat iqtisodiy infrastrukturasini rivojlantirishga katta hissa qo‟shib kelmoqda. Ikki 
tomonlama munosabatlarda o‟zaro foydali savdo-sotiq aloqalarini ravnaq toptirish, siyosat 
borasida ichki ishlarga aralashmaslik, yaxshi qo‟shnichilik an„analariga sodiq qolish yo‟lidan 
bormoqda.
2018 yilning mart oyida Afg‟oniston bo‟yicha o‟tkazilgan yuqori darajadagi Toshkent 
konferensiyasi zamonaviy Afg‟oniston tarixida xalqaro miqyosdagi eng qamrovli anjuman 
bo‟lganini ta„kidlash lozim.
Konferensiya yakuni bo‟yicha qabul qilingan, uning barcha qatnashchilarining yakdil 
pozitsiyasi ifoda etilgan Toshkent deklaratsiyasi Afg‟onistonda tinchlik o‟rnatish bo‟yicha o‟ziga 
xos Dastur bo‟ldi.
Ma„lumki, Afg‟onistondagi vaziyatni barqaror etishning muhim sharti – mamlakatni 
iqtisodiy jihatdan tiklashdan iborat.
Bu borada biz Afg‟onistonda transport va logistika, energetika, savdo va ta„lim sohalarida 
yirik qo‟shma loyihalarni amalga oshirishga kirishdik.
O‟zbekiston tomonidan qurilayotgan Surxon – Puli Xumri elektr uzatish liniyasi, Termiz 
shahrida afg‟on fuqarolarini o‟qitish uchun ochilgan Ta„lim markazi, bojxona terminaliga ham 
ega bo‟lgan Termiz-kargo logistika markazi, Mozori Sharif-Hirot va Mozori Sharif-Kobul-
Peshavor temir yo‟l liniyasi loyihalari ishlab chiqilayotgani shundan dalolat beradi.
O‟zbekiston rahbariyatining butun Markaziy Osiyo taqdirini hal qila oladigan darajada o‟ta 
keskin, o‟ta tahlikali vaziyatlarda ham vazminlik bilan eng maqbul qarorlar qabul qilishga 
qodirligini amalda tasdiqlagan yana bir mashaqqatli sinov 2010 yili 10 iyun kuni Qirg‟iziston 
janubida yuz bergan xunrezlik va fojiali voqealar bo‟ldi.
O‟sha yilning 11-14 iyun kunlari qo‟shni Qirg‟izistonning O‟sh va Jalolobod viloyatlarida 
o‟zbek millatiga mansub fuqarolarga qarshi xunrezliklar mintaqamizda misli ko‟rilmagan 
gumanitar halokat yuz berishiga olib keldi. Qirg‟izistonning qariyb yarim million aholisi 
halokatli qirg‟inbarotdan qutulish ilinjida o‟z uy-joylarini tashlab, boshqa hududlarga qochib 

---

o‟tishga majbur bo‟ldi. Yuz mingdan ko‟proq o‟zbek millatiga mansub kishilar najot izlab 
O‟zbekiston chegarasida to‟plandi. Ularni qutqarish uchun chegarani ochishga va Andijon 
viloyatida qochqinlar uchun zaruriy shart-sharoitlarni zudlik bilan yaratishga to‟g‟ri keldi.
Chegara hududi va O‟zbekistonning ichkarisida, ayniqsa, qirg‟iz va o‟zbek millatiga 
mansub aholi yonma-yon istiqomat qiladigan joylarda osoyishtalikni saqlash, mamlakatimizda 
kutilmaganda paydo bo‟lgan yuz mingdan ortiq qochqinlar, bolalar, xotin-qizlar, qariyalarni 
vaqtinchalik yashash joylari, oziq-ovqat, kiyim-kechak, tibbiy yordam va boshqa zaruriy narsalar 
bilan ta„minlash maqsadida katta kuch, mehnat va resurslar safarbar etildi.
O‟zbekistonning birinchi Prezidenti Islom Karimov BMT Bosh kotibi Pan Gi Mun bilan 
telefon orqali muloqotida mazkur tashkilotni Qirg‟iziston janubida sodir etilayotgan 
xunrezliklarni to‟xtatish, vaziyatni o‟nglash, jabrdiydalarga zudlik bilan yordam ko‟rsatishga 
da„vat etdi. Shu bilan birga, tomonlar o‟rtasida yuzaga kelgan murakkab vaziyatdan tinch yo‟l 
bilan chiqish yo‟llari, avvalo, Qirg‟izistondagi vaziyatni barqarorlashtirish yuzasidan fikr 
almashildi.
O‟zbekiston rahbariyati xunrezlik va zo‟ravonliklarni jazosiz qoldirmaslikka, bu musibat 
bo‟yicha mustaqil xalqaro tekshiruv o‟tkazish, ushbu qonli vahshiyliklarning barcha 
buyurtmachilari, tashkilotchilari va ijrochilarini jinoiy javobgarlikka tortishda BMT 
boshchiligida xalqaro hamjamiyat amaliy ishlarni bajarishi lozimligini ta„kidladi. O‟zbekiston 
rahbariyati qabih niyatda tashkil etilgan ushbu voqealarning yanada rivojlanishiga, shafqatsiz 
zo‟ravonlikning avj olib, millatlararo nizodan davlatlararo mojaroga aylanishiga yo‟l qo‟ymaslik, 
tomonlar orasida o‟zaro qahru-g‟azabni jilovlash, ekstremizmning shiddatli tus olishining oldini 
olishda tezkor va keng qamrovli choralar ko‟rdi. "Faqat aql-idrok, oddiy haqiqatni, ya„ni ushbu 
zaminda ko‟p asrlar davomida o‟zbeklar va qirg‟izlar yonma-yon yashab kelgani va bundan 
buyon ham ularning farzandlari hamda avlodlari ko‟p asrlar mobaynida birga yashashini teran 
anglash bizga va xalqimizga mazkur fojianing Markaziy Osiyoda qarama-qarshiliklarning yangi, 
keng ko‟lamli o‟chog‟iga aylanib ketishining oldini olishda muhim omil bo‟ldi", deb ta„kidlagan 
edi Prezident Islom Karimov.
O‟zbekiston rahbari aytib o‟tganidek, o‟sha kunlari qirg‟izlarning o‟zi ham, Qirg‟iziston 
janubida yashayotgan ko‟p sonli o‟zbeklar ham uchinchi kuchlar tomonidan puxta o‟ylangan va 
uyushtirilgan aksiyaning qurboniga aylandi, deyish uchun bugun barcha asoslar bor. Qabih 
niyatda amalga oshirilgan bu to‟qnashuvdan maqsad mamlakatda nafaqat tartibsizlik va 
parokandalikni yuzaga keltirish, balki O‟zbekistonni ushbu vahshiyona xunrezlikka tortish, 
pirovard natijada, millatlararo qarama-qarshilikni ikki qo‟shni mamlakat Qirg‟iziston hamda 
O‟zbekiston o‟rtasidagi davlatlararo qarama-qarshilikka aylantirishdan iborat edi (Karimov I.A.
Demokratik islohotlarni yanada chuqurlashtirish va fuqarolik jamiyatini shakllantirish – 
mamlakatimiz taraqqiyotining asosiy mezonidir. 19-j. -T.: O‟zbekiston. 2011. B. 13-14.).
O‟zbekiston o‟zining tashqi siyosatida Markaziy Osiyoda tinchlik va xavfsizlikni saqlash, 
ushbu mintaqani barqaror taraqqiyot hududiga aylantirishga yo‟naltirilgan boshqa qator 
tashabbuslarni ham ilgari surib, mintaqaviy masalalardan tortib, Yer shari va insoniyat taqdiriga 
daxldor bo‟lgan ulkan vazifalarni ham jahon hamjamiyati e„tiboriga havola etmoqda. Orolbo‟yi 
hududidagi ekologik fojia oqibatlarini bartaraf etish, mintaqadagi transchegaraviy suv 
zahiralaridan oqilona foydalanish, O‟rta Osiyo Fors ko‟rfazi transport koridorini yaratishga 
qaratilgan taklif va tashabbuslar shular jumlasidan.
Tajriba shuni ko‟rsatadiki, mavjud muammolarni hal etishda asosiy rolni mintaqa 
davlatlarining o‟zlari o‟ynashlari darkor. Bu g‟oya 2012 yil 10 sentabrda qabul qilingan 
O‟zbekiston Respublikasining "Tashqi siyosiy faoliyati konsepsiyasi"da rasman e„lon qilingan 
(O‟zbekiston Respublikasining Tashqi siyosiy faoliyati konsepsiyasi // "Xalq so‟zi" gazetasi, 
2012 yil 7 avgust.).
Ushbu Konsepsiyada Markaziy Osiyo mintaqasiga alohida e„tibor qaratilgan va 
"O‟zbekistonning hayotiy muhim manfaatlari shu mintaqa bilan bog‟liq" ekanligi rasman e„tirof 
etilgan. Unda Markaziy Osiyo o‟zining muhim geosiyosiy joylashuvi va mineral xom ashyo 
resurslarining ulkan zahiralariga ega ekanligi tufayli jahon miqyosida kuchli e„tibor obyektiga, yirik 
davlatlarning strategik manfaatlari to‟qnashadigan hududga aylanib borayotgani ta„kidlangan. Yirik 

---

davlatlar Markaziy Osiyo davlatlarining o‟z rivojlanish modeli va siyosiy yo‟lini belgilashiga ta„sir 
o‟tkazishga urinayotgani, mintaqada o‟z maqsadlarinigina ko‟zlayotgan tashqi kuchlarning o‟zaro 
raqobati kuchayib borayotgani ko‟rsatilgan. Shuningdek, dunyoning yirik davlatlari tomonidan 
mintaqada olib borilayotgan o‟zaro geosiyosiy raqobat inobatga olinib, "Markaziy Osiyo 
muammolari tashqi kuchlarning aralashuvisiz, mintaqadagi davlatlarning o‟zlari tomonidan 
yechilmog‟i zarur", degan fikr bayon etilgan.
Konsepsiyada xavfsizlikka rahna solayotgan an„anaviy va noan„anaviy tahdidlarning 
turlari kengayib borayotgani, mamlakatimiz chegaralari yaqinida keskinlik va tanglik 
o‟choqlarining saqlanib qolayotgani e„tirof etilgan. Shu munosabat bilan ushbu hujjatda bayon 
etiladiki, O‟zbekiston tinchliksevar siyosat yuritadi va harbiy-siyosiy bloklarda ishtirok etmaydi, 
har qanday davlatlararo tuzilmalar harbiy-siyosiy blokka aylangan taqdirda, ulardan chiqish 
huquqini o‟zida saqlab qoladi. Konsepsiyada birinchi bor quyidagi muhim qoidalar muhrlab 
qo‟yildi: "O‟zbekiston o‟zini qo‟shni davlatlardagi qurolli ziddiyatlarga tortilishining oldini olish 
maqsadida tegishli choralarni ko‟radi; o‟z hududida xorijiy davlatlarning harbiy bazalari va 
obyektlari joylashtirilishiga yo‟l qo‟ymaydi; O‟zbekiston Respublikasi Qurolli Kuchlari 
xorijdagi tinchlikparvarlik operatsiyalarida ishtirok etmaydi".
O‟zbekiston xalqaro munosabatlarda tinchliksevarlik yo‟lidan borib, xalqaro va davlatlararo 
muammolarni urush yo‟li bilan hal etishga qat„iyan qarshi chiqadi va jahon hamjamiyati davlatlari 
o‟rtasida harbiy mojarolar chiqishini preventiv diplomatiya vositasida bartaraf qilishda faol ishtirok 
etishni, ziddiyatlarni keskinlashtiradigan sabablarga barham berishga yoki ularni yengishga kuch-
g‟ayrat sarflashni o‟z tashqi siyosatining asosiy vazifasi deb hisoblaydi. Mudofaa doktrinasiga 
binoan, O‟zbekiston jahondagi birorta ham davlatni o‟zining dushmani deb hisoblamaydi, o‟z harbiy 
qo‟shinlarini faqat milliy chegaralar doirasida joylashtirish, ayni vaqtda, o‟z fuqarolarining hayoti va 
qadr-qimmatini himoya qilish vazifasini o‟z zimmasiga oladi, o‟zini o‟zi mudofaa qilishdek muhim 
hayotiy huquqini amalga oshiradi, davlatning harbiy qudrati va mudofaa qobiliyati oqilona zarurat 
darajasida bo‟lishini ta„minlaydi, xorijiy davlatlar bilan harbiy-texnikaviy hamkorlikni izchillik bilan 
rivojlantirib boradi.
Bunday oqilona siyosat butun dunyoda qurolli mojarolar borayotgan bugungi davrda 
umumbashariy tinchlikni saqlash yo‟lida milliy darajada tashlangan muhim qadamlardan biri 
bo‟ldi, desak mubolag‟a bo‟lmaydi. Yana shuni ham ta„kidlash kerakki, hozirgi zamonda dunyo 
hamjamiyatiga izchil integratsiyalashuvni ta„minlashda, eng avvalo, harbiy kuch emas, balki 
oqilona siyosat va diplomatiya, aql-idrok, fikr-mulohaza hamda izchil rivojlanib borayotgan 
iqtisodiy salohiyat xal qiluvchi ahamiyat kasb etmoqda.
Tashqi savdo va iqtisodiy aloqalar. Jahon tarixidan ma‟lumki, globallashuv davrida 
mustaqil taraqqiyot yo‟liga kirgan hech bir mamlakat o‟z qobig‟iga o‟ralgan, xalqaro 
hamjamiyatdan ajralgan holda rivojlana olmaydi. O‟zbekiston ham bundan mustasno emas, 
Prezident Islom Karimov "Iqtisodiyotimizning kelajagi uning jahon xo‟jaligiga qo‟shilishiga 
bog‟liq", deb ta‟kidlagan edi (Karimov I.A. Vatan sajdagoh kabi muqaddasdir. 3-j. -T.: 
O‟zbekiston, 1996. B. 248.). Bunga erishishning muhim shartlaridan biri sobiq mustabid 
tuzumdan qolgan yopiq, ma‟muriy buyruqbozlik asosida ishlaydigan iqtisodiyotni ochiq, bozor 
munosabatlari negizida rivojlana oladigan butunlay yangicha modelga o‟tkazishdan iborat edi. 
Shu bois O‟zbekiston tashqi iqtisodiy aloqalari uchun mustahkam poydevor yaratish, zarur 
siyosiy, huquqiy va tashkiliy mexanizmlarni shakllantirish yo‟lidan bordi. Bu yo‟lda uchragan 
mashaqqatli vaziyatlarni qat‟iyat bilan yengib o‟ta boshladi.
SSSR parchalanganidan keyin ilgari yagona mexanizmni hosil qilgan ishlab chiqarish 
tizimi ham parokandalikka yuz tutdi. Markaz esa MDH doirasidagi qator kelishuvlarga 
qaramasdan, Markaziy Osiyo mamlakatlari iqtisodiyotini "ortiqcha yuk" deb hisoblay boshladi, 
o‟z muammolarini hal qilish bilan band bo‟lib, sherik davlatlardagi dolzarb masalalarga kerakli 
darajada e„tibor qaratmadi.
Bundan tashqari, MDH davlatlari bilan savdo-sotiqda erkin valyuta bilan emas, imkon 
qadar barter yo‟li bilan hisob-kitob qilishga urinish avj oldi. Sobiq Ittifoq davridan qolgan 
markaziy bank tizimi esa, asosan, Rossiya Federatsiyasi manfaatlari doirasida ish yurita 
boshladi. Butun MDH doirasida pulning qadrsizlanishi jarayoni misli ko‟rilmagan 

---

giperinflyatsiya darajasiga ko‟tarildi, Hamdo‟stlik davlatlarining barchasida iqtisodiy beqarorlik 
vujudga keldi.
O‟zbekiston bozor munosabatlariga o‟tishning o‟ziga xos yo‟lini tanlash jarayonida 
rivojlangan mamlakatlarning ko‟p asrlik tajribasiga, shuningdek, o‟zbek xalqining milliy tarixiy 
merosi, turmush tarzi, an„analari va ruhiyatiga tayandi. Prezident Islom Karimov tomonidan 
xalqimizning "Yangi uyni qurmasdan, eskisini buzmang", degan fikriga asoslanib, "Davlat – 
bosh islohotchi" tamoyili asosida iqtisodiy islohotlarning ijtimoiy yo‟naltirilgan bosqichma-
bosqich usuli tanlab olindi. Milliy iqtisodiy tizim asoslari, institut va boshqaruv mexanizmlarini 
yaratishda, milliy valyuta, milliy bank va moliya infratuzilmasini shakllantirishda, tashqi savdo, 
iqtisodiy hamkorlik, chet el sarmoyalarini jalb etish sohalarida o‟ta mas„uliyatli tarixiy qadamlar 
tashlandi.
1992 yil 26 martda O‟zbekiston Respublikasining Tashqi iqtisodiy aloqalar vazirligi tashkil 
etildi. O‟zbekiston Respublikasi "Tashqi iqtisodiy faoliyat to‟g‟risida"gi Qonuni qabul qilinishi 
tashqi iqtisodiy faoliyatni tartibga solishda asosiy tamoyillarni belgilab berdi, bu borada yagona 
davlat siyosatini olib borishda muhim omil bo‟ldi. Bu "avval iqtisod, keyin siyosat" shiori ostida 
ish tutib, xalqaro hamkorlar bilan ularning mafkuraviy qarashlaridan qat„i nazar, teng huquqli va 
o‟zaro manfaatli sherikchilik munosabatlarini o‟rnatishga kirishildi. Bunda umume„tirof etilgan 
xalqaro huquq normalariga rioya qilish, xalqaro tartiblar va standartlarga izchillik bilan o‟tish 
ko‟zda tutildi.
1993-1994 yillar davomida bosqichma-bosqich tarzda o‟ta mas„uliyatli vazifa milliy 
valyutani 
joriy 
etish 
chora-tadbirlari 
amalga oshirildi. O‟zbekiston Respublikasi 
Konstitusiyasining 122-moddasi va "O‟zbekiston Respublikasi Davlat mustaqilligining asoslari 
to‟g‟risida"gi Qonunning 11-moddasi, shuningdek, O‟zbekiston Respublikasi Oliy Majlisining 
1993 yil 3 sentabrdagi qaroriga muvofiq 1994 yil 1 iyuldan boshlab, O‟zbekiston Respublikasi 
hududida qonuniy to‟lov vositasi bo‟lgan milliy valyuta "so‟m" muomalaga kiritildi.
1994 yildan O‟zbekiston Jahon Savdo tashkilotining savdo va tariflar bo‟yicha bosh bitimi 
(GATT)ga qo‟shildi va uning xalqaro savdo-sotiq borasidagi qoidalarini bosqichma-bosqich 
tarzda amalga tadbiq qila boshladi. Shu bilan birga, O‟zbekistonning dunyo hamjamiyatidagi 
o‟rnini mustahkamlash va tobora kengaytirib borish maqsadida tashqi savdo va iqtisodiy 
hamkorlik aloqalarini tartibga soluvchi qonunlar, normativ hujjatlarning dastlabki majmuasi 
yaratildi. O‟zbekiston Respublikasining "Chet el investitsiyalari to‟g‟risida"gi (1998 yil 30 
aprel), "Chet ellik investorlar huquqlarining kafolatlari va ularni himoya qilish choralari 
to‟g‟risida"gi (1998 yil 30 aprel), "Xorijdan mablag‟ jalb qilish to‟g‟risida"gi, "Tashqi iqtisodiy 
faoliyat to‟g‟risida"gi (2000 yil 26 may) va boshqa qator qonunlar shular jumlasidan. Ularda 
yurtimizning xorijiy mamlakatlar bilan faol va keng ko‟lamli hamkorlik o‟rnatishi uchun 
mustahkam huquqiy poydevor yaratib berildi.
Milliy istiqlolning ilk davridanoq chet el investorlari ishtirokida strategik ahamiyatga ega 
bo‟lgan qator ustuvor loyihalarni amalga oshirishga erishildi. Ulardan eng yiriklari qatorida 
AQSH va Yaponiya firmalarining "Kellog-Nisho Ivai" konsorsiumi bilan hamkorlikda 
Ko‟kdumaloq konida zamonaviy kondensant kompressor stansiyasi qurilishi, Fransiyaning 
"Teknip" va Yaponiyaning "Marubeni Djey Djisi" kompaniyalari bilan hamkorlikda Buxoro 
neftni qayta ishlash zavodini qurib bitkazish, Markaziy Osiyodagi eng yirik Farg‟ona neftni 
qayta ishlash zavodini Yaponiyaning "Mitsui" firmasi ko‟magida modernizatsiya qilish, 
AQShning "ABB Lummus Global" firmasi bilan SHo‟rtan gaz-kimyo majmuini qurish va 
boshqa shu kabi yirik loyihalarni sanab o‟tish mumkin.
Xalqaro hamkorlar bilan samarali sherikchilik asosida ishlab chiqarish va eksport borasida 
O‟zbekiston uchun mutlako yangi sohalar yaratildi. Bunga misol tariqasida Prezident Islom 
Karimov tashabbusi bilan Asaka shahrida qurilib, 1996 yilning 19 iyulida ishga tushirilgan 
avtomobil zavodini aytib o‟tish joiz. Bu yirik loyihaning amalga oshirilishi xalqimiz 
bunyodkorlik salohiyatining, mamlakatimiz iqtisodiyoti, xususan, sanoat ishlab chiqarishining 
yorqin timsollaridan biriga aylandi. Avtomobilsozlik sanoati mustaqil O‟zbekiston 
iqtisodiyotining eng yosh, ammo shiddat bilan rivojlanayotgan muhim tarmoqlaridan biriga 

---

aylandi. Yurtimiz dunyoda avtomobil ishlab chiqaruvchi 28 davlat safiga qo‟shildi. 
Avtomobilsozlik, motorsozlik va ularga butlovchi qismlar tayyorlaydigan, neft va gazni ilg‟or 
zamonaviy texnologiyalar yordamida qayta ishlaydigan, zamonaviy uy jihozlari va boshqa qator 
yangidan-yangi mahsulot va tovarlar ishlab chiqaruvchi sohalar rivojlanishi natijasida 
mamlakatimizning dunyo bozorlaridagi o‟rni mustahkamlanib bordi. Mamlakatda 900 turdagi 
yangi sanoat mahsulotlari ishlab chiqarilishi yo‟lga qo‟yildi. Dunyo bozorlari mahsulotlarida 
"O„zbekistonda ishlab chiqarilgan" "Made in Uzbekistan" degan belgi paydo bo‟ldi.
2000 yilda respublika eksporti dunyoning 80 dan ortiq mamlakatlari bozorlariga kirib 
bordi. Bu davrga kelib, O‟zbekiston uzoq xorij mamlakatlarining 38 tasi bilan o‟zaro qulay 
savdo-iqtisodiy rejimiga ega bo‟lib, ular bilan "Sarmoyalarni o‟zaro himoya qilish to‟g‟risida 
bitimlar tuzdi. Bunday bitimlar Germaniya, Buyuk Britaniya, Turkiya, Misr, Indoneziya, 
Malayziya, Pokiston, Finlyandiya, Koreya Rsspublikasi, AQSH, Fransiya kabi davlatlar bilan 
imzolandi. Kanada, Xitoy Xalq Respublikasi, Turkiya, Gollandiya, Germaniya, Shveysariya 
banklari va firmalari bilan hukumatlararo 32 ta yirik kredit bitimlariga imzo chekildi.
Shu asnoda mustaqillikning dastlabki yillaridan beri izchillik bilan bilan hayotga tadbiq 
etib kelinayotgan va xorijiy mutaxassislar tomonidan "taraqqiyotning o‟zbek modeli" deb e„tirof 
etilgan islohotlar strategiyasi amaliyotda o‟z ijobiy natijasini berayotgani yaqqol namoyon 
bo‟ldi. Bu jarayonlarga izoh berar ekan, Prezideng Islom Karimov o‟zining BMT sammitining 
Mingyillik rivojlanish maqsadlariga bag‟ishlangan yalpi majlisidagi nutqida shunday dedi: "Biz 
avval boshdan "shok terapiyasi" deb atalgan usullarni chetdan turib joriy etishga urinishlardan, 
"bozor iqtisodiyoti o‟zini o‟zi tartibga soladi", degan o‟ta jo‟n va aldamchi tasavvurlardan voz 
kechdik, "yangi uyni qurmasdan turib, eskisini buzmang" degan hayotiy tamoyilga tayangan 
holda, ma„muriy buyruqbozlik, mustabid tizimdan boshqaruvning bozor tizimiga o‟tish 
jarayonida tadrijiy yondashuvni tanladik" (Karimov I.A. Demokratiya: islohotlarni yanada 
chuqurlashtirish va fuqarolik jamiyatini shakllantirish – mamlakatimiz taraqqiyotining asosiy 
mezonidir. 19-j. -T.: O‟zbekiston, 2011-B. 19.)
2008 yil 14 iyulda Xalqaro valyuta jamg‟armasi (XVJ) Ijrochi direktorlari kengashi 
O‟zbekistonni iqtisodiy rivojlantirishning yuqori iqtisodiy o‟sish sur„atlari, makroiqtisodiy 
barqarorlikni izchil mustahkamlash va muvaffaqiyatli amalga oshirilayotgan tarkibiy 
o‟zgarishlarda o‟z ifodasini topayotgan natijalarini yuksak baholadi. XVJ mutaxassislari 
O‟zbekistonda yuritilayotgan qat„iy soliq-byudjet siyosati, puxta o‟ylangan makroiqtisodiy 
strategiya va izchil amalga oshirilayotgan tuzilmaviy islohotlar yuqori iqtisodiy o‟sish sur„atlari 
barqarorligi, savdo va to‟lov balansining ijobiy saldosini yanada mustahkamlash, oltin-valyuta 
zahirasini ko‟paytirish, shuningdek, mamlakat qarzini o‟tish davri iqtisodiyotini boshidan 
kechirayotgan mamlakatlar orasida eng past darajagacha kamaytirishni ta„minladi, degan 
xulosaga kelishdi.
Jahon iqtisodiy inqirozi davrida O‟zbekiston yalpi ichki mahsulotining yillik o‟sishi 8 
foizdan kamaymadi. Bunday o‟sish sur„atini dunyoning kamdan-kam davlatlarida kuzatish 
mumkin. 2008-2011 yillari global moliyaviy-iqtisodiy inqiroz tufayli ko‟plab rivojlangan 
mamlakatlarda ishlab turgan zavod va fabrikalar faoliyati to‟xtab qolayotgan bir paytda 
O‟zbekistonda yangi zavodlar ishga tusha boshladi. Toshkent viloyatida "Jeneral Motors" 
kompaniyasi bilan hamkorlikda 2009-2011 yillarda qurib ishga oshirilgan General Motors 
Powertrain Uzbekistan avtomobillar uchun motor ishlab chiqarish korxonasi bunga misol bo‟la 
oladi.
Xalqaro hamjamiyat tomonidan O‟zbekiston yutuqlarining, qolaversa, uning global 
retsessiya paytida ishlab chiqilib, amalga oshirilgan "Inqirozga qarshi choralar dasturi" 
muvaffaqiyatining tan olingani 2010 yili Osiyo Taraqqiyot banki boshqaruvchilari yillik 
yig‟ilishi mamlakatimiz Toshkent shahrida o‟tkazilganida ham yorqin namoyon bo‟ldi.
Hozirgi kunga kelib, O‟zbekiston dunyoning 160 dan ortiq mamlakati bilan savdo-
iqtisodiy aloqalar o‟rnatgan, tashqi savdo bo‟yicha geografik qamrovini sezilarli darajada 
kengaytira olgan. Respublikamiz tashqi savdo aylanmasi muttasil o‟sib bormoqda. Bu 
ko‟rsatkich 2011 yilda 25,5 mlrd. AQSH dollarini tashkil etib, 2000 yilga nisbatan 4,1 barobar 

---

o‟sdi. Eksport hajmining 2011 yilda 2010 yilga nisbatan o‟sishi 15,4 foizni tashkil etdi. 2000-
2011 yillar davomida eksportni diversifikatsiya qilish, uning tarkibini takomillashtirish 
borasidagi chora-tadbirlar amalga oshirildi
Istiqlol yillarida mamlakatimiz iqtisodiyotida 165 milliard dollardan ortiq kapital mablag‟ 
o‟zlashtirilgan bo‟lib, buning 56 milliard dollardan ziyodi xorijiy investitsiyalar. 2013 yil kapital 
investitsiyalar hajmi 14 milliard dollarni yoki yalpi ichki mahsulotga nisbatan 23 foizni tashkil 
etdi.
Jahon bozoridagi konyunkturaning beqarorligiga qaramasdan, 2013 yilda O‟zbekiston 
eksporti hajmining o‟sishi 10,9 foizdan iborat bo‟ldi. Tashqi savdo faoliyatidagi umumiy saldo 1 
milliard 300 million dollarni tashkil etdi. So‟nggi yillarda eksport tarkibida raqobatbardosh 
tayyor mahsulotlar ulushi barqaror sur„atlar bilan o‟sib borayotgani yaqqol ko‟zga tashlanmoqda. 
2013 yilda umumiy eksport hajmining 72 foizidan ortig‟i tayyor tovarlar hissasiga to‟g‟ri kelgani 
iqtisodiyotimizning diversifikatsiya qilinayotgani, unda modernizatsiya jarayonlari jadal 
kechayotganidan dalolat.
2013 yilning 1 yanvar holatiga ko‟ra, "O‟zbekistonning jami tashqi qarzi miqdori yalpi 
ichki mahsulotga nisbatan 16,0 foizdan oshmagani, bu ko‟rsatkich esa xalqaro mezonlar 
bo‟yicha "o‟rtachadan ham kam" darajada baholangani buni isbotlab bermoqda".
O‟zbekistonning jahon xo‟jalik tizimida munosib o‟rin egallashida mamlakatimizda tashkil 
etilgan tarmoqlararo ko‟rgazmalar o‟zining ijobiy natijalarini bera boshladi. "Paxta va ipak", 
"Neft va gaz mahsulotlari", "Qurilish mollari" va boshqa qator shu kabi muhim xalqaro 
yarmarkalar mamlakatimizning dunyo bozorlarida 
o’z
o‟rniga ega bo‟lishida muhim ahamiyat 
kasb etdi. Bugungi kunda O‟zbekistonda yana boshqa qator sohalarda xalqaro ko‟rgazmalar 
muntazam o‟tkazilib kelinmoqda.
Madaniy-gumanitar sohalardagi hamkorlik. Milliy qadriyatlarimizni tiklash, tarixiy 
yodgorliklar, muqaddas qadamjolarni asrab-avaylash, ajdodlarimizning boy merosini o‟rganish 
va targ‟ib etish, ilm-fan, ta„lim, madaniyat va sport sohalarini izchil rivojlantirish, shu yo‟l bilan 
umumbashariy taraqqiyotga hissa qo‟shish borasida amalga oshirilayotgan keng ko‟lamli davlat 
siyosati O‟zbekistonning dunyo hamjamiyatidagi o‟rnini mustahkamlashda, uning xalqaro 
miqesda keng tanilishida muhim omillardan biri bo‟lib xizmat qilmoqda. O‟zbekiston davlat 
byudjeti xarajatlar qismining 60 foizga yaqini ta„lim, sog‟liqni saqlash, ilm-fan, madaniyat va 
san„at, sport sohalari rivojlanishiga sarflanayotgani bu borada ijobiy natijalar bermoqda.
Aloqalarimizning ushbu sohalardagi muhim yo‟nalishlari xorijiy davlatlar bilan ikki 
tomonlama munosabatlar va xalqaro tashkilotlar, jumladan, YUNESKO, TSESCO va boshqa 
tuzilmalar doirasida izchil rivojlanib bormoqda.
1993 yil 26 oktabrda O‟zbekiston BMTning ta„lim, fan va madaniyat bo‟yicha tuzilmasi 
YUNESKOga mustaqil davlat sifatida a„zo bo‟lib kirdi, u bilan faol, o‟zaro manfaatli 
hamkorlikni yo‟lga qo‟ydi. 1996 yil 26 aprelda mazkur tashkilot Bosh direktori Federiko Mayor 
taklifiga binoan Prezident Islom Karimov YUNESKOning Parij shahrida joylashgan bosh 
qarorgohiga rasmiy tashrif buyurdi. Tashrif mobaynida mamlakatimizning mazkur tashkilot 
bilan hamkorligi istiqbollari belgilab olindi. Oliy darajadagi muzokaralar O‟zbekiston va 
YUNESKO o‟rtasidagi munosabatlarning yildan-yilga rivojlanib, doirasi kengayib borishida 
muhim omil bo‟ldi.
1997-2001 va 2009-2013 yillari O‟zbekiston YUNESKOning Ijroiya kengashiga saylandi 
va ushbu global tashkilot ishini boshqarishda bevosita ishtirok etdi.
Samarqand, Buxoro, Xiva va Shahrisabzning qadimiy obidalari YUNESKOning Jahon 
madaniy merosi ro‟yxatiga kiritilib, xalqaro muhofazaga olindi. "Shashmaqom" va Navro‟z 
bayrami insoniyatning og‟zaki va nomoddiy merosi durdonasi deb e„lon qilindi. Toshkent 
shahrida saqlanayotgan Usmon Qur„oni va Fanlar akademiyasining Abu Rayhon Beruniy 
nomidagi Sharqshunoslik institutidagi nodir qo‟lyozmalar "Jahon xotirasi" ro‟yxatiga kiritildi. 
YUNESKO qaroriga muvofiq, 2001 yilda Buxoro "Tinchlik shahri" deb e„lon qilindi. Davlatimiz 
rahbari tashabbusi bilan YUNESKO shafeligi ostida dunyoning eng qadimiy shaharlaridan 
bo‟lmish Samarqandda tashkil etilgan "Sharq taronalari" xalqaro musiqa festivali xalqlar 

---

o‟rtasida hamkorlik rishtalarini mustahkamlash, musiqa va qo‟shiq orqali odamlar qalbida ezgu 
tuyg‟ularni uyg‟otish, mushtarak tomirlarni bir-biriga yaqinlashtirishdek olijanob maqsadlarga 
xizmat qilmoqda.
Milliy madaniyatni rivojlaitirish, madaniy-tarixiy yodgorliklarni asrab-avaylash va bu 
borada xalqaro hamkorlikni mustahkamlashga qo‟shgan hissasi, xalqlar o‟rtasidagi do‟stlik 
rishtalarini, madaniyatlararo va dinlararo muloqotni rivojlantirish, madaniy rang-baranglikni 
qo‟llab-quvvatlash borasidagi ulkan xizmatlari uchun Prezident Islom Karimov 1998 yilda 
YUNESKOning "Abu Ali ibn Sino" oltin medali, 2006 yilda esa "Borobudur" oltin medali bilan 
taqdirlandi.
ISESCO tomonidan Toshkent shahrining 2007 yilda Islom madaniyati poytaxti deb e„lon 
qilinganini ham alohida e„tirof etish zarur. Bunday yuksak maqomni qo‟lga kiritish O‟zbekiston 
xalqi uchun ulkan tarixiy voqea bo‟ldi. 

---