1. Ота дарвоза Ассалому алайкум!

4. Қазишма ишлари:- Ичан – қалънинг шимоли – шарқий бурчагида 136 кв. метр майдонда олиб борилди. Бу жойда 9 та қурилиш даври аниқланди.
Қальа деворлари ва минора биринчи даврга мансубдир. Деворлар тўртбурчак хом ғиштдан тикланган. Унинг ост қисмига 1.36 метр баландликда пахса урилган. Шу ерда узунлиги 7 метр, қалинлиги 2 метр, сақланиб қолган баландлиги 2.5 метр келадиган ташқи қальа девори очиб қўйилди. Минора деворининг қалинлиги 2.75 метр, минора ички хонаси йўлагининг кенглиги 0.8 метр. Минора ички хонасининг тубига йирик кул ранг қум солинган, унинг устига бир қатор белгили хом ғишт терилган. Хонада палахмондан отиладиган сопол соққа (ўқ) ва шер калласи кўринишидаги кўза дастаги топилган.
Янги мудофаа девори қурилганлиги, унинг доирасимон ёки чўзиқ миноралари қалъа деворидан 6-7 метр баланд бўлгани, қурилишда 23 – 29 см ҳажмли пишиқ ғиштлар ишлатилганлиги аниқланди.
1985-1995 йиллар давомида Хиванинг энг қадимги қисми Ичан қалъанинг олти жойида, умумий ҳажми 1200 кв. метр, қалъа деворининг 7 жойида қазиш ва ўрганиш ишлари олиб борилди. Энг қадимги маданий қатлам 7 метр чуқурликда ётгани аниқланди.
Шундай қилиб, археолог олимлар топилган ашёвий буюмларга, сақланиб турган қалъа деворининг қурилиш даврига асосланиб, Хива шаҳрининг Полвон ёп канали (эски номи Хейконик) бўйида эр. ав. VI–V асрларда бунёд қилинганлигини исботлашди.
Деворнинг баландлиги 7–8 метр, қалинлиги пастида 8–10, тепада 2-3 метрни ташкил қилади. Душмандан ҳимояланиш чоғида қалъа девори устида аравада юриш имкони бўлган.