1. O`quv fanining dolzarbligi va oliy kasbiy ta’limdagi o`rni

---

---

---

1. O`quv fanining dolzarbligi va oliy kasbiy ta’limdagi o`rni 

Hozirgi  kunda  “Atom  fizikasi”  fani  yutuqlari  fan  va  texnikada,  sanoatida, 

geologiyada  va  tibbiyotda  keng  qo’llanilmoqda.  Ushbu  fan  asosida  tibbiyotda 

yangi yo’nalish - tibbiyot fizikasi va nanotexnologiyalar vujudga keldi. Ushbu fan 

atomlarning  tuzilishi  va  xususiyatlari,  ionlar  va  elektron  konfiguratsiyalari, 

shuningdek,  ular  ishtirok  etuvchi  jarayonlarni  o’z  ichiga  qamrab  oladi.  Kvant 

fizikasi  qonunlari  va  tamoyillari,  atom-molekulyar  tizim  xususiyatlari  va  ularda 

kechadigan jarayonlarni bilish va moxiyatini tushunishda talabalarni zarur bo’lgan 

bilimlar bilan qurollantiradi. 

“Atom fizikasi” umumiy kasbiy fanlardan biri bo’lib, 5-semestrda o’tkaziladi. 

Mazkur  fanni  o’zlashtirish  uchun  o’quv  rejasidagi  “Matematik  tahlil,” 

“Differentsial tenglamalar” “Informatika va axborot texnologiyalari”, “Molekulyar 

fizika”,  “Elektr  va  magnetism”  va  “Optika”  fanlaridan  yetarli  bilim  va 

ko’nikmalarga ega bo’lishlari talab etiladi. 

Fanni  o’qitishning  maqsadi  -  talabalarga  atom  fizikasining  asoslarini,  asosiy 

tushunchalari, qonunlari va tamoyillarini o’rgatish hamda ularni amaliyotda tatbiq 

etish ko’nikmasini xosil qilishdan iborat. 

Fanning  vazifasi  talabalarni  atom  fizikasining  turli  nazariy  va  eksperimental 

masalalarni tahlil etishga, mustaqil fikrlashga, atomning klassik va kvant mexanika 

assosida  tushintirish,  atomga  tashqi  maydonlarning  ta’sirlarini  o’rganish  va 

eksperiment natijalarini taxlil qilishni o’rganish uchun tayyorlashdan iborat. 

Fan  buyicha  talabalarning  bilim,  ko’nikma  va  malakalariga  quydagi  talablar 

qo’yiladi. Talaba: 

-  atom  fizikasi  soxasiga  tegishli  asosiy  fizik  qonuniyatlarni,  ularning 

amaliyotdagi  o’rnini,  fizik  kattaliklarning  ma’nosini,  birliklarini  va  ularni 

taqqoslashni, asosiy fizik qonun va tamoyillarini mikroolam hodisalariga qo’llash 

usullari to’g’risida tasavvurga ega bo’lishi; 

- 

atom  va  uning  qobiqlaridan  tashkil  topgan  tizimining  asosiy  xususiyatlarini 

o’rganuvchi  laboratoriya  ishlarini  sozlash,  o’lchashlarni  bajarish  va  natijalarni 

xisoblash,  eksperiment  xatoliklarini  hisoblash  va  tajriba  sifatini  xulosalash, 

tajribalarda ishlatiladigan o’lchov asboblaridan to’g’ri va aniq foydalanish; yadro-

fizikaviy  asbob  va  qurilmalarning  ishlash  tamoyillarini  fizik  qonunlar  asosida 

tavsiflashni bilishi va ulardan foydalana olishi; 

 

-  tajribalarni  rejalashtirish,  atom  fizikasi  buyicha  o’lchov  asbob  va 

qurilmalarni  ekspluatatsiya  qilish,  umumny  talab  darajasidagi  masalalarni  yechish 

va  tahlil  qilish;  atom  fizikasi  bo’yicha  masala  va  tajribalar  natijalarni  har  xil 

o’lchov birliklar sistemalarida hisoblashda, matematik hisoblash usullarini qo’llash 

ko’nikmalariga ega bo’lishi kerak. 

 

 

---